ტურიზმი, დასვენება და გართობა
ტურიზმი, დასვენება და გართობადღის სიახლეებირეგიონებისაინტერესო სიახლეები

10 ყველაზე პოპულარული ტურისტული ადგილი საქართველოში

0
გაზიარება

1. ბათუმი

ყველაზე მეტი სტუმარი აჭარის უმშვენიერეს ქალაქს – ბათუმს ჰყავს. ბათუმი მსხვილი საერთაშორისო ნავსადგურია შავი ზღვის სამხრეთ-აღმოსავლეთ სანაპიროზე. ამ ქალაქში ტურისტები უამრავ სიძველეს ხვდებიან, აქ არის მუზეუმები, რომელთა ექსპონატებიც ქვის ხანით თარიღდება. ბათუმში და საერთოდ, აჭარაში, განვითარებულია ტურიზმის თითქმის ყველა სახეობა, აქვე შესაძლებელია ფრინველებზე დაკვირვება, რაც უამრავ ორნითოლოგს იზიდავს მსოფლიოს სხვადასხვა კუთხიდან.

2. თბილისი

ძალიან ბევრი სტუმარი ჰყავს საქართველოს დედაქალაქსაც. ტურიზმის ეროვნული ადმინისტრაციის კვლევის მიხედვით, თბილისი ამ მხრივ მეორე ადგილს იკავებს ბათუმის შემდეგ. აქ მთელი წლის განმავლობაში ათასობით საერთაშორისო ვიზიტორი და ტურისტი შემოდის, რაც ქვეყნის ეკონომიკისთვის შემოსავლის მნიშვნელოვანი წყაროა. სტუმრებს განსაკუთრებით იზიდავს ძველი თბილისი – ორიგინალური, ვიწრო ქუჩებით, ისტორიული ადგილებითა და ეკლესია-მონასტრებით.

3. ქობულეთი

ბალნეოლოგიური კურორტი ქობულეთი, აჭარის კურორტებისაგან განსაკუთრებული მიკროკლიმატით გამოირჩევა. ის კოლხეთის დაბლობზე, ქალაქ ბათუმიდან 25 კმ-ის დაშორებით მდებარეობს. ქობულეთი საქართველოს შავიზღვისპირეთის კურორტებიდან ყველაზე ახლოს არის ზღვასთან. კურორტის ძირითად სამკურნალო ნიშას შავი ზღვის თბილი და ტენიანი კლიმატი წარმოადგენს. ქობულეთი საქართველოს შავიზღვისპირეთის მნიშვნელოვანი ტურისტული ცენტრია.

4. მცხეთა

საქართველოს უძველეს დედაქალაქს, მცხეთას, ყოველ წელიწადს უამრავი ადამიანი სტუმრობს. ტურისტებს ყველაზე მეტად ამ ქალაქის ისტორიული სიძველეები იზიდავს. გამორჩეული მდებარეობა, ულამაზესი რელიეფი, უძველესი ძეგლები – ეს მხოლოდ არასრული ჩამონათვალია იმ ღირსებებისა, რომლითაც მცხეთა უცხოელ სტუმრებს ხიბლავს.

5. ქუთაისი

ქუთაისი მრავალსაუკუნოვანი ისტორიის მქონე ქალაქია. ეს მშვენიერი, ქართული ქალაქი ტურისტებს უძველესი ადგილებით იზიდავს და ყოველთვის დახვეწილი სტუმართმოყვარეობით ხვდება.

6. ყაზბეგი

სტეფანწმინდა ანუ ყაზბეგი გამორჩეული, უნიკალური ადგილია. გარდა მთის კლიმატისა და მინერალური წყლებისა, აქ არის ეკოტურიზმის თვალსაზრისით საინტერესო ხეობები: თრუსო, სნო, დარიალი და ხანდო. გარდა ულამაზესი ბუნებისა და ძველისძველი ისტორიული ძეგლებისა, ტურისტებს ქართულ სოფლებში იქაური ცხოვრების წესიც ხიბლავს.

7. ბორჯომი

ბორჯომი მესხეთისა და თრიალეთის ქედების მარადმწვანე ფერდობებს შორის მდებარეობს – ზღვის დონიდან 800-1000 მეტრის სიმაღლეზე. ბორჯომის მთავარი ღირსება სასარგებლო ჰავა და საყოველთაოდ ცნობილი მინერალური წყლებია, რომლებიც დადებითად მოქმედებს არაერთი დაავადების დროს.

