საქართველოში სიტყვა სტრატაპმა ბოლო რამდენიმე წელია უკვე დაიმკვიდრა ადგილი, მსოფლიო კი უკვე არაერთ წარმატებულ ისტორიას უიცნობს. ამ კომპანიების საწყისი კაპიტალი არც თუ ისე დიდია, თუმცა, მრავალი მათგანი ინოვაციური მიდგოების გათვალიწინებით დღეს მილიონობით დოლარის გამომუშავებასაც მაინც ახერხებს.
”Business insider” აქვეყნებს იმ ინოვაციური სტარტაპების ჩამონათვალს, რომლებმაც ბაზარზე პოზიციონირება სწორედ განსხვავებული მიდგომებით მოახერხეს. მათ შორის მოხვდნენ ისეთი კომპანიები, რომლებიც იყენებენ ხელოვნურ ინტელექტს და ბლოკჩეინ ტექნოლოგიებს.
ერთ-ერთი ასეთი სტარტაპი Apeel Sciences-ია, რომელიც ერთგვარი საკვები ნივთიერებაა, რომლის საშუალებითაც პროდუქტი ინარჩუნებს კვებით ღირებულებას იმაზე უფრო დიდი ხნით, ვიდრე ის ჩვეულებრივ პირობებშია შესაძლებელი. გამოგონება ბილ გეიტსს და ვენჩურული კომპანიის წარმომადგენელს ანდრეი გოროვეცს ეკუთვნის. სულ ცოტა ხნის წინ კი სტარტაპმა წარადგინა ავოკადო, რომელიც ხანგრძლივი პერიოდის განმავლობაში ინარჩუნებს კვებით ღირებულებას. ის კი უკვე იყიდება სხვდასხვა მაღაზიაში.
Drive.ai- სტენფორდის უნივერსიტეტის სტარტაპია, რომელიც ხელოვნური ინტელექტის საშუალებით თვითმართვადი ავტომობილების დაპროექტების შესაძლებლობას იძლევა და პროცესს ბევრად უფრო ამარტივებს.
Everledger- ამ სტარტაპის საშუალებით შესაძლებელია ბრილიანტის ფერის, კარატების რაოდენობის და ძვირფასეულობის სერთიფიცირება. კომპანია იმედოვნებს, რომ ამ პროდუქტის საშუალებით ამ სფეროში თაღლითობა შემცირდება.
Ovamba- მობილური აპლიკაციის სტარტაპია, რომლის ავტორიც აფრიკელი ქალია. აპლიკაციის საშუალებით კი მცირე ბიზნესის მფლობელები ეძებენ ინვესტორებს, რომლებიც მათ ფინანსურად დაეხმარებიან.
XM Cyber – ერთგვარი პლატფორმაა, რომელიც ავტომატურად პოულობს სიგნალს ჰაკერების შესაძლო თავდასხმის შესახებ და მაშინვე აცნობებს კომპანიებს.
