ეკონომიკადღის სიახლეებისაინტერესო სიახლეებისიახლეებიუცხოური ბიზნეს სიახლეებიფინანსები

აქტივი, რომელიც ფრიდმანმა საქართველოს უნდა აჩუქოს, 2013 წელს $460 მლნ ღირდა

0
გაზიარება

IDS Borjomi International-ის მესაკუთრე იცვლება – “ალფა ჰოლდინგი”, რომელიც რუსი ოლიგარქის მიხაილ ფრიდმანის დაფუძნებულია, დღეს აცხადებს, რომ კომპანიის წილის უსასყიდლოდ გადაცემისთვის მზად არიან. საუბარია კომპანიის “წილზე”, თუმცა რა არის ამ “წილის” ზუსტი მოცულობა, განცხადებაში დაკონკრეტებული არაა. IDS Borjomi International-ის 60%-იან წილს – “ალფა ჯგუფი”, 40%-იან წილს კი პატარკაციშვილების ოჯახი ფლობს. სავარაუდოდ, განცხადებაში საუბარია სწორედ “ალფა ჯგუფის” საკუთრებაში არსებული 60%-იანი წილის ან სრულ ან ნაწილობრივ გადაცემაზე. 2013 წელს “ალფა ჯგუფა” ეს აქტივი $460 მილიონად შეიძინა. 

“ეს ნაბიჯი საქართველოს მთავრობას საერთაშორისო კომპანიის მართვაში მონაწილეობის მიღების საშუალებას მისცემს”, – ნათქვამია კომპანიის განცხადებაში; ვინაიდან განცხადებაში ნახსენებია სიტყვა “მონაწილეობა“, ეს ნიშნავს იმას, რომ საქართველოს მთავრობა არ იქნება ერთადერთი აქციონერი, არამედ ერთ-ერთი აქციონერი ამ კომპანიაში. 

IDS Borjomi International-ის აქტივებში შედის არამხოლოდ საქართველოში, არამედ სხვა ქვეყნებში მდებარე მინერალური და მტკნარი წყლების მწარმოებელი კომპანიებიც. კომპანიის საკუთრებაშია წყლის ჩამომსხმელი საწარმოები უკრაინის ქალაქ მირგოროდსა და მორშინში, რომელიც მინერალურ წყალ Моршинськ-ს ასხამენ. კომპანია ასევე ფლობს რუსეთის ერთ-ერთ წამყვან მტკნარი წყლის ბრენდს Святой источник-ს. კომპანიას უკრაინასა და რუსეთში ათასობით დასაქმებული ჰყავს. 

„IDS BORJOMI International-მა დღეს განაცხადა, რომ საქართველოს მთავრობასთან მოლაპარაკებების შემდგომ, მისმა მაკონტროლებელმა კომპანიამ საქართველოს მთავრობას წარუდგინა ოფიციალური წინადადება წილების ნაწილის უსასყიდლოდ გადაცემის შესახებ. ეს ნაბიჯი საქართველოს მთავრობას საერთაშორისო კომპანიის მართვაში მონაწილეობის მიღების საშუალებას მისცემს.

რეგიონში ბოლო დროს განვითარებული ნეგატიური მოვლენების გამო, IDS BORJOMI International-ს აქვს ბიზნესის წყვეტა და სირთულეები საბანკო სერვისებთან დაკავშირებით, რის შედეგადაც კომპანია იძულებული გახდა, ქალაქ ბორჯომში მდებარე ჩამომსხმელ ქარხნებში საწარმოო პროცესი შეეჩერებინა. შედეგად ათასზე მეტი ადამიანი სამსახურის დაკარგვის რისკის წინაშე აღმოჩნდა.

საქართველოს მთავრობის მიერ, IDS BORJOMI International-ის მფლობელი კომპანიის შეთავაზების დათანხმების შემდგომ, კომპანია IDS ბორჯომი საქართველო შეძლებს ქარხნებში საწარმოო პროცესის აღდგენას და ეკონომიკური საქმიანობის განახლებას“, – ნათქვამია კომპანიის განცხადებაში.