8. ურეკი

ადამიანის ორგანიზმისთვის არანაკლებ სასარგებლოა ურეკში დასვენება. მაგნიტური ქვიშა ერთ-ერთი მიზეზია, რის გამოც აქ ტურისტების რიცხვი ყოველ წელიწადს მატულობს. მედიკოსები ურეკის სანაპიროზე დასვენებას გულ-სისხლ-ძარღვთა სისტემის, ნევროზის და სასუნთქი ორგანოების პრობლემების მქონე ადამიანებს ურჩევენ.

9. მესტია & უშგული

მესტია (ყოფილი სეტი) მდებარეობს მესტიის ქვაბულში – ზღვის დონიდან 1500 მ-ზე. აქ კარგადაა შემონახული შუა საუკუნეების საერო, საკულტო და თავდაცვითი ნაგებობები. მთის ჰაერი და მშვენიერი ბუნება ძალიან ბევრ ტურისტს იზიდავს. აქვეა უშგული – უნიკალური ადგილი, რომელიც ევროპის ყველაზე მაღალ დასახლებად არის მიჩნეული: უშგული ზღვის დონიდან 2060-2200 მეტრზე მდებარეობს. სოფლის თავზე აღმართულია დათოვლილი, დიდებული მწვერვალი შხარა, რომელიც კავკასიონის მთავარი წყალგამყოფი ქედის ერთ-ერთი უმაღლესი მწვერვალია. სწორედ იქ იბადება და მერე, უშგულის გავლით მოედინება სვანეთის მთავარი მდინარე – ენგური.

10. სიღნაღი

ბოლო წლებში ძალიან ბევრი სტუმარი ჰყავს საქართველოს ერთ-ერთი ულამაზეს ციხე-ქალაქს – სიღნაღს. ეს უცხოელი ტურისტებისთვის ერთ-ერთი საინტერესო და მიმზიდველი ადგილია. სიღნაღში თითქმის ყველაფერია, რაც სტუმრებს იზიდავს: ძველი ციხე-გალავანი, ლამაზი სახლები, აგურით ნაშენი კედლები, რიყის ქვის ქუჩები და მარნები… სიღნაღს მუსიკისა და სიყვარულის ქალაქსაც უწოდებენ. აქ არის უძველესი ეკლესია-მონასტრები და სასწაულმოქმედი წყარო, რომლის წარმოშობასაც წმინდა ნინოს სახელს უკავშირებენ და რომელმაც უკვე ათასობით ადამიანი განკურნა.

წყარო : ხათუნა ჩიგოგიძე / bpn.ge

მსგავსი სიახლეები

საქართველოს ნაკრების შემადგენლობა ევრო 2024-ის მოსამზადებელ ეტაპზე

 საქართველოს ეროვნული ნაკრების მთავარმა მწვრთნელმა, ვილი სანიოლმა, დაასახელა საქართველოს ნაკრების შემადგენლობა ევრო 2024-ის მოსამზადებელ ეტაპზე: მეკარეები: გიორგი მამარდაშვილი, გიორგი ლორია, ლუკა გუგეშაშვილი მცველები:…

ზაფხულის სეზონზე საქართველოსა და ევროპის ქვეყნებს შორის 2 500-მდე ავიარეისი შესრულდება

საქართველოს სამოქალაქო ავიაციის სააგენტოს მიერ დამტკიცებული განრიგების შესაბამისად, 2024 წლის ზაფხულის აქტიურ სანავიგაციო სეზონზე 13 600 ავიარეისის შესრულებაა დაგეგმილია. აქედან საქართველოდან ევროპაში და პირიქით…

აპრილში ჩინური მანქანების იმპორტი 380%-ით გაიზარდა

სტატისტიკის ეროვნული სამსახურის მონაცემებით, 2024 წელს აპრილში ჩინეთიდან 283 ერთეული (3,197 მლნ აშშ დოლარი), ავტომობილი შემოვიდა, 2023 წლის იგივე თვეში მხოლოდ 59 (1,639 მლნ აშშ დოლარი). 2024 წლის იანვარ-აპრილში წინა წლის…

FDA-მ ილონ მასკის სტარტაპს Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა

Wall Street Journal-ის ცნობით, კომპანია იმპლანტის ძაფებს წინასთან შედარებით უფრო ღრმად ჩააყენებს ტვინში. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება,  პირველი პაციენტის შემთხვევაში ეს…

2023 წლის საანგარიშო პერიოდში სამუშაო ადგილზე გარდაიცვალა 34 და დაშავდა 347 დასაქმებული

შრომის ინსპექციის სამსახურის მიერ გამოქვეყნებულ 2023 წლის საქმიანობის ანგარიშის მიხედვით, სამუშაო სივრცეში მომხდარი უბედური შემთხვევის შედეგად გარდაცვლილი 34 პირიდან ყველა კაცია, ხოლო დაშავებულთაგან 100 ქალი და 247 კაცი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!