ორი წლის წინ ქალაქ გორში პატარა, ლამაზი, მყუდრო სალონის, Nail Lab“-ის დაარსებას ჩაეყარა საფუძველი, რომელიც ორი მეგობრის მიერ საქმისადმი პროფესიონალური მიდგომებითა და სიყვარულით დღემდე წარმატებით აგრძელებს ფუნქციონირებას. „Nail Lab“ – ადგილი, რომელიც სიმყუდროვესთან და სასიამოვნო გარემოსთან ასოცირდება, სადაც ქალბატონებს გალამაზებასთან ერთად სრული განტვირთვის შესაძლებლობა ეძლევა.
„ყოველთვის დიდი სურვილი გვქონდა გვეკეთებინა საქმე ერთობლივად, რომელშიც გვექნებოდა სათანადო განათლება და რაც მთავარია ეს საქმე უნდა ყოფილიყო მუდმივად განვითარებადი, ხელოვნების ელემენტებით, რომელსაც დიდი სიყვარულით გავაკეთებდით. სწორედ ამიტომ გადავწყვიტეთ შეგვესწავლა მანიკურისა და პედიკურის სპეციალობა. გავიარეთ კურსები, შემდეგ სრული სპეციალიზირებული სწავლება,სემინარები, მივიღეთ პრაქტიკული გამოცდილება და მხოლოდ ამის შემდეგ მივეცით თავს უფლება გადაგვედგა პირველი ნაბიჯები სილამაზის სფეროში. სწორედ ასე ვაჩუქეთ ჩვენს ქალაქს, გორს პატარა, ლამაზი, მყუდრო სალონი Nail Lab“ – ნათია ბირთველიშვილი, სალონ- Nail Lab-ის თანადამფუძნებელი
„Nail Lab“- ში თითოეულ მომხმარებელს თავისი, ინდივიდუალური ქლიბი აქვს, როგორც მანიკურისთვის ასევე პედიკურისთვის და ერთჯერადი ინვენტარი ტერფების დასამუშავებლად.
ეს არის სალონი, სადაც თითოეული მომხმარებლის თვალწინ იხსნება სტერილიზებული ინსტრუმენტი, რომელიც გადის სამ დონიან დამუშავებას.
„Nail Lab -ი დავაარსე ჩემს უახლოეს და უსაყვარლეს ადამიანთან ერთად. ჩვენთვის თითოეული სტუმრის კეთილგანწყობა მნიშვნელოვანია. ბაზარზე არსებული დიდი კონკურენციის მიუხედავად, ყოველ ნაბიჯზე ვერ შეხვდებით სალონს, რომელიც თავს მოიწონებს ხარისხიანი ნამუშევრებით, მაღალი დონის პროდუქციითა და სტერილიზაციის დონის 100% დაცვით. სწორედ Nail Lab -ში შეძლებთ მყუდრო გარემოში მიიღოთ ერთდროულად ხარისხიანი და უსაფრთხო მომსახურება. ჩვენს მიერ შეთავაზებული სერვისია ზრუნვა თითოეულ მომხმარებელზე. ჩვენთვის ძალიან მნიშვნელოვანია, რომ სტუმრებმა იგრძნონ ჩვენი პატარა გუნდის ზრუნვა მათ უსაფრთხოებასა და სილამაზეზე.“ – ლიკა მამუკაშვილი სალონ- Nail Lab-ის თანადამფუძნებელი
ძალიან მალე „Nail Lab“ თავის ერთგულ მომხმარებლებს ფასდაკლების ბარათებს შესთავაზებს, ხოლო სამომავლოდ სალონის გაფართოებასა და სხვადასხვა სახის სალონური მომსახურებების დამატებაზე მუშაობა აქტიურად მიმდინარეობს.
