დღის სიახლეებირეგიონებისამცხე-ჯავახეთი:

ბაკურიანის გათოვლიანების პროექტი

0
გაზიარება

ბაკურიანის გათოვლიანების პროექტი, რომლისთვისაც ეკონომიკის სამინისტროს კომპანია MTA-მ აპრილში 137.8 მილიონი ლარის სავარაუდო ფასით გამოაცხადა შესყიდვა უკვე იქცა უკანასკნელი პერიოდის ერთ-ერთ კონტროვერსიულ საკითხად.

ეკონომიკის სამინისტროს კომპანია MTA-მ ამ ტენდერში თავდაპირველად ორი წინადადება მიიღო – ერთი HTI Group – Demaclenko-სგან 92 მილიონ ლარზე, მეორე 137.8 მილიონი ლარის კომპანია Technoalpin-ისგან. 17 მაისს ეკონომიკის სამინისტრომ განაცხადა, რომ მათი კონსულტანტის Proalpe-ს და კომპანიასთან გამართული მოლაპარაკებით, ფასდაკლებას მიაღწიეს და პროექტის განხორციელებას 99.9 მილიონ ლარად Technoalpin-ს დაუკვეთავდნენ. თუმცა, 99.9 მილიონი ლარი თითქმის 8 მილიონი ლარით უფრო ძვირია, ვიდრე კომპანია HTI Group – Demaclenko-ს წინადადება. ამ უკანასკნელს აქვს ეჭვები, რომ მთის ტრასების სააგენტომ ეს ტენდერი სავარაუდოდ კორუფციული სქემით განახორციელა. ამის თაობაზე Demaclenko-ს დირექტორმა, ანდრეას ლამბახერმა განაცხადა, რომ საკითხზე შესაძლოა სახელმწიფო აუდიტის სამსახურსაც მიმართონ, რადგან მთელი ეს პროცესი ბუნდოვანებით არის მოცული. ლამბახერის ეჭვებს ზრდის ისიც, რომ MTA-მ ტენდერი ელექტრონული სისტემის ნაცვლად დახურული კონვერტების მიღებით ჩაატარა.

დღეს, HTI Group – Demaclenko ჯგუფმა განაცხადა, რომ მზად არიან მათ მიერ წარდგენილი ფასი – 92 მილიონი ლარი კიდევ უფრო შეამცირონ და სახელმწიფოს ეს პროექტი 89,999,000 ლარად შესთავაზონ, რაც მთელი 10 მილიონი ლარით უფრო ნაკლებია, ვიდრე კომპანია Technoalpin-თან გასაფორმებელი კონტრაქტი.

თავად MTA აცხადებს, რომ HTI Group – Demaclenko-მ ვერ დააკმაყოფილა ტენდერით მოთხოვნილი გამოცდილების პუნქტები, რაც კომპანიის წინა პროექტების ღირებულებას უკავშირდებოდა. თუმცა, თავად Demaclenko, რომელიც გათოვლიანების სისტემების პროექტირება მონტაჟის ერთ-ერთი ლიდერია მიიჩნევს, რომ გამოცდილების მუხლებიც სახელმწიფო სააგენტომ Technoalpin-ს მოარგო.

“ბაზრის კვლევის პირველივე დღიდან ჩანდა, რომ პირობები იყო მორგებული მხოლოდ ერთ კომპანიაზე – Technoalpin-ზე და კრიტერიუმი იმგვარად იყო მომზადებული, რომ შესყიდვის პროცესში ამ აპლიკანტის გარდა სხვას არავის მიეღო კონკურსში მონაწილეობა.

ამის მიუხედავად, HTI Group Demaclenko-მ მოამზადა სრული სატენდერო წინადადება და დოკუმენტაცია, რაც MTA-ს 9 მაისს წარდეგინა. ყველა კრიტერიუმი, რაც კომპანიის ფინანსურ მაჩვენებლებს, ასევე გამოცდილებას და მსგავსი პროექტების სიას, ასევე ISO სერტიფიკატს უკავშირდება არცერთხელ არ გამხდარა შენიშვნის საფუძველი, იქამდე სანამ MTA-მ ამის შესახებ 21 მაისს განაცხადა.

