სტარტაპებიდღის სიახლეებისაინტერესო სიახლეებისიახლეები

„ბალიში“ – სტარტაპი, რომელიც მომხმარებლის კომფორტზე ზრუნავს

0
გაზიარება

„ბალიში“ ანა გიგანისა და მისი ოჯახის იდეით შექმნილი სტარტაპია, რომლის პირველი ამოცანაც მომხმარებლის კომფორტსა და დასვენებაზე ზრუნვაა.

საიდან გაჩნდა „ბალიშის“ შექმნის იდეა და რა პროცესი განვლო სტარტაპმა დასაწყისიდან დღემდე? ამ თემებზე ანი გიგანი გვესაუბრა:

„ერთ დღეს სახლში ძალიან დაღლილი მოვედი. სურვილი მქონდა, სადმე უბრალოდ ჩავძირულიყავი და დამესვენა. უცებ ოჯახის წევრებმა დიდი ბალიში წარმოვიდგინეთ, რასაც შემდეგ მასზე სერიოზულად ფიქრი მოჰყვა და გადავწყვიტეთ, განსაკუთრებული ბალიში დაგვემზადებინა. შექმნის მომენტში ძალიან ბედნიერები ვიყავით, თუმცა დღევანდელი გადმოსახედიდან, ნათლად ჩანს, რა შეცდომებიც დავუშვით მაშინ.“

– რა პრობლემას წყვეტს თქვენი პროდუქტი?

პირველ რიგში, ჩვენ ვქმნით კომფორტს – ჩვენი ბალიშით მიღებული პირველი ემოცია ღრუბლებში ჩაძირვას ჰგავს. დღევანდელ რეალობაში გვიჭირს მოკლე დროში ხარისხიანად დასვენება, ბალიში კი საუკეთესო საშუალებაა სტრესისგან გასათავისუფლებლად.

– როგორი იყო „ბალიშის“ პირველი ნაბიჯები?

ცოტა სასაცილო და ამავდროულად, ტრაგიკულიც კი მეჩვენება პირველი ნაბიჯების გახსენება, თუმცა ძალიან მიყვარს ყველა მომენტი, რომელიც „ბალიშის“ შექმნას ეხება. პირველ რიგში, პროდუქტის დატესტვის პროცესში არც თუ ისე სახარბიელო ნაჭრებით ვკერავდით, თუმცა ეს კიდევ არაფერი იყო შიგთავსის მომზადებასთან შედარებით. ვყიდულობდით ახალ ღრუბელს და ხელით ვჭრიდით, ეს პროცესი კი მთელი დღის განმავლობაში გრძელდებოდა, რაც საკმაოდ რუტინული იყო. დღევანდელი გადმოსახედიდან მინდა, მადლობა ვუთხრა ჩვენს მომხმარებელს, რომელთა გარეშეც არაფერი გამოგვივიდოდა.

– რა სირთულეები გხვდებოდათ სტარტაპის განვითარებასთან ერთად?

სირთულეები იყო სხვადასხვანაირი, როგორც წარმოების კუთხით, ისე – მიწოდების მიმართულებითაც. ჩვენი დიდი ბალიშის გაბარიტებიდან გამომდინარე, საკურიეროები ბოდიშის მოხდით, მალევე წყვეტნენ ჩვენთან თანამშრომლობას; თანაც, ჩვენც ვერ ვახერხებდით შესაბამისად შეფუთვას. საბედნიეროდ, ამ ეტაპზე უკვე გვყავს სანდო კომპანიები და ეს პრობლემებიც აღმოფხვრილია. დღეს კი ჩვენი მთავარი გამოწვევა ბაზრის დაკმაყოფილებაა – მოთხოვნა არის, თუმცა, მას ვერ ვუმკლავდებით.

– რა ეტაპზე სტარტაპი ამჟამად?

ბალიში ამ ეტაპზე სტაბილურად მუშაობს, ბედნიერად მიფუმფულებს სხვადასხვა სახლსა და ოფისში. გვყავს გულშემატკივრების არმია და ჩვენც მათთან ერთად ვზრდით და ვხვეწავთ პროდუქტს.

– Shark Tank-მდე თუ აგიღიათ დაფინანსება?

შარქ თენქამდე მონაწილეობა არსად მიგვიღია – შესაბამისად, არც დაფინანსება აგვიღია. ასე რომ, ჩვენი პირველივე ცდა წარმატებული აღმოჩნდა..

– რატომ Shark Tank?

ბიზნეს სიახლეებს მუდმივად თვალს ვადევნებ. გადაცემის რამდენიმე ვიდეოს მოვკარი თვალი ტიკ-ტოკზე, დამაინტერესა და ბოლომდე ჩავუჯექი. შემდეგ უკვე სახლში, ოჯახის წევრებს გავანდე ჩემი იდეა მონაწილეობის შესახებ და, რა თქმა უნდა, ყველა დამთანხმდა. ასე მოვაგორეთ ბალიში შარქებთან..

