კომპანიამ Apple პლანშეტების iPad და iPad Pro მეათე თაობის ხაზი წარადგინა. ინფორმაცია ამის შესახებ კომპანიის ვებგვერდზე გამოქვეყნდა.
ახალი iPad-ის დისფლეი 10,9 დუიმია (27.686სმ). მას ასევე აქვს USB-C დამტენი და პროცესორი A14 Bionic, რომელიც 20% სწრაფია, ვიდრე წინა ხაზის iPad-ზე.
ახალ iPad Pro-ს ორი ზომის ეკრანი იქნება – 11 (27.94 სმ) და 12,9 (32.766 სმ) დუიმი. პროცესორები M2 კი მათ წინა მოდელებზე 15%-ით სწრაფად მუშაობის საშუალებას მისცემს.
ახალი iPad-ის ფასი 449, iPad Pro-სი კი 799 დოლარი იქნება. პროდუქციის გაყიდვა 26 ოქტომბერს დაიწყება.
