საინტერესო სიახლეებიდღის სიახლეებიეკონომიკასიახლეებიფინანსები

Best Buy, Zoom, Nvidia, Boeing – ბირჟებზე საუკეთესო შედეგების მქონე კომპანიები გასულ 24 საათში

0
გაზიარება

გასულ 24 საათში ამერიკულ საფონდო ბირჟებზე აღმასვლის შედარებით სუსტი ტენდენცია დაფიქსირდა: S&P 500-ის ღირებულება 0.95%-ით გაიზარდა; 0.60%-ით მოიმატა Dow Jones-ის ინდექსმა; ტექნოლოგიური კომპანიებით დატვირთული Nasdaq-ის ინდექსის ღირებულება კი 1.51%-ით არის გაზრდილი.

მსოფლიოს მასშტაბით covid-19-ით ინფიცირების შემთხვევების გავრცელებისა და მთავრობების მიერ დაწესებული მკაცრი რეგულაციების ფონზე, სულ უფრო მეტად იზრდება ონლაინ საკომუნიკაციო პლატფორმებზე მოთხოვნა, მათ შორის საუკეთესო შედეგები კი კომპანია Zoom-ს აქვს, მისი აქციების ღირებულება გუშინ დამატებით 8.5%-ით გაიზარდა, ხუთდღიან ჭრილში კი მისი საბაზრო კაპიტალიზაციის ზრდის მაჩვენებელი თითქმის 20%-ს აღწევს.

აღსანიშნავია, რომ გუშინდელი სავაჭრო სესია თითქმის ყველა მსხვილი ტექნოლოგიური კომპანიისთვის წარმატებული აღმოჩნდა: DocuSign-ის ღირებულება 8.3%-ით გაიზარდა; Intuit-ის აქციებმა 8.2%-ით მოიმატა; Palo Alto Network-ის ღირებულება თითქმის 6%-ითაა გაზრდილი; ვიდეობარათების მწარმოებელი Nvidia-ს ღირებულებამ 5.1%-ით მოიმატა; იმედისმომცემი კვარტალური შედეგების გასაჯაროების შემდეგ, Splunk-ის საბაზრო კაპიტალიზაცია 5%-ით გაიზარდა; ხოლო ელექტრომობილების მწარმოების გლობალური ლიდერის – Tesla-ს აქციების ფასი გასულ 24 საათში 4.9%-ით არის გაზრდილი.

საცალო სექტორში წარმოდგენილი კომპანიების უაღრესად იმედგამაცრუებელი კვარტალური შედეგების ფონზე, თითქმის 9%-ით გაიზარდა Best Buy-ს აქციების ღირებულება.

რაც შეეხება Dow Jones-ის ინდექსში წარმოდგენილ უმსხვილეს ამერიკულ კომპანიებს: American Express (+3.2%); Boeing (+2.3%); Home Depot (+1.9%); Caterpillar (+1.8%); Salesforce (+1.7%); Disney (+1.6%); Chevron (+1.6%).

გასული დღის სავაჭრო სესია გამორჩეული შედეგებით დაასრულეს შემდეგმა ამერიკულმა კომპანიებმაც: Bath & Body (+8.7%); Intuit (+8.2%); Newell Brands (+8.1%); Live Nation (+7.9%); ServiceNow (+7.8%); Caesars (+7.6%); Under Armour (+7.2%).

საგულისხმოა, რომ მიმდინარე კვირა ბაზრის სენტიმენტის არაერთგვაროვნებით და არასტაბილურობითაა გამორჩეული. ინვესტორთა ნაწილი მიიჩნევს, რომ აშშ-ის ფედერალური რეზერვის მიერ მონეტარული პოლიტიკის ზედმეტად გამკაცრება ქვეყანას რეცესიაში გადაიყვანს, მეორე ნაწილი კი თვლის, რომ ზომიერი ბალანსის დაცვა შესაძლებელი იქნება, საფონდო ბირჟების მკვეთრი კორექცია კი გარკვეულ ლოგიკურ დასასრულს უახლოვდება.

რაც შეეხება კვარტალური ფინანსური შედეგების გამოქვეყნების საკითხს:

ხუთშაბათს მონაცემებს ასაჯაროებენ: Alibaba, Baidu, Costco, Marvell, Dollar Tree, Dell, GAP.
პარასკევს: Pinduoduo, Viomi, Hibbett, Sanderson, Big Lots, Canopy Growth.

მსგავსი სიახლეები

NDI – საქართველოში ყოველ მეხუთე ოჯახს საჭმლის სამყოფი ფული არ აქვს

NDI-ის მიერ ჩატარებული კვლევის თანახმად, ქვეყნის დანარჩენ მოსახლეობასთან შედარებით, პატარა ქალაქებსა და სოფლის ტიპის დასახლებებში მცხოვრებთ და 55+ ასაკის მოქალაქეებს ყველაზე მეტად უჭირთ. პოლიტიკური სიმპატიების მიხედვით…

BUS LANE-ში სხვა სახის სატრანსპორტო საშუალებების მოძრაობის გამო ჯარიმების მოცულობა 226%-ით გაიზარდა

2022 წლის განმავლობაში ბიუჯეტში ავტობუსის ზოლში (BUS LANE) სამარშრუტო სატრანსპორტო საშუალებების გარდა სხვა სახის სატრანსპორტო საშუალებების მოძრაობის, გაჩერების ან დგომისათვის ჯარიმის სახით 4 462 325 ლარი შევიდა, ეს კი…

გაზის რეზერვუარების აღმოჩენის მიზნით BP კასპიის ზღვაში ორ ახალ ჭაბურღილს გაიყვანს

ბრიტანული ნავთობმომპოვებელი გიგანტის BP-ის თანახმად, პირველი ჭაბურღილის სიღრმე 7,000 მეტრს მიაღწევს, რათა რეზერვუარიდან ბუნებრივი აირის მოპოვება გახდეს შესაძლებელი. რეზერვუარის სავარაუდო ადგილმდებარეობა შაჰ დენიზის საბადოს…

2022 წელს საქართველოში ჩადენილი ყველაზე მეტი დანაშაულის შემთხვევა ქურდობაზე, ოჯახში ძალადობაზე და მუქარაზე დაფიქსირდა  

შინაგან საქმეთა სამინისტროს სტატისტიკური მონაცემების თანახმად, დანაშაულის ყველაზე მეტი - 15 862 შემთხვევა (გაიხსნა 8477) ქურდობაზე მოდის, შემდეგ ადგილზეა ოჯახში ძალადობის 4106 (გაიხსნა 3586) და მუქარის 3699 (გაიხსნა 3280)…

თბილისში უძრავი ქონების ღირებულება 28%-ით გაიზარდა

2022 წლის დეკემბერში 2021 წლის ანალოგიურ პერიოდთან შედარებით, თბილისში უძრავი ქონების ღირებულება 28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს…

მეტის ჩატვირთვა იტვირთება...პოსტები აღარ მოიძებნა
error: Content is protected !!