RSS კატეგორიადღის სიახლეებიეკონომიკავაჭრობის სფერომთავარი ამბებისაზოგადოება

არის თუ არა დეფიციტი და რატომ ძვირდება საქართველოში დიზელის საწვავი?

0
გაზიარება

ბოლო ერთი კვირის განმავლობაში საქართველოში დიზელის საწვავის ღირებულება მნიშვნელოვნად იზრდება. ბრენდირებულ ბენზინგასამართ სადგურებზე ერთი ლიტრი დიზელის საწვავის ღირებულება 4,50 ლარს გადაცდა. როგორც ნავთობპროდუქტების იმპორტიორთა კავშირის ხელმძღვანელმა ვანო მთვრალაშვილმა განაცხადა, „საქართველოში დიზელის საწვავის დეფიციტია“, რასაც რამდენიმე ფაქტორი განაპირობებს, მათ შორის, აზერბაიჯანიდან და რუსეთიდან იმპორტის მნიშვნელოვანი შეფერხება.

„დღესდღეობით დიზელის საწვავის ძირითადი მომწოდებელი ჩვენთვის აზერბაიჯანია. უკანასკნელი 2 კვირის განმავლობაში აზერბაიჯანი ვეღარ გვაწვდის დიზელის საწვავს, რისი გამომწვევი მთავარი მიზეზი არის ის, რომ აზერბაიჯანში მიმდინარეობს ნავთობგადამამუშავებელი ქარხნის გადაიარაღება. დღესდღეობით ამ პროდუქტის იმპორტის 40-45% სწორედ აზერბაიჯანიდან ხორციელდებოდა. მეორე მიზეზი არის რუსეთის ფედერაციიდან შეფერხებული იმპორტი. რუსეთი როგორც აგრესორი ქვეყანა ახლა ომშია და შესაბამისად, ეს საწვავი ომს ხმარდება. ასევე ახლა მიმდინარეობს მოსავლის აღების პროცესი, რაც თავის მხრივ, მოითხოვს დიდი რაოდენობით დიზელის საწვავს. საბოლოო ჯამში ამ ორმა ფაქტორმა განაპირობა საქართველოში დიზელის საწვავის დეფიციტი და შესაბამისად, ფასების ზრდა. ცხადია, საქართველოს შესაძლებლობა აქვს, რომ გადაერთოს ალტერნატიულ მომწოდებლებზე, თუმცა მათი ფასი გაცილებით ძვირია“, – აღნიშნავს ნავთობპროდუქტების იმპორტიორთა კავშირის ხელმძღვანელი ვანო მთვრალაშვილი.

ცნობისთვის, საქართველოში საწვავის ღირებულება უკრაინაში რუსეთის შეჭრის შემდეგ მკვეთრად გაიზარდა. 24 თებერვლიდან ამავე თვის ბოლომდე, ყველაზე დაბალი ოქტანობის მქონე „რეგულარის“ ტიპის ბენზინის ფასმა ფსიქოლოგიური 3-ლარიანი ნიშნული გადალახა, ხოლო მარტის თვის დასაწყისში თითქმის 4 ლარს მიუახლოვდა. აღსანიშნავია ის ფაქტიც, რომ სწორედ უკრაინაში ომის დაწყების შემდეგ, ბენზინგასამართი სადგურების ტაბლოებზე დიზელის ღირებულების მაჩვენებელმა ბენზინისას გაუსწრო, რაც მძღოლებისათვის გაურკვეველი აღმოჩნდა. საწვავის ფასთან დაკავშირებით, საქართველოში არაერთი საპროტესტო აქცია გაიმართა, რასაც ხელისუფლება გამოეხმაურა. პრემიერი და ეკონომიკის მინისტრი აცხადებდნენ, რომ ფასების რეგულირება რთული, მაგრამ შესაძლებელია, რადგან არსებობს იაფი ნავთობის შემოტანის გზებიც. განცხადებებიდან რამდენიმე დღეში, ბენზინისა და დიზელის საფასური დაკორექტირდა და მხოლოდ რამდენიმე თეთრით შემცირდა, რამაც ნაკლებად გააიოლა სიტუაცია.

22 ივნისის მონაცემებით, 1 ლიტრი „რეგულარის“ ფასი ბრენდირებულ ბენზინგასამართ სადგურებზე, 3.35-3.60 ლარამდე მერყეობს, „პრემიუმის“ – 3.65-დან 4.10 ლარამდე, „სუპერის“ – 4.15-დან 4.33-მდე, „დიზელის“ – 4.30-დან 4.45-მდე, ხოლო „ევრო-დიზელის“ – 4.50-დან 4.67-მდე. ფასები დამოკიდებულია გასამართი სადგურების ქსელსა და ოქტანობის რიცხვზე.

მსგავსი სიახლეები

საქართველოს ნაკრების შემადგენლობა ევრო 2024-ის მოსამზადებელ ეტაპზე

 საქართველოს ეროვნული ნაკრების მთავარმა მწვრთნელმა, ვილი სანიოლმა, დაასახელა საქართველოს ნაკრების შემადგენლობა ევრო 2024-ის მოსამზადებელ ეტაპზე: მეკარეები: გიორგი მამარდაშვილი, გიორგი ლორია, ლუკა გუგეშაშვილი მცველები:…

ზაფხულის სეზონზე საქართველოსა და ევროპის ქვეყნებს შორის 2 500-მდე ავიარეისი შესრულდება

საქართველოს სამოქალაქო ავიაციის სააგენტოს მიერ დამტკიცებული განრიგების შესაბამისად, 2024 წლის ზაფხულის აქტიურ სანავიგაციო სეზონზე 13 600 ავიარეისის შესრულებაა დაგეგმილია. აქედან საქართველოდან ევროპაში და პირიქით…

აპრილში ჩინური მანქანების იმპორტი 380%-ით გაიზარდა

სტატისტიკის ეროვნული სამსახურის მონაცემებით, 2024 წელს აპრილში ჩინეთიდან 283 ერთეული (3,197 მლნ აშშ დოლარი), ავტომობილი შემოვიდა, 2023 წლის იგივე თვეში მხოლოდ 59 (1,639 მლნ აშშ დოლარი). 2024 წლის იანვარ-აპრილში წინა წლის…

FDA-მ ილონ მასკის სტარტაპს Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა

Wall Street Journal-ის ცნობით, კომპანია იმპლანტის ძაფებს წინასთან შედარებით უფრო ღრმად ჩააყენებს ტვინში. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება,  პირველი პაციენტის შემთხვევაში ეს…

2023 წლის საანგარიშო პერიოდში სამუშაო ადგილზე გარდაიცვალა 34 და დაშავდა 347 დასაქმებული

შრომის ინსპექციის სამსახურის მიერ გამოქვეყნებულ 2023 წლის საქმიანობის ანგარიშის მიხედვით, სამუშაო სივრცეში მომხდარი უბედური შემთხვევის შედეგად გარდაცვლილი 34 პირიდან ყველა კაცია, ხოლო დაშავებულთაგან 100 ქალი და 247 კაცი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!