დღის სიახლეებისიახლეები

2023 წელს საქართველოს ფეროშენადნობების სექტორის ექსპორტი 280 მილიონი დოლარით, ანუ 61%-ით დაეცა

0
გაზიარება

საქართველოს ფეროშენადნობების სექტორის ექსპორტის ასეთი მკვეთრი შემცირება ბოლო ათწლეულის განმავლობაში არცერთხელ არ მომხდარა.

ფეროშენადნობები საქართველოს მძიმე მრეწველობის ინდუსტრიის ერთ-ერთი მთავარი პროდუქტია, რომელიც წარსულში ათასობით ადამიანს ასაქმებდა, თუმცა საფასო ვარდნის გამო 2023 წელს ის კრიზისის წინაშე აღმოჩნდა.

საქსტატის თანახმად, 2023 წლის განმავლობაში საქართველოდან უცხოეთში 157 ათასი ტონა ფეროშენადნობები გავიდა, რომლის ღირებულებაც 180 მილიონი დოლარი იყო. შესაბამისად, ერთი ტონა საქონელი საშუალოდ 1,149 დოლარი ღირდა.

2022 წელს მთლიანი ექსპორტი 229 ათასი ტონა იყო, ხოლო საექსპორტო შემოსავალი ტონაზე 2,007 დოლარს შეადგენდა, შესაბამისად მთლიანი სექტორის შემოსავალი 460 მილიონ დოლარს შეადგენდა.

საქსტატის ანგარიშის თანახმად, ფეროშენადნობების სექტორს ტონაზე 1,000 დოლარის მიდამოებში მყოფი ფასების პირობებშიც წარსულშიც უმუშავია და მაგალითად 2015; 2016 და 2020 წლებში ერთი ტონის საექსპორტო ღირებულება 1000 დოლარზე დაბალი იყო, თუმცა 2023 წელს სექტორში სირთულე წინა წელთან შედარებით ფასის მკვეთრმა შემცირებამ განაპირობა.

საქართველოს ფეროშენადნობების სექტორის შემოსავლები 2013-2023 წლებში:

  • 2013 წელს – $230,747,980 დოლარი, ექსპორტის მოცულობა 222,669 ტონა, ფასი ტონაზე $1,036
  • 2014 წელს – $285,805,820 დოლარი, ექსპორტის მოცულობა 269,781 ტონა, ფასი ტონაზე $1,059
  • 2015 წელს – $194,765,880 დოლარი, ექსპორტის მოცულობა 219,231 ტონა, ფასი ტონაზე $888
  • 2016 წელს – $169,300,620 დოლარი, ექსპორტის მოცულობა 229,029 ტონა, ფასი ტონაზე $739
  • 2017 წელს – $306,369,190 დოლარი, ექსპორტის მოცულობა 281,213 ტონა, ფასი ტონაზე $1,089
  • 2018 წელს – $352,938,860 დოლარი, ექსპორტის მოცულობა 298,392 ტონა, ფასი ტონაზე $1,183
  • 2019 წელს – $303,384,850 დოლარი, ექსპორტის მოცულობა 274,848 ტონა, ფასი ტონაზე $1,104
  • 2020 წელს – $247,329,060 დოლარი, ექსპორტის მოცულობა 250,652 ტონა, ფასი ტონაზე $987
  • 2021 წელს – $477,432,790 დოლარი, ექსპორტის მოცულობა 299,385 ტონა, ფასი ტონაზე $1,595
  • 2022 წელს – $459,803,300 დოლარი, ექსპორტის მოცულობა 229,094 ტონა, ფასი ტონაზე $2,007
  • 2023 წელს – $180,661,850 დოლარი, ექსპორტის მოცულობა 157,235 ტონა, ფასი ტონაზე $1,149

 

მსგავსი სიახლეები

ხელოვნური ინტელექტი სმარტფონებში

ხელოვნური ინტელექტის სმარტფონები -  სმარტფონებისა და მობილური ტელეფონების მწარმოებლები უკვე აქტიურად მუშაობენ ხელოვნური ინტელექტის ტექნოლოგიის ტელეფონებში დანერგვაზე. OpenAI-ის ChatGPT, რომელიც 2022 წლის ბოლოს გამოვიდა,…

საყოველთაო ჯანდაცვის სისტემა საქართველოს მოსახლეობის 94.7 %-ს მოიცავს

ჯანმრთელობის ეროვნული სააგენტოს მიერ 2023 წლის ანგარიშის მიხედვით, საყოველთაო ჯანდაცვის სისტემით მოცულია საქართველოს მოსახლეობის 94. 7 % . 1.3 მლრდ ლარით დაფინანსდა მილიონამდე ადამიანი და 2 823 000 სამედიცინო შემთხვევა.…

გონიოში მართვის მოწმობის საგამოცდო ცენტრის მოწყობა იგეგმება

აჭარაში, გონიოში მართვის მოწმობის საგამოცდო ცენტრის მოწყობა იგეგმება - შინაგან საქმეთა სამინისტროს მომსახურების სააგენტომ სახელმწიფო შესყიდვების გვერდზე ტენდერი გამოაცხადა. ტენდერის პირობებიდან ირკვევა, რომ დაინტერესებულმა…

საბერძნეთში ქართული პროდუქციის ექსპორტი 1341%-ით გაიზარდა

სტატისტიკის ეროვნული სამსახურის მონაცემების მიხედვით, საქართველოს ადგილობრივი ექსპორტი საბერძნეთთან 2024 წლის იანვარში 1341%-ით გაიზარდა. აღნიშნულ პერიოდში საბერძნეთში 5.1 მილიონი აშშ დოლარის ღირებულების ადგილობრივი წარმოების…

მეტის ჩატვირთვა იტვირთება...პოსტები აღარ მოიძებნა
error: Content is protected !!