„ხალიკ ბანკ საქართველოს“ გრძელვადიანი რეიტინგის მაჩვენებელი „BB+” დონეზე ნარჩუნდება. საერთაშორისო სარეიტინგო სააგენტო Fitch Ratings სს ხალიკ ბანკ საქართველოს გრძელვადიან რეიტინგს (IDRs) სტაბილური პერსპექტივით “BB+” დონეზე, ხოლო მდგრადობას (VR) „b+”-ადასტურებს.
სს „ხალიკ ბანკის საქართველოს“ უმაღლესი რეიტინგი განპირობებულია ბანკის გაუმჯობესებული მომგებიანობით, სტაბილური დაფინანსებით და ძლიერი დედა ბანკით. სს „ხალიკ ბანკი ყაზახეთი“ (HBK, BBB-/სარეიტინგო მოლოდინით – სტაბილური), სს „ხალიკ ბანკის საქართველოს“ აქციების 100%-იანი წილის მფლობელია. სს „ხალიკ ბანკი ყაზახეთი“ ყაზახეთის საფინანსო ბაზრის უმსხვილეს ინსტიტუტს წარმოადგენს, რომლის მთლიანი აქტივები 29 მილიარდ აშშ დოლარს აღწევს და თავისი არსებობის თითქმის 100 წელს ითვლის. მისი აქციები ლონდონის საფონდო ბირჟაზე 2006 წლიდან არის წარმოდგენილი.
ქართულ ბაზარზე „ხალიკ ბანკი საქართველო“ 2008 წლიდან ოპერირებს, როგორც უნივერსალური კომერციული ბანკი, რომელიც კორპორატიულ, მცირე და საშუალო და საცალო კლიენტებს პროდუქტებისა და მომსახურებების ფართო სპექტრს სთავაზობს მომხმარებლებს. ბანკი წარმოდგენილია 8 ფილიალით თბილისში, ქუთაისში და ბათუმში და ერთი სერვის ცენტრით ფოთში. ბანკის აქტივებმა 30/09/22-ის მდგომარეობით მილიარდ ლარს გადააჭარბა.
