სტატისტიკის ეროვნული სამსახურის მონაცემებით, 2023 წლის ბოლოს საქართველოს მასშტაბით, 1 680 400 ავტომობილია რეგისტრირებული.
ოფიციალური მონაცემებით, 2017 წლიდან მოყოლებული ავტომობილების რაოდენობა ყოველწლიურად იზრდება საქართველოში. შედარებისთვის, 2017 წლის ბოლოს ქვეყანაში რეგისტრირებული იყო 1 228 100 ავტომობილი. რაც შეეხება წლიურ ჭრილს, 2022 წელს 1 563 200 ავტომობილი იყო რეგისტრირებული, რაც ნიშნავს რომ წლიური ზრდა – 117 200 ერთეულია. რაც შეეხება წლოვანებას, გასული წლის ბოლოს ქვეყნის მასშტაბით რეგისტრირებული ავტომობილების ძირითადი 82.3% არის 10 წელზე მეტი ასაკის. საქსტატის ცნობით, საუბარია 1 383 000 ერთეულ ავტომობილზე. 7 300 ერთეული ავტომობილის ასაკი უცნობია; 210 700 ერთეული არის 5-10 წლის; 46 500 ავტომობილი 2-5 წლის; 33 ათასი ავტომობილი არის 2 წელზე ნაკლების
„საქსტატის“ მონაცემებით, გასულ, 2023 წელს რეგისტრირებული ავტომობილებიდან ძირითადი – 85.6% ანუ 1 438 600 ერთეული იყო მსუბუქი ავტომობილი; 118 ათასი – სატვირთო; 54 100 ავტობუსები და მიკროავტობუსები; 69 600 – სპეციალური დანიშნულების; ხოლო 100 ერთეულის კატეგორია უცნობია.
