ბადიში • Badishi გურული საოჯახო ფირმაა, რომელიც გურიაში, გურული და რაიონული ჯიშის კულტურებით, გამორჩეული გემოს მქონე გურულ სუნელებს, ტყემალს, აჯიკას და საწებელს ამზადებს.
პროდუქტის რეცეპტები ბებოსგან შთამომავლობით შვილიშვილს ერგო, შესაბამისად სახელი „ბადიშიც“ აქედან მოდის, რომელიც გურულად შვილიშვილს ნიშნავს.
„ბადიშის“ დამფუძნებელი, გიორგი ჩხაიძე GeoBusinessNews.com-თან სტიპენდიით შექმნილი კომპანიის ისტორიასა და სამომავლო გეგმებზე საუბრობს. დამფუძნებლის თქმით, ბადიშის ერთ-ერთი მთავარი ფუნქციაა, 
გურული გემოების პოპულარიზება და ფართო საზოგადოებისთვის მისი გაცნობაა
გურული გემოების პოპულარიზება და ფართო საზოგადოებისთვის მისი გაცნობაა“როცა უნივერსიტეტში ვსწავლობდი და სახლში მიმთავრდებოდა ბებოს გაკეთებული და გამოგზავნილი გურული სუნელი, ტყემლები და აჯიკები, ისეთი გემრიელი და ხარისხის პროდუქტი ბაზარზე არ მხვდებოდა, გურული სუნელი კი საერთოდ არ იყო ქსელურ სუპერმარკეტებში. სწორედ ამ მიზნით შევქმენი “ბადიში”, რაც კუთხურად შვილიშვილს ნიშნავს, რითაც ამ რეცეპტების მატარებელი და შვილიშვილი ვარ.
ჩემი საქმიანობა თავდაპირცელად სტუდენტობის დროს დავიწყე. სტიპენდიის ფულით, ძალიან მცირედ და შემდეგ სირთულეების მიუხედავად, მივყევი საქმეს და შესაბამისად უფრო გავფართოვდით, გაგვიცნო ბევრად დიდმა მოხმარებლებმა, მოვიპოვეთ სხვადასხვა გრანტები და სხვადასხვა აქსელაციების გამარჯვებულებიც გავხდით. ვაწარმოებთ ჯანსაღ პროდუქციას ადგილობრივი ენდემური ჯიშის კულტურებით დანამატებისა და შაქრების გარეშე, “ბადიში”-ს პროდუქცია ძირითადად წარმოდგენილია, გუდვილის და წერტის ქსელებში.
ჩვენი ერთ-ერთი მთავარი მიზანია, გურული გასტრო კულტურის პოპულარიზაცია, სამწუხაროდ გურული გემოები არ არის ცნობილი მიუხედავად იმისა, რომ ძალიან დიდი ისტორია და საოცარი გემოები აქვს ჩვენებურ კერძებს. ვფიქრობ სწორედ ბადიშის ერთ-ერთი მთავარი ფუნქციაა, გურული გემოების პოპულარიზება და ფართო საზოგადოებისთვის მისი გაცნობაა ” – გიორგი ჩხაიძე, „ბადიშის“ დამფუძნებელი
კომპანია ბადიში წარმატებული ქართული ბიზნესის ასოციაციის წევრი კომპანიაა