ჩვენ გვსურს მოვიწვიოთ ბატონი პრემიერ-მინისტრი ირაკლი ღარიბაშვილი, და ეკონომიკის მინისტრი ლევან დავითაშვილი, ასევე MTA-ს და საქართველოს მედიის წარმომადგენლები, იტალიაში ჩვენს სათაო ოფისში და წარვუდგინოთ ის თანამედროვე ტექნოლოგიური შესაძლებლობები, რომლებიც ჩვენს კომპანიას გათოვლიანების სისტემების მიმართულებით აქვს. ჩვენ მზად ვართ გაჩვენოთ ალპების წამყვანი კურორტების ტრასები, რომლებიც სწორედ Demaclenko-ს ტექნოლოგიებს იყენებენ და რომლებსაც წარსულში საერთაშორისო სათხილამურო ჩემპიონატებისთვის უმასპინძლიათ.

კიდევ ერთხელ გვსურს გამოვხატოთ ჩვენი ინტერესი საქართველოს მხარდაჭერის ამ ძალიან მნიშვნელოვან პროექტში, მზად ვართ გავაკეთოთ ეს პროექტი ფაქტობრივად ნულოვანი მოგების მარჟით და შევამციროთ პროექტის საერთო ფასი 89,999,000 ლარამდე.

ჩვენი მხრიდან განახლებული წინადადება საქართველოს ხელისუფლებას 23 მაისს გაეგზავნება,”- ნათქვამია კომპანიის განცხადებაში.

მსგავსი სიახლეები

ერთ წელიწადში საქართველოს სახელმწიფო საგარეო ვალი 140.282 მლნ დოლარით გაიზარდა

ერთ წელიწადში საქართველოს სახელმწიფო საგარეო ვალი 140.282 მლნ დოლარით, წინა თვესთან შედარებით კი, 426.952 მლნ დოლარით გაიზარდა.…

ვენახების კადასტრის პროგრამა დასავლეთ საქართველოს მევენახეობის რეგიონებში განხორციელდება

პროგრამა უკვე დასრულდა კახეთის, რაჭა-ლეჩხუმის, ქვემო ქართლის, შიდა ქართლის, მცხეთა-მთიანეთისა და სამცხე-ჯავახეთის რეგიონებში, სადაც ჯამში, აღწერილია 45 312 ჰა ფართობის ვენახები. „2023 წელს, პროგრამა იმერეთის, სამეგრელოს და…

საქართველოში 2022 წელს 10 822 ნებართვა გაიცა 7 421.9 ათასი კვ.მ ფართობის შენობა-ნაგებობების მშენებლობაზე

საქართველოში 2022 წელს გაცემულია 10 822 ნებართვა (წინა წელთან შედარებით 7.2 პროცენტით მეტი) 7 421.9 ათასი კვ.მ ფართობის შენობა-ნაგებობების მშენებლობაზე (წინა წელთან შედარებით 0.2 პროცენტით ნაკლები)-საქსტატი ნებართვების 77.2…

საქართველოს ბანკის მხარდაჭერით გორში 5 ვარსკვლავიანი სასტუმრო Gori Inn გაიხსნა

თბილისი (GBC) - საქართველოს ბანკი ტურიზმისა და მასპინძლობის სექტორის მხარდაჭერას აქტიურ რეჟიმში განაგრძობს. ბანკისა და „ვაკა ისთეითის“ ერთობლივი პროექტის ფარგლებში გორში 5 ვარსკვლავიანი, 119  ნომრიანი  სასტუმრო -  Gori Inn…

ამსტერდამში უფასო სუპერმარკეტი გაიხსნა

სუპერმარკეტ Fris-ში პროდუქტებს ფასის ეტიკეტები არ ადევთ და მათი მოხმარება სოციალურად დაუცველ ფენას უფასოდ შეუძლია.თუმცა სუპერმარკეტი სოციალურად დაუცველებს ერთი პირობით ემსახურება, რომ ისინი თავიანთი ფინანსური მდგომარეობის…

მეტის ჩატვირთვა იტვირთება...პოსტები აღარ მოიძებნა
error: Content is protected !!