დღის სიახლეებისიახლეები

ყველაზე ინოვაციური ქვეყნების რეიტინგში 132 ქვეყანას შორის საქართველო 65-ე ადგილს იკავებს

0
გაზიარება

ყველაზე ინოვაციური ქვეყნების რეიტინგში, 132 ქვეყანას შორის საქართველო 65-ე ადგილს იკავებს

“ინტელექტუალური საკუთრების მსოფლიო ორგანიზაციამ” 2023 წლის გლობალური ინოვაციების ინდექსის ანგარიში გამოაქვეყნა, რომელშიც სწრაფი ტექნოლოგიური განვითარების ეპოქაში მსოფლიოს 132 ქვეყნის ინოვატორული დონეა შეფასებული.

აღნიშნული ქვეყნები 80-მდე ინდიკატორით შეფასდნენ, რომლებიც 7 კატეგორიაში ნაწილდება, ესენია:

  • ცოდნა და ტექნოლოგიური პროდუქცია
  • ადამიანური კაპიტალი და კვლევა
  • ბიზნესის დახვეწილობა
  • ბაზრის დახვეწილობა
  • კრეატიულობა
  • ინფრასტრუქტურა
  • ინსტიტუტები

თითოეული ქვეყნის საბოლოო ქულა კი ამ კატეგორიებში მიღებული შეფასებათა ჯამით დგინდება. ინდექსის თანახმად, ზედიზედ მეცამეტე წელია, ყველაზე ინოვაციურ ქვეყნად შვეიცარია სახელდება, რომელიც მაქსიმალური 100-დან 67.6 ქულითაა შეფასებული. სხვა გადამწყვეტ ფაქტორებთან ერთად, მისი პოზიცია ბიზნესის კეთების პოლიტიკითა და პატენტის რეგისტრაციის მასშტაბებით განისაზღვრება. ინდექსს შეუფასებელი არ დარჩენია შვეიცარიის მაღალი კლასის კვლევითი ინსტიტუტები და კვალიფიციური სამუშაო ძალაც.

რეიტინგის მეორე ადგილი წელს ამერიკის შეერთებული შტატები შვედეთმა 64.2 ქულით ჩაანაცვლა – ბიზნეს დახვეწილობით, დასაქმების დონითა და მკვლევრების რაოდენობით ქვეყანამ უმაღლესი შეფასებები დაიმსახურა.

ამერიკის შეერთებულმა შტატებმა რეიტინგში მესამე ადგილი 63.5 ქულით დაიკავა, მიუხედავად იმისა, რომ  ქვეყანამ დაგროვებული ვენჩურული კაპიტალით, კოოპერაციული კვლევებითა და ინვესტორების რაოდენობით უმაღლესი შეფასებები მოიპოვა. აღსანიშნავია ისიც, რომ გლობალურად მილიარდ დოლარად შეფასებული 1206 სტარტაპიდან 54% – ამერიკულია.

მეოთხე ადგილს გაერთიანებული სამეფო იკავებს, რომელსაც სინგაპური, ფინეთი და ნიდერლანდები  მოსდევს. გერმანია, დანია და სამხრეთ კორეა კი რეიტინგის მერვე, მეცხრე და მეათე ადგილს 58 ქულით ინაწილებენ.

შეფასებულ 132 ქვეყანას შორის საქართველოც მოხვდა, რომელიც 29.9 ქულით რეიტინგის 65-ე ადგილს იკავებს.

საქართველომ ყველაზე მაღალი შეფასება – 70.6 ქულა – ინსტიტუციების კატეგორიაში დააგროვა და 25-ე პოზიციაც დაიმსახურა. ანგარიშის თანახმად, მაღალი ქულით შეფასებულია ქართული ბიზნეს გარემო და მარეგულირებელი უწყებები. რაც შეეხება სხვა კატეგორიებს – ქართული ადამიანური კაპიტალი 30.2 ქულით შეფასდა, ინფრასტრუქტურა 36.2 ქულით, ბიზნესის დახვეწილობა – 29.4 ქულით, ცოდნა და ტექნოლოგიები – 21.4 ქულით, ხოლო ყველაზე დაბალი შეფასება – 18.8 ქულა – კრეატიულმა წარმოებამ დაიმსახურა.

გლობალური რეიტინგის ბოლო ადგილებს- გვინეა, მალი, ბურუნდი, ნიგერი და ანგოლა იკავებენ.

მსგავსი სიახლეები

იანვარ-აგვისტოში საქართველოდან ექსპორტმა 4.2 მლრდ დოლარი, იმპორტმა კი 10.5 მლრდ შეადგინა

2024 წლის იანვარ-აგვისტოში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 14.700 მლრდ. აშშ დოლარი შეადგინა, რაც წინა წლის შესაბამის პერიოდთან შედარებით 3 პროცენტით მეტია.  მონაცემებს…

აგვისტოში, საარსებო შემწეობა 454 112-მა მოქალაქემ მიიღო – სოციალური მომსახურების სააგენტო

სოციალური მომსახურების სააგენტოს ინფორმაციით, აგვისტოში, საარსებო შემწეობა 454 112-მა მოქალაქემ მიიღო. სტატისტიკური მონაცემების მიხედვით, მათ შორის, 16 წლამდე ასაკის ბავშვი 244 699-ია. სააგენტოს ცნობით, აგვისტოს თვის…

საქართველოში ქალები მამაკაცებზე 34%-ით ნაკლებ ხელფასს იღებენ – სტატისტიკის სამსახური

2024 წლის მეორე კვარტალში დაქირავებით დასაქმებული ქალების საშუალო ნომინალური ხელფასი 1 590.2 ლარით, ხოლო კაცების - 2 413.5 ლარით განისაზღვრა. ხელფასების წლიურმა ზრდამ ქალებში 153.1 ლარი (10.7%) შეადგინა, ხოლო კაცებში - 251.8…

UFC-ის საჩემპიონო ქამარი დაახლოებით 330 000 დოლარი ღირს და მისი ღირებულება ტიტულის დაცვის რაოდენობის მიხედვით იზრდება

UFC-ის საჩემპიონო ქამარი დაახლოებით 330 000 დოლარი ღირს. ქამრის ღირებულება ტიტულის დაცვის რაოდენობის მიხედვით იზრდება და ყოველი დაცვისთვის ძვირფასი ქვა ემატება. საჩემპიონო ქამრის ღირებულება განპირობებულია მისი შექმნისთვის…

10 ყველაზე საშიში პროფესია მსოფლიოში

Tap Root Cause Analysis-ის ინფორმაციით, მსოფლიოში ყველაზე საშიშ პროფესიად ხე-ტყის მოპოვება ითვლება. აშშ-ს შრომის სტატისტიკის ბიუროს თანახმად, ხე-ტყის მოპოვების სამუშაოების დროს სიკვდილიანობის მაჩვენებელი ყოველ 100 ათას მუშაზე…

მეტის ჩატვირთვა იტვირთება...პოსტები აღარ მოიძებნა
error: Content is protected !!