ბიზნესიდღის სიახლეებიეკონომიკასაზოგადოებასაინტერესო სიახლეებისიახლეები

Subway-ს წარმატების საიდუმლო და გზა მილიარდებამდე

0
გაზიარება

Subway მსოფლიოს მასშტაბით ყველაზე დიდი რესტორნების ქსელია და თავის ბიზნესს სენდვიჩზე ფოკუსირებით მუდმივად ზრდის. ის არის ერთ-ერთი ფრენჩაიზი, რომელიც ყველაზე სწრაფად ფართოვდება მთელ მსოფლიოში. ამჟამად კვების ობიექტს 111-ზე მეტ ქვეყანაში, 44,000-ზე მეტი ლოკაციას ფლობს. მათ შორის საქართველოშიც.

2002 წელს მან გადაუსწრო აშშ-ს ყველა სხვა სწრაფი კვების ქსელს და გახდა ყველაზე წარმატებული.

საინტერესოა, როგორ შეძლო ბიზნესმა ასეთი წარმატების მიღწევა?

დასაწყისი

Subway-ის დამფუძნებელი, ფრედ დელუკა თავდაპირველად სამედიცინო კარიერის განვითარებას გეგმავდა. ფრედი ღარიბი ახალგაზრდა იყო, რომელსაც სწავლის საფასურის გადახდაც კი არ შეეძლო, ამიტომ დამფინანსებელს გამუდმებით ეძებდა.

სენდვიჩის რესტორნის შექმნის იდეა მას ნათესავმა შესთავაზა. დასახმარებლად მას ფიზიკის დოქტორმა პიტერ ბაკმა თავდაპირველად 1000 დოლარი ასესხა და მისი ბიზნეს პარტნიორიც გახდა. დაწესებულებას, სადაც სენდვიჩები იყიდებოდა თავდაპირველად Pete’s Super Submarines ერქვა. უნიკალური გეგმის მიხედვით, მათ შეძლეს და ათ წელიწადში 32 ლოკაცია გახსნეს.

1965 წელს ფრედ დელუკამ პიტერ ბაკისგან 1000 დოლარი ისესხა და კონექტიკუტის შტატში თავისი პირველი რესტორანი გახსნა – სწორედ ეს მოვლენა ითვლება ზღაპრის დასაწყისად. გამომუშავებული მცირე მოგებით, დელუკამ შეძლო და უნივერსიტეტში სწავლა გააგრძელა. თუმცა, მოვლენები სულ სხვაგვარად განვითარდა. 1968 წელს ბიზნეს პარტნიორებმა საბოლოოდ გადაწყვიტეს თავიანთი რესტორნების ქსელის რებრენდინგი და ახალი სახელწოდება Subway შეურჩიეს.

უპრეცედენტო წარმატება

Subway-ს დიდი დრო არ დასჭირდა გაფართოებისთვის. 1978 წელს კალიფორნიაში პირველი Subway გაიხსნა, 1984 წლისთვის კი ბაჰრეინში ფრენჩაიზის გაშვებით, კომპანიამ გააფართოვა თავისი წვდომა მთელს მსოფლიოში.

2015 წლამდე ფრედი კომპანიის აღმასრულებელი დირექტორი იყო. თუმცა ორწლიანი ავადმყოფობის შემდეგ, მან მმართველის ადგილი სიუზან გრეკოს გადასცა.

მიუხედავად იმისა, რომ Subway-ის დამფუძნებელი გარდაიცვალა, კომპანია განაგრძობდა უპრეცედენტო ზრდას. დღეს Subway-ს ყველაზე მეტი რესტორანი 26,744 ფილიალის სახით აშშ-ში აქვს. 2007 წლიდან დაწყებული, Entrepreneur-ის ტოპ 500 ფრანჩაიზის სიაში, Subway მუდმივად ინარჩუნებს მაღალ რეიტინგს.

