ეკონომიკადღის სიახლეებისაინტერესო სიახლეებისიახლეები

აპრილში ტურიზმის შემოსავლები 2019 წლის დონის 70%-მდე აღდგა

0
გაზიარება

2022 წლის აპრილში საქართველოს 214,644 ვიზიტორი ეწვია, რაც 160.1%-იანი წლიური ზრდაა და 2019 წლის დონის 39.0%-ია.

ეს ზრდა ძირითადად განპირობებული იყო ტურისტების რაოდენობის მატებით, რამაც 2019 წლის დონის 52.3% შეადგინა. მეზობელი ქვეყნების საზღვრის კვეთის მკაცრი რეგულაციების გამო კი, გასულ თვეს ერთდღიანი ვიზიტები კვლავ დაბალ ნიშნულზე შენარჩუნდა და 2019 წლის დონის მხოლოდ 16.0% შეადგინა.

აღსანიშნავია, რომ ტურისტული ვიზიტები მოიცავს იმ პირებს, რომლებიც საქართველოს ტოვებენ საანგარიშო თვეში და არ მოიცავს იმ მიგრანტებს, რომლებიც საქართველოში რუსეთ-უკრაინის ომის დაწყების შემდეგ ჩამოვიდნენ.

აპრილში ვიზიტორების რაოდენობით ლიდერობდა თურქეთი (ჯამური რაოდენობის 16.8%), შემდეგ მოდის რუსეთი (15.6%) და სომხეთი (15.0%). საგულისხმოა, რომ ისრაელიდან, ყაზახეთიდან, ბელარუსიდან და უზბეკეთიდან ჩამოსული ვიზიტორების რაოდენობამ 2019 წლის დონეს გადააჭარბა.

აპრილში ტურიზმის შემოსავალმა 188.6 მილიონი აშშ დოლარი შეადგინა, რაც 3.8-ჯერ აღემატება წინა წლის მაჩვენებელს და 2019 წლის დონის 70.6%- ია.

Galt & Taggart-ის ვარაუდით, საქართველოში 80,000-120,000 ვიზიტორი ჩამოვიდა რუსეთიდან, ბელარუსიდან და უკრაინიდან იმაზე ხანგრძლივი ვადით, ვიდრე ტურისტები. მიგრანტების შემოდინების ეფექტი ყველაზე შესამჩნევი უძრავი ქონების ბაზარზე იყო: ქირის ფასები თბილისში წინა წელთან შედარებით 71.6%-ით, ხოლო 2019 წელთან შედარებით 21.7%-ით გაიზარდა.

აპრილში ტურიზმის შემოსავლების 19.3% რუსეთზე მოდიოდა; მეორე ადგილზე 14.9%-ით ბელარუსი იყო; მესამეზე – ისრაელი (11.1%); მეოთხე ადგილს 11.0%-ით ევროკავშირის იკავებს, ხოლო 10.3%-ით უკრაინა მეხუთე ადგილზეა.

საბაზო სცენარით, გალტ & თაგარტი 2022 წელს ტურიზმის შემოსავლების 75%-იან აღდგენას პროგნოზირებს, თუმცა მიგრანტების ეფექტის გათვალისწინებით, 85%-იანი აღდგენის სცენარის განვითარების ალბათობა გაზრდილია.

მსგავსი სიახლეები

150 ათასზე მეტ პენსიონერს, ვისაც 2023 წლამდე აქვთ აღებული სესხი, პროცენტი შეუმცირდებათ

პრემიერ-მინისტრთან კონსულტაციითა და ამ პროცესში ეროვნული ბანკის ინტენსიური ჩართულობით, „ლიბერთი ბანკმა" ძალიან მნიშვნელოვანი გადაწყვეტილება მიიღო - 150 ათასზე მეტ პენსიონერს, ვისაც 2023 წლამდე აქვთ აღებული სესხი,…

რატომ ეშვება წარბები დაბლა? – ნინო ნათელაძე, ესთეტიკური მედიცინის ევროპული ცენტრის ექიმი კოსმეტოლოგი

ჩამოშვებული წარბები შეიძლენა იყოს, როგორც ანატომიური თავისებურება, ასევე გამოწვეული ასაკთან დაკავშირებული ცვლილება, კანი ნელ-ნელა ეშვება და უახლოვდება თვალის ჭრილს, რომლს ძირითადი მიზეზიბია: გრავიტაციული პტოზი ანუ…

იანვარში 0-დან 600 ლარამდე თვიურ ხელფასს დასაქმებულთა 23,3% იღებდა

PMCG კვლევითი ცენტის დასაქმების თრექერის მიხედვით, მიმდინარე წლის იანვარში იმ ადამიანების რაოდენობა, რომლებიც იღებდნენ 0-დან 600 ლარამდე თვიურ ხელფასს, 23.3%-ს შეადგენდა, რაც 2023 წლის შესაბამის პერიოდთან შედარებით, 3.4%-ით,…

ბაზარზე თაფლი 10-15%-ით გაძვირდა

თაფლის მწარმოებელთა ასოციაციის თავმჯდომარის, ალეკო პაპავას განცხადებით, თაფლი დეფიციტური გახდა ,როგორც ადგილობრივ, ისე საერთაშორისო ბაზარზე თაფლზე მოთხოვნა დიდია, თუმცა საქართველოს ამ მოთხოვნის დაკმაყოფილება არ შეუძლია.…

მეტის ჩატვირთვა იტვირთება...პოსტები აღარ მოიძებნა
error: Content is protected !!