უცხოური ბიზნეს სიახლეებიRSS კატეგორიატექნოლოგიები

2024 წლისთვის USB Type-C ყველა მობილური ტელეფონის საერთო დამტენი პორტი გახდება

0
გაზიარება

ევროკავშირში მობილურ ტელეფონებსა და სხვა ელექტრონულ მოწყობილობებს 2024 წლიდან სტანდარტული დამტენი მოწყობილობა ექნებათ. ასეთ შეთანხმებას ევროპარლამენტისა და ევროკავშირის 27 წევრი ქვეყნის წარმომადგენლებმა დღევანდელ შეხვედრაზე მიაღწიეს, რასაც ევროპარლამენტის პრესსამსახური ავრცელებს.

2024 წლის შემოდგომისთვის USB Type-C ყველა მობილური ტელეფონის, პლანშეტისა და კამერისთვის საერთო დამტენი პორტი გახდება.

ბიზნეს პრეს ნიუსის მიერ მომზადებულ სტატიაში წერია, რომ ეს ნაბიჯი არის ევროკავშირის ფართო ძალისხმევის ნაწილი, რაც ევროკავშირის პროდუქტების „გამწვანებას,“ ელექტრონული ნარჩენების შემცირებასა და მომხმარებლების ცხოვრების გაადვილებას ემსახურება.

ახალი წესების მიხედვით, მომხმარებელს ყოველ ჯერზე, როცა ახალ მოწყობილობას შეიძენს, სხვა დამტენი და კაბელი აღარ დასჭირდება. ისინი ყველა მცირე და საშუალო პორტატული ელექტრონული მოწყობილობისთვის ერთი დამტენის გამოყენებას შეძლებენ.

მობილური ტელეფონები, ტაბლეტები, ელექტრონული წამკითხველები, ყურსასმენები, ციფრული კამერები, ყურსასმენები, გარნიტურები, პორტატული სათამაშო კონსოლები და პორტატული დინამიკები, რომლებიც კაბელის საშუალებით იტენება, მწარმოებლისგან დამოუკიდებლად, USB Type-C პორტით უნდა აღიჭურვოს. ახალ წესებს, მათი ძალაში შესვლიდან 40 თვემდე, ასევე, ლეპტოპები უნდა მოერგოს.

ევროპარლამენტში აცხადებენ, რომ ახალი ვალდებულებები დამტენის მეორად გამოყენებას გაახშირებს და მომხმარებლებს დამტენის არასაჭირო შესყიდვებით წელიწადში, დაახლოებით, 250 მლნ ევროს დააზოგინებს.

დადგენილია, რომ უტილიზებული და გამოუყენებელი დამტენები წელიწადში, დაახლოებით, 11 000 ტონა ელექტრონულ ნარჩენს შეადგენს.

ევროკავშირის ამ გეგმიდან გამომდინარე, Apple თავისი iPhone სმარტფონების კონფიგურაციას Lightning კონექტორის გარეშე ტესტავს, რომელიც შესაძლოა, USB-C-მ ჩაანაცვლოს. კომპანია iPhone-ის ისტორიაში დატენვის პორტს მეორედ შეცვლის.

მსგავსი სიახლეები

2026 წელს ინდოეთში აეროტაქსი ამოქმედდება

ინდური კომპანია, InterGlobe, ამერიკულ Archer Aviation-თან თანამშრომლობით, ქვეყანაში პირველი საჰაერო ტაქსის გაშვებას 2026 წელს გეგმავს. ინფორმაციას სააგენტო, PTI ავრცელებს. InterGlobe ინდოეთში ერთ-ერთ უმსხვილეს ავიაკომპანია…

ბადიში – იმფერია ძამა, კრიმანჭულს გამღერებს!

ბადიში • Badishi  გურული საოჯახო ფირმაა, რომელიც გურიაში, გურული და რაიონული ჯიშის კულტურებით, გამორჩეული გემოს მქონე გურულ სუნელებს, ტყემალს, აჯიკას და საწებელს ამზადებს. პროდუქტის რეცეპტები ბებოსგან შთამომავლობით შვილიშვილს…

Hometta Design • ჰომეტა დიზაინი – შექმენი შენთვის!

ავეჯის საწარმო Hometta Design • ჰომეტა დიზაინი 2018 წლიდან ინტერიერის შემქმნელებს, დიზაინერებსა და სივრცის მფლობელებს შთააგონებს საოცნებო, ორიგინალური ავეჯით და მათ წარმოსახვას რეალურ სივრცეში ასახავს, კომპანია მომხმარებლებს…

Business summit 2024 – საუკეთესო პლატფორმა, ინოვაციური და საინტერესო ბიზნეს პროექტების, ინიციატივებისა და პროდუქტების პოპულარიზაციისთვის

წარმატებული ქართული ბიზნესის ასოციაციის და პიარ საკონსულტაციო კომპანია Fame Consulting • ფეიმ კონსალტინგი -ს ორგანიზებით  5 ივლისს  Hotels & Preference Hualing Tbilisi წლის მთავარი ბიზნეს მოვლენა : Business Summit 2024…

12 მარტის ვალუტის კურსი

საქართველოს ეროვნულმა ბანკმა ლარის კურსი აშშ დოლარის მიმართ 2,6573 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0003 ლარით გამყარდა ევრო - 2.9068 ლარი აშშ დოლარი -…

მეტის ჩატვირთვა იტვირთება...პოსტები აღარ მოიძებნა
error: Content is protected !!