დღის სიახლეებისიახლეები

2024 წლის ზაფხულში ყაზბეგში, მყინვარწვერის მისასვლელ გზაზე, ზღვის დონიდან 3,700 მეტრ სიმაღლეზე სამაშველო „ქოხი“ გაიხსნება

0
გაზიარება

2024 წლის ზაფხულში ყაზბეგში, მყინვარწვერის მისასვლელ გზაზე, ზღვის დონიდან 3,700 მეტრ სიმაღლეზე სამაშველო „ქოხი“ გაიხსნება

2024 წლის ზაფხულში ყაზბეგში, მყინვარწვერის მისასვლელ გზაზე, ზღვის დონიდან 3,700 მეტრ სიმაღლეზე სამაშველო „ქოხი“ გაიხსნება. .

კომპანია „ალტიტუდას“ დამფუძნებლის და მმართველი პარტნიორის, ნიკოლოზ ალავიძის განცხადებით, ქოხი შვეიცარიაში დამზადდება და საქართველოში ტრანსპორტირების შემდეგ, მყინვარწვერის მისასვლელ გზაზე ვერტმფრენის საშუალებით დამონტაჟდება.

“შენობის მშენებლობის ავანსი უკვე გადახდილი გვაქვს მე და ჩემ პარტნიორებს – დღეის მდგომარეობით, ესაა 100 000 ფრანკზე მეტი. ახლა მოლაპარაკებები გვაქვს სახელმწიფოსთან, რომ გრძელვადიანი იჯარით ავიღოთ 50 თუ 60 კვადრატული მეტრი მიწის ფართობი, რადგან ეს ადგილი დაცული ტერიტორიების ეროვნულ სააგენტოს ეკუთვნის. მოკლედ, სავალდებულო ბიუროკრატიულ ეტაპებს გავდივართ და იმედია, მალე დავასრულებთ და მომავალი წლის ზაფხულში, აგვისტოში სამაშველო ქოხი გაიხსნება“, – განაცხადა ნიკოლოზ ალავიძემ.

მისივე ინფორმაციით, პროექტში „ალტიჰატის“ გუნდის პარტნიორი შვეიცარული კომპანია ბალია (BALLY), კომპანიის გარემოზე ზრუნვის ფონდის – „ბალი პიკ აუთლუქ ფაუნდეიშენის” სახით. „ალტიჰატის“ და „ბალის“ თანამშრომლობა ითვალისწინებს სრულყოფილ პარტნიორობას აღნიშნულ ახალ პროექტში, სადაც ბალი ყოველწლიურად, დამატებით უზრუნველყოფს ადგილობრივი პარამედიკოსების, სამთო გამყოლების და სამთო მაშველების მომზადებას, შვეიცარიულ კომპანია „ეარ ცერმათთან“(Air Zermatt) თანამშრომლობით.

„ახალი ქოხის ფუნქცია ალპურ სიმაღლეზე მდგრადი და უსაფრთხო სათავგადასავლო ტურიზმის განვითარების ხელშეწყობა და „ალტიჰათის“ მიერ შექმნილი სრულიად ახალი ეკო სისტემის ევოლუციური განვითარებაა. ქოხი განკუთვნილია გადაუდებელი და დაუყოვნებელი სამთო სამაშველო მომსახურებისათვის, სადაც აქტიური სეზონის განმავლობაში მუდმივად იქნებიან პროფესიონალი სამთო მაშველი პარამედიკოსები.

სამაშველო ქოხი სრულად იქნება აღჭურვილი საჭირო თანამედროვე სამედიცინო ტექნიკით, რაც უზრუნველყოფს როგორც პირველადი სამედიცინო დახმარების გაწევას, ასევე დაზარალებული პაციენტების ტრანსპორტირებისთვის მომზადებას და სტაბილიზაციას და სხვა გადაუდებელი სამედიცინო მანიპულაციების ჩატარებას“, – განაცხადა ნიკოლოზ ალავიძემ.

პროექტის თანახმად, სამაშველო ქოხში შესაძლებელი იქნება ერთდროულად განათავსდეს 15 ადამიანი, სადაც მუდმივ მორიგეობას 4 პროფესიონალი სამთო მაშველი და პარამედიკოსი გასწევს.

 

მსგავსი სიახლეები

ხელოვნური ინტელექტი სმარტფონებში

ხელოვნური ინტელექტის სმარტფონები -  სმარტფონებისა და მობილური ტელეფონების მწარმოებლები უკვე აქტიურად მუშაობენ ხელოვნური ინტელექტის ტექნოლოგიის ტელეფონებში დანერგვაზე. OpenAI-ის ChatGPT, რომელიც 2022 წლის ბოლოს გამოვიდა,…

საყოველთაო ჯანდაცვის სისტემა საქართველოს მოსახლეობის 94.7 %-ს მოიცავს

ჯანმრთელობის ეროვნული სააგენტოს მიერ 2023 წლის ანგარიშის მიხედვით, საყოველთაო ჯანდაცვის სისტემით მოცულია საქართველოს მოსახლეობის 94. 7 % . 1.3 მლრდ ლარით დაფინანსდა მილიონამდე ადამიანი და 2 823 000 სამედიცინო შემთხვევა.…

გონიოში მართვის მოწმობის საგამოცდო ცენტრის მოწყობა იგეგმება

აჭარაში, გონიოში მართვის მოწმობის საგამოცდო ცენტრის მოწყობა იგეგმება - შინაგან საქმეთა სამინისტროს მომსახურების სააგენტომ სახელმწიფო შესყიდვების გვერდზე ტენდერი გამოაცხადა. ტენდერის პირობებიდან ირკვევა, რომ დაინტერესებულმა…

საბერძნეთში ქართული პროდუქციის ექსპორტი 1341%-ით გაიზარდა

სტატისტიკის ეროვნული სამსახურის მონაცემების მიხედვით, საქართველოს ადგილობრივი ექსპორტი საბერძნეთთან 2024 წლის იანვარში 1341%-ით გაიზარდა. აღნიშნულ პერიოდში საბერძნეთში 5.1 მილიონი აშშ დოლარის ღირებულების ადგილობრივი წარმოების…

მეტის ჩატვირთვა იტვირთება...პოსტები აღარ მოიძებნა
error: Content is protected !!