ბიზნესიდღის სიახლეებიეკონომიკასაზოგადოებასაინტერესო სიახლეებისიახლეები

გეგმავს თუ არა ,,მეამა” პროდუქციის გაძვირებას

0
გაზიარება

“მეამას”, რომელიც ყავის მარცვლის იმპორტს 20-ზე მეტი ქვეყნიდან ახორციელებს, ბოლო ერთ წელში ნედლეული 20-30%-ით გაუძვირდა.

“მეამას” გენერალური დირექტორი ლუკა კაპანაძე ფასის ზრდას გასულ წელს ცუდი მოსავლიანობით და ყავის იმპორტიორი ქვეყნების მხრიდან გაზრდილი მოთხოვნით ხსნის. როგორც მან bm.ge-ს განუმარტა, კომპანიაში ფასის ზრდას ამ ეტაპზე არ გეგმავენ, თუმცა მის შენარჩუნებას როდემდე შეძლებენ არ იცის.

“ვცდილობთ მსოფლიო ბაზრებზე ყავის მარცვალზე ფასის ზრდას ჩვენი საოპერაციო პროცესების გაიაფებით ვუპასუხოთ და არა ყავაზე ფასის ზრდით. ამასთანავე, ჰორეკა სექტორში მომხმარებლების გააქტიურება შეინიშნება და გასული წლის იგივე პერიოდთან შედარებით ჩვენს ყავაზე კაფე-რესტორნებში მოთხოვნის 35-40%-იანი ზრდაა.

საცალო ვაჭრობის მიმართულებით შემცირებული მოგების მარჟების დაბალანსებას ჰორეკა სეგმენტით ვცდილობთ. საბოლოო ჯამში ფასის შენარჩუნება რამდენად დიდხანს იქნება შესაძლებელი, რომ გაზრდილმა პროდუქციის ღირებულებამ გასაყიდ ფასებზე არ იმოქმედოს, ამის პროგნოზირება რთულია. პროდუქციის 30%-40%-ით გაძვირება თუ  მოხდება, ჩვენ გასაყიდი ფასების გადახედვა მოგვიწევს,” – განმარტა ლუკა კაპანაძემ.

აღსანიშნია, რომ 2022 წელს საქართველოში ყავის იმპორტის მოცულობა 24.7%-ით გაიზარდა. მიმდინარე წლის 5 თვეში საქართველოში 2,832 ტონა ყავა შემოვიდა, რაშიც ქვეყანამ 9.9 მილიონი დოლარი გადაიხადა. 1 ტონის საშუალო ფასი 3,503 დოლარი იყო.

გასულ წელს ქვეყანამ 2,270 ტონა ყავა შეიძინა და 6.1 მილიონი დოლარი გავიდა ქვეყნიდან. 1 ტონა ყავის საშუალო ფასი 2,704 დოლარი იყო. წლევანდელი ფასი, გასული წლისაზე 30%-ით მეტია.

საქართველო ყავის მარცვალს რამდენიმე ქვეყანაში ყიდულობს. ყავის 5 უმსხვილეს იმპორტიორ ქვეყანას შორის ინდონეზია (1,579 ტონა), ვიეტნამი (403 ტონა), რუსეთი (226 ტონა) გერმანია (155 ტონა) და იტალია (102 ტონა) ხვდებიან.

მსგავსი სიახლეები

ევროკავშირში თავშესაფარი საქართველოს 25 209 მოქალაქემ მოითხოვა

2023 წელს ევროკავშირში თავშესაფარი საქართველოს 25 209 მოქალაქემ მოითხოვა, -  ინფორმაციას EU-ს თავშესაფრის მაძიებელთა საკითხებზე მომუშავე სააგენტო ავრცელებს. გასულ წელს თავშესაფარს საქართველოს მოქალაქეები ყველაზე ხშირად…

პარიზში ველოტაქსის სერვისი ამოქმედდა, რომელიც Uber-თან შედარებით, 20%-ით იაფი და 40%-ით უფრო სწრაფია

„ევროპულსი“-ს მიერ გავრცელებული ინფორმაციით, საფრანგეთის დედაქალაქში ველოსიპედის ტაქსის სერვისი, Heetch Bike გამოჩნდა, რომელიც ჯერ მხოლოდ შაბათ-კვირას მუშაობს ღნიშნული ტაქსი ელექტროველოსიპედია, რომელიც საქარე მინების მქონე და…

6 ცვლილებები, რომელიც 1-ლი მარტიდან საქართველოში ამოქმედდება

1-ლი მარტიდან ქვეყანაში რამდენიმე ცვლილება ამოქმედდება, რომელიც შეეხება როგორც ბიზნეს სექტორს, ასევე მომხმარებლებს. სარეკლამო შეტყობინებები წინასწარი თანხმობის გარეშე აღარ გამოიგზავნება სარეკლამო შეტყობინებები წინასწარი…

Ma-Ko’s Boutique წარმატებული ქართული ბიზნესის ასოციაციის (SGBA) წევრი კომპანია გახდა

სასიამოვნო სიახლე SuccessCard.ge -ს მომხმარებლებისთვის, Ma-Ko's Boutique წარმატებული ქართული ბიზნესის ასოციაციის (SGBA) წევრი კომპანია გახდა მა-კოს ბუტიკი / Ma-Ko's Boutique გთავაზობთ: ტანსაცმლის, ფეხსაცმლის და…

საქართველოში შექმნილი ნატურალური სურნელოვანი სანთლების მწარმოებელი კოპანია – LASKARI წარმატებული ქართული ბიზნესის ასოციაციის (SGBA) წევრი კომპანია გახდა

სასიამოვნო სიახლე SuccessCard.ge -ს მომხმარებლებისთვის, საქართველოში შექმნილი ნატურალური სურნელოვანი სანთლების მწარმოებელი კოპანია LASKARI-  წარმატებული ქართული ბიზნესის ასოციაციის (SGBA) წევრი კომპანია გახდა LASKARI -…

მეტის ჩატვირთვა იტვირთება...პოსტები აღარ მოიძებნა
error: Content is protected !!