ფინანსებიდღის სიახლეებიეკონომიკასაინტერესო სიახლეებისიახლეები

ბიტკოინის, ეთერიუმისა და სხვა კრიპტოვალუტების ფასები მკვეთრად ეცემა

0
გაზიარება

მსოფლიოს მასშტაბით მაკროეკონომიკური მდგომარეობის გაუარესების ფონზე, ბიტკოინის, ეთერიუმისა და სხვა კრიპტოაქტივების ფასები მკვეთრად ეცემა.

გასულ 24 საათში კრიპტო-ბირჟის საერთო საბაზრო კაპიტალიზაცია 6.5%-ით, $1-ტრილიონიან ნიშნულამდე შემცირდა; ბიტკოინის საბაზრო ფასი 8.1%-ით დაეცა და ამჟამად 25,000 დოლარს აღწევს, ხოლო რიგით მეორე უმსხვილესი კრიპტოვალუტის – ეთერიუმის ღირებულება 8.5%-ითაა შემცირებული და 1,300 დოლარს შეადგენს.

ბიტკოინისა და ეთერიუმის გაუფასურების პარალელურად, მკვეთრად მცირდება სხვა კრიპტოვალუტების საბაზრო ღირებულებაც: BNB (-6.3%); XRP (-6.6%); ADA (-9.9%); SOL (-12.5%); DOGE (-10.5%).

კრიპტო-ბირჟის მკვეთრი დაღმასვლა ზოგადი საფონდო ბირჟების და სპეკულაციური ბაზრების ვარდნასთანაა დაკავშირებული, რისი გამომწვევი მიზეზიც, თავის მხრივ, აშშ-ის სტატისტიკის ფედერალური ბიუროს მიერ წარმოდგენილი ოფიციალური მონაცემებია. უწყების ცნობით, გასულ თვეს აშშ-ში ფასების ზრდის ტემპი დაჩქარდა და წლიური ინფლაციის დონემ 8.6%-იან ნიშნულს მიაღწია, რაც 1981 წლის შემდეგ დაფიქსირებული ყველაზე მაღალი მაჩვენებელია.

სამომხმარებლო ფასების მკვეთრი ზრდის ფონზე, მნიშვნელოვნად იზრდება მონეტარული პოლიტიკის გამკაცრების რისკები, რასაც ტრადიციული თუ კრიპტობირჟებისთვის ნეგატიური გავლენა აქვს, რადგან მაღალი საპროცენტო განაკვეთის პირობებში ინვესტორები სარისკო პოზიციებს ამცირებენ და კაპიტალის დაბანდებისგან თავს იკავებენ.

საგულისხმოა, რომ უოლ-სრიტზე ბოლო ოფიციალური სავაჭრო სესია, რომელიც პარასკევს შედგა, უაღრესად არასახარბიელო იყო ზოგადი საფონდო ინდექსებისთვის: აშშ-ის 500 უმსხვილესი კომპანიის აქციების საერთო ღირებულება (S&P 500) თითქმის 3%-ით შემცირდა; Dow Jones-ის ინდექსი 2.7%-ით დაეცა, ხოლო Nasdaq-ის ტექნოლოგიური ინდექსი 3.5%-ითაა შემცირებული.

მართალია, მიმდინარე კვირის პირველი სავაჭრო სესია ჯერაც არ დაწყებულა, თუმცა ფიუჩერსული კონტრაქტების ამჟამინდელი ღირებულება ცხადყოფს, რომ ბირჟა დაღმასვლის ძლიერი ტენდენციისაკენაა მიმართული და, სავარაუდოდ, უოლ-სტრიტსა თუ კრიპტო-ბირჟაზეც ორშაბათი არასახარბიელო შედეგებით დასრულდება.

მსგავსი სიახლეები

ქართულ ბაზარზე ფისტა 1 000%-იანი ფასნამატით იყიდება

2023 წლის 4 თვეში საქართველოში ახალი და ხმელი ფისტის იმპორტი 3.3-ჯერ გაიზარდა.საქართველომ 883.6 ათასი აშშ დოლარის 523 ტონა ფისტა იყიდა, გასული წლის ანალოგიურ პერიოდში კი, 261.7 ათასი დოლარის 259.4 ტონა თხილეული. წელს 1 კგ…

დღეიდან A კატეგორიის ტაქსებს ავტობუსის ზოლში მოძრაობა შეუძლიათ

A კატეგორიის იმ ტაქსებს, რომელთა ავტომობილის ასაკი არ აღემატება 10 წელს, დღეიდან ავტობუსის ზოლში მოძრაობა შეეძლებათ. როგორც დედაქალაქის მერმა აღნიშნა, მუნიციპალურ სერვისცენტრებში ე.წ. სტიკერების დარიგება დაიწყო A კატეგორიის…

დღეიდან პროგრამის „სპორტი უფროსი თაობისთვის“ რეგისტრაცია დაიწყო

60 წელს გადაცილებული პირებისთვის შექმნილ პროგრამას - „სპორტი უფროსი თაობისთვის“ კერძო ობიექტები - „არენა“ და „ოლიმპიკი“ ემატება, რომელთა სარგებლობასაც პროგრამაში ჩართულ პირებს მერია სრულად დაუფინანსდებათ - ამის შესახებ…

გმირთა მოედანზე მრავალფუნქციური კომპლექსის მშენებლობა იგეგმება

გმირთა მოედანზე „ლაგუნას“ მიმდებარედ, აბრეშუმის ქარხნის ტერიტორიაზე მრავალფუნქციური კომპლექსის მშენებლობა კვლავ იგეგმება. კომპლექსი მოიცავს: საცხოვრებელ; კომერციულ, საოფისე და დამხმარე ფართებს. პროექტს ახორციელებს შპს…

1 ივნისის ვალუტის კურსი

საქართველოს ეროვნულმა ბანკმა ლარის გაცვლითი კურსი დოლართან მიმართებით დღეისათვის 2,5972 GEL/$1 ნიშნულზე დაადგინა. წინა ნიშნულთან შედარებით, ქართული ეროვნული ვალუტის კურსი 0,0053 ლარით გაუფასურდა. ევრო : 2, 7733 ლარი აშშ…

მეტის ჩატვირთვა იტვირთება...პოსტები აღარ მოიძებნა
error: Content is protected !!