– როგორი მოლოდინები გქონდათ?

ჩვენ ძალიან გვიყვარს ბალიში და სხვის ემოციებსაც ყოველთვის ვაკვირდებით; ვიცით და ვხვდებით, რომ ჩვენი პროდუქტი პირველივე ნახვისას ყველას უყვარდება; თუმცა, მოლოდინები მაინც არ შეგვიქმნია – „რაც იქნება, იქნებას“ იდეით გამოვედით. ვფიქრობდით, იქნებ ერთ-ერთი შარკი მაინც წამოგვეყვანა, მაგრამ სტუდიაში შესულმა მათი სახეები რომ დავინახე, მივხვდი, საქმე კარგად წავიდოდა.. ჯერ მომზადებული ტექსტი დამავიწყდა, მაგრამ რაც ვთქვი, ფაქტია, გაამართლა – ოთხივე შარკი გამოგვყვა! დღესაც ვერ ვიაზრებთ, რომ ეს რეალობაა..

– რის გაკეთებას აპირებთ აღებული ინვესტიციით?

აღებული ინვესტიციით, პირველ რიგში, რჩევებს მივიღებთ, როგორ გავამყაროთ და გავზარდოთ ბალიში. თანხა კი სრულად მოხმარდება ტექნიკის შეძენასა და მარაგების შექმნას.

– და ბოლოს, ზოგადად, როგორია თქვენი სამომავლო გეგმები?

გვინდა, ბალიში იყოს ყველგან და ყველასთან, ვისაც კომფორტი სჭირდება. დიდი გეგმები გვაქვს – პირველ რიგში, საქართველოს ბაზარს ავითვისებთ, შემდეგ კი ექსპორტზე გატანაზეც ვიზრუნებთ. ეს დროის საკითხია, რა თქმა უნდა..

შეგახსენებთ, საქართველოს პირველ არხზე „შარქ თენქ საქართველოს“ გენერალური პარტნიორი საქართველოს ბანკია. SONY Pictures-ის რეალითი შოუ – Shark Tank ერთ-ერთი ყველაზე პოპულარული შოუა, რომელმაც 5 კონტინენტი მოიცვა. ის უკვე 13 სეზონია მაყურებლების ერთ-ერთ ფავორიტ გადაცემად რჩება.

მსგავსი სიახლეები

ერთ წელიწადში საქართველოს სახელმწიფო საგარეო ვალი 140.282 მლნ დოლარით გაიზარდა

ერთ წელიწადში საქართველოს სახელმწიფო საგარეო ვალი 140.282 მლნ დოლარით, წინა თვესთან შედარებით კი, 426.952 მლნ დოლარით გაიზარდა.…

ვენახების კადასტრის პროგრამა დასავლეთ საქართველოს მევენახეობის რეგიონებში განხორციელდება

პროგრამა უკვე დასრულდა კახეთის, რაჭა-ლეჩხუმის, ქვემო ქართლის, შიდა ქართლის, მცხეთა-მთიანეთისა და სამცხე-ჯავახეთის რეგიონებში, სადაც ჯამში, აღწერილია 45 312 ჰა ფართობის ვენახები. „2023 წელს, პროგრამა იმერეთის, სამეგრელოს და…

საქართველოში 2022 წელს 10 822 ნებართვა გაიცა 7 421.9 ათასი კვ.მ ფართობის შენობა-ნაგებობების მშენებლობაზე

საქართველოში 2022 წელს გაცემულია 10 822 ნებართვა (წინა წელთან შედარებით 7.2 პროცენტით მეტი) 7 421.9 ათასი კვ.მ ფართობის შენობა-ნაგებობების მშენებლობაზე (წინა წელთან შედარებით 0.2 პროცენტით ნაკლები)-საქსტატი ნებართვების 77.2…

საქართველოს ბანკის მხარდაჭერით გორში 5 ვარსკვლავიანი სასტუმრო Gori Inn გაიხსნა

თბილისი (GBC) - საქართველოს ბანკი ტურიზმისა და მასპინძლობის სექტორის მხარდაჭერას აქტიურ რეჟიმში განაგრძობს. ბანკისა და „ვაკა ისთეითის“ ერთობლივი პროექტის ფარგლებში გორში 5 ვარსკვლავიანი, 119  ნომრიანი  სასტუმრო -  Gori Inn…

ამსტერდამში უფასო სუპერმარკეტი გაიხსნა

სუპერმარკეტ Fris-ში პროდუქტებს ფასის ეტიკეტები არ ადევთ და მათი მოხმარება სოციალურად დაუცველ ფენას უფასოდ შეუძლია.თუმცა სუპერმარკეტი სოციალურად დაუცველებს ერთი პირობით ემსახურება, რომ ისინი თავიანთი ფინანსური მდგომარეობის…

მეტის ჩატვირთვა იტვირთება...პოსტები აღარ მოიძებნა
error: Content is protected !!