Subway როგორც გლობალური ბრენდი

მიუხედავად წარმატებისა, Subway-ს თავისი ისტორიის განმავლობაში ხშირად უჭირდა ინდუსტრიაში წამყვანი როლის შენარჩუნება. 1974 წელს Subway-მ თავისი კომპანია ფრენჩაიზინგის ბიზნეს მოდელით დაიწყო.

ზუსტად რვა წლის შემდეგ, კომპანია 16 მაღაზიიდან 200 ლოკაციამდე გაფართოვდა, განიცადა მრავალი ცვლილება და დიდი გამოცდილებაც მოიპოვა.

წარმატების საიდუმლო

Business Insider-ის თანახმად, Subway არის ერთ-ერთი სასადილო, რომელსაც აქვს ყველაზე დაბალი ღირებულება ფრენჩაიზის დაწყებისას. ეს შეიძლება იყოს მიზეზი იმისა, რომ ბიზნესი ასეთი წარმატებულია.

CNN Money-ის ცნობით, დელუკამ სენდვიჩის შექმნის ბიზნესი ფრენჩაიზის ჯადოსნობაში გადააქცია და გარკვეულ ასპექტებში მაკდონალდსაც კი აჯობა.

დღეს მისი კაპიტალიზაცია 10.2 მილიარდ დოლარს შეადგენს.

წყარო: therichest.com

მსგავსი სიახლეები

ლარი დოლართან და ევროსთან მიმართებით გამყარდა

31 მარტის ვაჭრობის შედეგად ქართული ეროვნული ვალუტა აშშ დოლართან მიმართებაში გამყარდა. დოლარის მიმართ კურსის ცვლილებამ 0.41 თეთრი შეადგინა, რის შემდეგაც დოლარის ოფიციალური ღირებულება 2.5563 ლარი გახდა. საქართველოს ეროვნული…

საქართველოში ზეთისხილის პირველი სანერგე იხსნება

„საქართველოში გაიხსნება პირველი სანერგე, რომელსაც ზეთისხილი გამოჰყავს კალმით და დამყნობით. მე უკვე თამამად შემიძლია გითხრათ, რომ ყოველ წელს ვაწარმოებთ, ნახევარ მილიონ ნერგს, მომავალი 2 წლის განმავლობაში - 1 მილიონს“,- ამის…

ილონ მასკმა Twitter-ზე 133 მილიონზე მეტი გამომწერი დააგროვა და ბარაკ ობამას გადაუსწრო

მსოფლიოს ერთ-ერთმა უმდიდრესმა ადამიანმა, ილონ მასკმა Twitter-ზე 133 მილიონზე მეტი გამომწერი დააგროვა და ამ პარამეტრით აშშ-ის 44-ე პრეზიდენტს, ბარაკ ობამას გადაუსწრო, - ამის შესახებ ავტორიტეტული ამერიკული გამოცემა, The Verge-ი…

მსოფლიო ბრინჯის კრიზისის წინაშეა

The Economist-ის ინფორმაციით მსოფლიო ბრინჯის კრიზისში შედის,რადგან გლობალური მოთხოვნა მკვეთრად იზრდება, მოსავლიანობა სტაგნაციაშია, წარმოებისთვის საჭირო მიწა, წყალი და მუშახელი სულ უფრო მწირი ხდება, კლიმატის ცვლილება და…

„ჩიკატაის“ სათამაშოები ავსტრალიაში ექსპორტზე გავიდა

ხელნაკეთი სათამაშოების მწარმოებელმა ადგილობრივმა კომპანია „ჩიკატაიმ“ გასულ კვირას საკუთარი პროდუქცია ექსპორტზე ავსტრალიაში გააგზავნა. ამის შესახებ კომპანიის დამფუძნებელმა თამარ ბუიღლიშვილმა განაცხადა. ბუიღლიშვილის თქმით…

მეტის ჩატვირთვა იტვირთება...პოსტები აღარ მოიძებნა
error: Content is protected !!