რეანიმაციული მომსახურების განახლებული სტანდარტი სამედიცინო მომსახურების ხარისხის გაუმჯობესების მიზნით დამტკიცდა.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ გავრცელებული ინფორმაციით რეანიმაციული სერვისის ყველა მიმწოდებელი ვალდებული იქნება ჯანდაცვის სამინისტროს მიერ წარმოდგენილი რეანიმაციული მომსახურების სანებართვო პირობები სწორედ 2023 წლის 1-ელ სექტემბრამდე დააკმაყოფილოს.
სტანდარტი აწესებს შესაბამის პირობებს რეანიმაციული განყოფილების ინფრასტრუქტურული მოწყობის, აღჭურვილობის, ლაბორატორიული და დიაგნოსტიკური კვლევების, სპეციალური ოპერატიული პროცედურების, მომსახურების ხარისხის, სამედიცინო პერსონალის რაოდენობისა და განათლების ვალდებულებების კუთხით.ჯანდაცვის სამინისტროს მიერ წარმოდგენილი სანებართვო პირობების გარეშე კლინიკას რეანიმაციული მომსახურების მიწოდების უფლება არ ექნება.
