პლატფორმა Statista 2020-2021 წლების ჩამონათვალს აქვეყნებს, სადაც სხვადასხვა ქვეყნის მოსახლეობა არჩევანს აკეთებს ბინის ყიდვასა და დაქირავებას შორის.
Statista Global Consumer Survey-ის მონაცემების მიხედვით, ადამიანების პოზიცია ბინის ყიდვასა და დაქირავებას შორის დამოკიდებულია სხვადასხვა ქვეყანაში ბინის ფასსა და პირობებზე.
Bpn-ის მიხედვით, ბინის ყიდვასთან შედარებით დაქირავებას უმეტესად დასავლეთ ევროპის ქვეყნებში ამჯობინებენ. მაგალითისათვის, შვეიცარიის მოსახლეობის 68% ბინის დაქირავებას ანიჭებს უმეტესობას, გერმანიაში კი 64%. ამ ქვეყნებში ადგილობრივების 2/3 სწორედ დაქირავებულ სახლებში ცხოვრობს.
ისეთ ქვეყნებს შორის კი, სადაც ბინის ყიდვას ანიჭებენ უპირატესობას რუსეთი და ჩინეთი მოხვდნენ.
Statista Global Consumer Survey-მა კვლევა 10 ქვეყანაში ჩაატარა, მათ საერთო ჯამში 15 000-ზე მეტი ადამიანი გამოკითხეს. მონაცემების მიხედვით, სხვადასხვა ქვეყანაში ბინის ქირაობასა და ყიდვას შორის დამოკიდებულება ასე გამოიყურება:
- 1. შვეიცარია – 68% დაქირავება; 31% – ბინის ყიდვა
- 2. გერმანია – 64% დაქირავება; 35% – ბინის ყიდვა
- 3. საფრანგეთი – 47% დაქირავება; 50% -ბინის ყიდვა
- 4. დიდი ბრიტანეთი – 44% დაქირავება; 56% – ბინის ყიდვა
- 5. კანადა – 42% დაქირავება; 54% – ბინის ყიდვა
- 6. იაპონია – 39% დაქირავება; 61% – ბინის ყიდვა
- 7. აშშ – 37% დაქირავება; 58% – ბინის ყიდვა
- 8. იტალია – 24% დაქირავება; 71% – ბინის ყიდვა
- 9. ჩინეთი – 14% დაქირავება; 83% – ბინის ყიდვა
- 10. რუსეთი – 11% დაქირავება; 87% – ბინის ყიდვა