30 აპრილს პრემიერ-მინისტრმა ირაკლი ღარიბაშვილმა განაცხადა, რომ ბორჯომთან დაკავშირებით “სასიამოვნო სიახლეებს” მოსახლეობა უახლოეს პერიოდში გაიგებდა. დღეს ეკონომიკის სამინისტრომ “ბორჯომის” განცხადებას უპასუხა და აღნიშნა, რომ კომპანიის შემოთავაზებას ეკონომიკის და იუსტიციის სამინისტროები განიხილავენ. საქართველოში IDS Borjomi-ს ჩამომსმხელი ქარხნები აპრილში გაჩერდა. კომპანია მიუთითებდა, რომ საერთაშორისო სანქციების გათვალისწინებით, მათ ფინანსებზე წვდომა შეზღუდული ჰქონდათ და ჩვეულებრივი ოპერირების გაგრძელება არ შეეძლოთ.

მსგავსი სიახლეები

TAV Georgia-თბილისის საერთაშორისო აეროპორტის 20-წლიანი განვითარების გეგმაზე მუშაობა დაიწყო

თბილისის საერთაშორისო აეროპორტის 20-წლიანი განვითარების გეგმაზე მუშაობა დაიწყო. ინფორმაციას ამის შესახებ აეროპორტების მმართველი კომპანია TAV Georgia ავრცელებს. მათი ცნობით, გენერალური გეგმის შემუშავების პროცესში თბილისისა და…

წყალტუბოში 5*-იანი სასტუმრო “ივერიის” მშენებლობაში ინვესტიციას DEMIRÖREN-ი ჩადებს

კომპანია Demirören ჰოლდინგი წყალტუბოში ახალი, 5*-იანი სასტუმრო "ძველი ივერიის" მშენებლობაში ინვესტიციის დაბანდებას გეგმავს. პრემიერი ირაკლი ღარიბაშვილი Demirören ჰოლდინგის თავმჯდომარე ილდირიმ დემირორენს შეხვდა.…

“მაკდონალდსი“ კიევსა და დასავლეთ უკრაინაში რესტორნების გახსნას გეგმავს

„მაკდონალდსმა“ უკრაინაში ობიექტების გახსნის შესახებ განაცხადა, რომლებიც მარტში, რუსეთის მიერ უკრაინაში წარმოებული ომის გამო დახურა. როგორც სწრაფი კვების ქსელში განაცხადა, იმედოვნებენ, რომ ეს ნაბიჯი ხელს შეუწყობს…

თიბისიმ“ ცენტრალურ და აღმოსავლეთ ევროპაში საუკეთესო ინოვაციური და ციფრული სერვისებისთვის 9 ჯილდო მიიღო

გავლენიანმა საერთაშორისო ბიზნეს გამოცემა Global Finance-მა ყოველწლიური შედეგები გამოაქვეყნა. 2022 წელს, თიბისიმ, როგორც ქვეყნის, ისე რეგიონის მასშტაბით, განსაკუთრებულ აღიარებას 9 ნომინაციაში მიაღწია. „ჩვენთვის, როგორც…

დღეს, ნიკო კვარაცხელიას – „მომავლის ბიჭის“ წიგნის პრეზენტაცია გაიმართება

დღეს, 19:00 საათზე, ეროვნულ ბიბლიოთეკაში, ნიკო კვარაცხელიას წიგნის პრეზენტაცია გაიმართება. „მომავლის ბიჭის“ - ასე ქვია წიგნს, რომელიც ნიკო კვარაცხელიას მიერ 14 წლის ასაკში შექმნილი წიგნის გაგრძელებაა. მკითხველი ეზიარება ნიკოს…

მეტის ჩატვირთვა იტვირთება...პოსტები აღარ მოიძებნა
error: Content is protected !!