დღის სიახლეებისაინტერესო სიახლეებისიახლეები

5 ივლისს წლის მთავარი ბიზნეს მოვლენა – Business Summit 2024 გაიმართება

0
გაზიარება
ქვეყანაში მიმდინარე მოვლენების გამო, 24 მაისს წარმატებული ქართული ბიზნესის ასოციაციის მიერ დაგეგმილი წლის მთავარი ბიზნეს მოვლენა, Business Summit 2024 გაიმართება 5 ივლისს –  ინფორმაცია ამის შესახებ SGBA-ს ფეისბუქ გვერდზე გამოქვეყნდა

” SGBA -ს სურს გაცნობოთ, რომ ქვეყანაში მიმდინარე მძიმე მოვლენების გათვალისწინებითა და ჩვენგან დამოუკიდებელი მიზეზების გამო, ბიზნეს ასოციაცია იძულებული გახდა მიეღო გადაწყვეტილება, წლის მთავარი ბიზნეს მოვლენის ,,SGBA BUSINESS SUMMIT 2024“ თარიღის ცვლილებასთან დაკავშირებით. აღნიშნული სამიტი, იგივე ფორმატით და იგივე ლოკაციაზე, ნაცვლად 24 მაისისა, შედგება 5 ივლისს.,,წარმატებული ქართული ბიზნესის ასოციაციას“ სურს განგიმარტოთ ამ გადაწყვეტილების რიგი დეტალური მიზეზები:

,,წარმატებულის ქართული ბიზნესის ასოციაცია“ სამიტის გადადებისგან მაქსიმალურად თავს იკავებდა, თუმცა 14 მაისს, საქართველოს პარლამენტის მიერ, ,,უცხოური გავლენის გამჭირვალობის შესახებ“ კანონის მიღებამ ქვეყანაში პროცესები კიდევ უფრო მეტად დაძაბა და შეუქცევადი გახადა, რაც ყველა სფეროზე უარყოფითად აისახა, მათ შორის ნეგატიური გავლენა იქონია ბიზნეს წრეებზეც. მაგალითად, საინვესტიციო მიმართულებები დროებითი მოლოდონის რეჟიმში გადავიდნენ, მოხდა რყევები სავალუტო ბირჟებზე, გაუფასურება დაიწყო
ეროვნულმა ვალუტამ და ამ დრომდე პანიკაა საფონდო ბირჟებზე, სადაც ეცემა კომპანიების აქციების ფასები.
ამ ყველაფრის გათვალისწინებით, კომპანიების ნაწილი, რომლებსაც სურდათ აღნიშნულ ღონისძიებაში მონაწილეობის მიღება თქვეს, რომ ქვეყანაში მიმდინარე მოვლენების გათვალისწინებით, მათი ღონისძიებაში მონაწილეობა იქნებოდა არასწორი და ამიტომ დაგეგმილ დროს ისინი ვერ შეუერთდებოდნენ სამიტს. გარდა
ამისა, ცვლილებები შევიდა სპონსორების დღის წესრიგშიც და გართულდა პროექტის გარკვეული ნაწილების მატერიალური მხარით უზრუნველჰყოფა.

ამასთან, ქვეყანაში შექმნილმა ვითარებამ გავლენა იქონია 24 მაისს, სამიტზე მოწვეული სპიკერების ნაწილშიც. მათი უმრავლესობა ვეღარ ახერხებს მონაწილეობის მიღებას ღონისძიებაში, რისთვისაც ითხოვეს თარიღის ცვლილება. აღსანიშნავია ისიც, რომ ქვეყანაში მიმდინარე მოვლენების გამო, ტელევიზიების საეთერო დროის
დიდი ნაწილი ,ამ ყველაფრის გაშუქებას ეთმობა და პრობლემა გახდა, სამიტის მხარდამჭერ მედიებში, ღონისძიებისთვის საეთერო დროის გამოყოფაც.

