დღის სიახლეებისაინტერესო სიახლეებისიახლეები

ადამ სენდლერი ჰოლივუდის ერთ-ერთი უმდიდრესი კომიკოსი

0
გაზიარება

ამერიკელი მსახიობი და პროდიუსერი ადამ სენდლერი ჰოლივუდის ერთ-ერთი უმდიდრესი კომიკოსია,რომელიც 2022 წლის მდგომარეობით მე-3 უმდიდრესი კომიკოსის ადგილს იკავებს.ის ერთ-ერთ ყველაზე მაღალანაზღაურებად ადამიანად ითვლება. მსახიობი, რომელმაც კარიერა გასართობ ინდუსტრიაში დაიწყო, როგორც Saturday Night Live-ის წევრმა. როგორც ცნობილია ადამ სენდლერი დღეს ერთი კონცერტიდან სულ მცირე 20 მილიონ დოლარს გამოიმუშავებს

ადამ რიჩარდ სენდლერი 1966 წლის 9 სექტემბერს ბრუკლინში დაიბადა,დედამისი ჯუდით ლევინი საბავშვო ბაღის მასწავლებელი იყო, ხოლო მისი მამა სტენლი სენდლერი ელექტრო ინჟინერი. თავის დროზე სენდლერების ებრაული ოჯახი, რუსეთიდან ამერიკაში ემიგრანტებად გადავიდნენ. ადამი მხოლოდ 6 წლის იყო, როდესაც ამერიკაში დაიწყო ცხოვრება.

ადამმა მანჩესტერ ცენტრალური საშუალო სკოლა დაამთავრა. როდესაც ის ჯერ კიდევ მოზარდი იყო, სენდლერს ებრაულ ახალგაზრდულ ჯგუფში სახელწოდებით BBYO იცნობდნენ. აღსანიშნავია, რომ ის საოცრად კარგად სწავლობდა თუმცა, კომედიური ხრიკების გამო, ბევრ შენიშვნასაც აძლევდნენ.

საშუალო სკოლის დასრულების შემდეგ ადამმა ნიუ-იორკში, ლი სტრასბერგის თეატრისა და კინოს ინსტიტუტში გააგრძელა სწავლა. შემდეგ კი ნიუ-იორკის უნივერსიტეტის ტიშის ხელოვნების სკოლაში.

კინოდებიუტამდე ის სხვადასხვა კომედიურ კლუბებში გამოდიოდა, რამაც მის კარიერაზე დიდი გავლენა მოახდინა. ერთ-ერთ კომედიურ კლუბში ამოსვლის დროს, ის კომიკოსმა დენის მილერმა შეამჩნია. მილერმა სენდლერი Saturday Night Live-ის პროდიუსერს, ლორნ მაიკლს ურჩია.

1987 წელს სენდლერმა ითამაშა The Cosby Show-ში. იმავე წელს ასევე გამოჩნდა MTV შოუში, სახელწოდებით Remote Control. უნივერსიტეტის დამთავრებიდან ერთი წლის შემდეგ კი მისი დებიუტი შედგა ფილმში სახელწოდებით Going Overboard.

ადამ სენდლერმა შოუში SNL შოუში თავისი ორიგინალური სიმღერების შესრულება დაიწყო.

სენდლერმა თავისი სახელი ინდუსტრიაში მხოლოდ მას შემდეგ გაითქვა, რაც 1995 წელს ბილი მედისონში ითამაშა. 1998 წელს კი დრიუ ბერიმორთან ერთად შესრულებულმა როლმა ნამდვილ ვარსკვლავად აქცია. 1999 წელს ადამმა მისი საკუთარი საპროდიუსერო კომპანია შექმნა.

კომიკოსმა ფილმებში Punch-Drunk Love და Spanglish, დრამატული როლებიც შეასრულა. 2004 წელს კი ისევ გაერთიანდა დრიუ ბერიმორთან ფილმში – 50 პირველი პაემანი.

მსახიობიმა მომდევნო ხუთ წელიწადში შვიდ ფილმში ითამაშა, მათ შორის: The Longest Yard, Click, Reign Over Me and I Now Pro Pronoce You Chuck and Larry და სხვები.

Celebrity Net Worth-ის მიხედვით, მსახიობი თითოეული ფილმიდან საშუალოდ 20 მლნ. დოლარს იღებდა. რაც საშუალებას აძლევდა წელიწადში 50-დან 60 მილიონ დოლარამდე გამოემუშავებინა. დღეს კი მისი ქონება 440 მლნ. დოლარს შეადგენს.

მსგავსი სიახლეები

jobs.ge-ზე ბოლო 6 თვეში გამოქვეყნებული ვაკანსიების რაოდენობა 3.4%-ით გაიზარდა

jobs.ge-ზე ბოლო 6 თვეში გამოქვეყნებული ვაკანსიების რაოდენობა 3.4%-ით გაიზარდა 2023 წლის აგვისტოდან 2024 წლის იანვრის ჩათვლით jobs.ge-ზე 41,889 ვაკანსია გამოქვეყნდა, რაც 2022-2023 წლის შესაბამის პერიოდთან შედარებით, 3.4%-ით…

150 ათასზე მეტ პენსიონერს, ვისაც 2023 წლამდე აქვთ აღებული სესხი, პროცენტი შეუმცირდებათ

პრემიერ-მინისტრთან კონსულტაციითა და ამ პროცესში ეროვნული ბანკის ინტენსიური ჩართულობით, „ლიბერთი ბანკმა" ძალიან მნიშვნელოვანი გადაწყვეტილება მიიღო - 150 ათასზე მეტ პენსიონერს, ვისაც 2023 წლამდე აქვთ აღებული სესხი,…

რატომ ეშვება წარბები დაბლა? – ნინო ნათელაძე, ესთეტიკური მედიცინის ევროპული ცენტრის ექიმი კოსმეტოლოგი

ჩამოშვებული წარბები შეიძლენა იყოს, როგორც ანატომიური თავისებურება, ასევე გამოწვეული ასაკთან დაკავშირებული ცვლილება, კანი ნელ-ნელა ეშვება და უახლოვდება თვალის ჭრილს, რომლს ძირითადი მიზეზიბია: გრავიტაციული პტოზი ანუ…

იანვარში 0-დან 600 ლარამდე თვიურ ხელფასს დასაქმებულთა 23,3% იღებდა

PMCG კვლევითი ცენტის დასაქმების თრექერის მიხედვით, მიმდინარე წლის იანვარში იმ ადამიანების რაოდენობა, რომლებიც იღებდნენ 0-დან 600 ლარამდე თვიურ ხელფასს, 23.3%-ს შეადგენდა, რაც 2023 წლის შესაბამის პერიოდთან შედარებით, 3.4%-ით,…

მეტის ჩატვირთვა იტვირთება...პოსტები აღარ მოიძებნა
error: Content is protected !!