ყველივე ამან, კომპანია აიძულა მისულიყო აღნიშნულ გადაწყვეტილებამდე და შეეცვალა სამიტის ჩატარების თარიღი, რა თქმა უნდა ასოციაცია იმედოვნებს, რომ ამ პერიოდში ქვეყანაში არსებული ვითარება დასტაბილურდება და ღონისძიების გამართვის შესაძლებლობა მშვიდ ვითარებაში მიეცემა. ასოციაციის წევრების საუკეთესო ინტერესების გათვალისწინებით, SGBA ვალდებულია ყველა არსებული ვითარება გაითვალისწინოს, რათა არ დარჩეს რომელიმე მხარე უკმაყოფილო.

SGBA – ბოდიშს გიხდით შექმნილი უხერხულობის გამო, თუმცა იმედს იტოვებს, რომ ასოციაციის წევრი და ღონისძიებაში მონაწილე ყველა კომპანია გაგებით მოეკიდება აღნიშნულ ცვლილებას. ასევე, ასოციაციას სურს შეგატყობინოთ, რომ თქვენს მიერ აკუმულირებული თანხები სრულად მოხმარდა იმ სერვისებს, რისთვისაც გაიღეთ, რადგან მოგეხსენებათ, რომ ღონისძიების სამზადისი დიდი ხანია დაწყებულია, აქვე იბეჭდება ბანერები, დაჯავშნილია სამიტის ჩატარების ადგილი და ყველა პავილიონის სივრცე” – აღნიშნულია წარმატებული ქართული ბიზნესის ასოციაციის მიერ გავრცელებულ ოფიციალურ განცხადებაში

მსგავსი სიახლეები

2024 წელს საქართველოში 105 ჩინური კომპანია დარეგისტრირდა

2024 წელს, 5 თვეში, საქართველოში 105 ჩინური კომპანია დარეგისტრირდა- საქსტატი სტატისტიკის მიხედვით, ამათგან შეზღუდული პასუხისმგებლობის საზოგადოებას წარმოადგენს 70 ობიექტი, ინდივიდუალური მეწარმეა 31, უცხოური საწარმოს ფილიალი 3,…

ბუდუ ზივზივაძის ღირებულება 900 000 ევრო გახდა, 3 მლნ ევრომდე გაიზარდა საბა ლობჟანიძის ღირებულება

სამენეჯერო სააგენტო Transfermarkt-ზე ქართველი ფეხბურთელების ფასი კიდევ გაიზარდა. ამ დროისთვის, ბუდუ ზივზივაძის ღირებულება 900 000 ევრო გახდა, მანამდე ფეხბურთელის ფასი 700 000 ევროს შეადგენდა. ასევე, 3 მლნ ევრომდე გაიზარდა…

საქართველოში ცოცხალი ფუტკრის იმპორტი 91%-ით გაიზარდა

საქსტატის მონაცემებით, თუ 2023 წლის ოთხ თვეში ქვეყანამ 60.44 ათასი დოლარის ცოცხალი ფუტკარი იყიდა, წელს იანვარ-აპრილში ამ მაჩვენებელმა 115.46 ათასი დოლარი შეადგინა. როგორც წელს, ასევე შარშანაც ცოცხალი ფუტკრის იმპორტი მთლიანად…

თბილისმა „ევროპის სპორტის ქალაქი 2025“-ის სტატუსი მოიპოვა

თბილისისთვის„ევროპის სპორტის ქალაქი 2025“-ის სტატუსის მინიჭების გადაწყვეტილების შესახებ ACES Europe-ის პრეზიდენტმა, ჯან ფრანცესკო ლუპატელიმ სასტუმრო „ბილტმორში“ გამართულ შეხვედრაზე განაცხადა. თბილისის მერიამ განაცხადი…

ეროვნულმა ბანკმა 16 მაისიდან – 11 ივნისამდე პერიოდში, სავალუტო აუქციონზე 168.7 მილიონი დოლარი გაყიდა

ეროვნულმა ბანკმა მაის-ივნისში იმაზე მეტი დოლარი გაყიდა ვიდრე 2023 წელს მთლიანად ეროვნულმა ბანკმა 16 მაისიდან - 11 ივნისამდე პერიოდში, სავალუტო აუქციონზე 168.7 მილიონი დოლარი გაყიდა, რაც 2023 წლის ჯამურ მონაცემს დაახლოებით 2…

მეტის ჩატვირთვა იტვირთება...პოსტები აღარ მოიძებნა
error: Content is protected !!