დღის სიახლეებიეკონომიკასაზოგადოება

“ბლექ სი არენა” 25 დღით უამინდობის დაზღვევაზე გამარტივებულ ტენდერს აცხადებს

0
გაზიარება

შპს ,,ბლექ სი არენა ჯორჯიას” მიერ ჩასატარებელი 9 (ცხრა) ღონისძიების უამინდობის გამო გაუქმებისა და სხვა რისკების დაზღვევის მომსახურების გამარტივებული შესყიდვის განხორციელების მიზნით, კომპანიამ შესყიდვების სააგენტოს მიმართა. უამინდობის გამო გამოწვეული ფინანსური ზარალის დაზღვევაში კომპანია 48 500 ლარს იხდის. საუბარია მიმდინარე წლის 31 ივლისიდან 25 აგვისტოს ჩათვლით პერიოდზე.

როგორც “ბლექ სი არენა ჯორჯიას” მხრიდან გამარტივებული შესყიდვის განხორციელების შესახებ განმარტებით ბარათშია წერია, გამომდინარე იქიდან, რომ ღონისძიებები დაგეგმილია ოზურგეთის რაიონში, სოფელ ნატანებში (შეკვეთილი), ღია სივრცეში და აღნიშნული რეგიონი გამოირჩევა ნალექის სიუხვით, დაზღვევის შესყიდვა განპირობებულია ფინანსური ზარალის თავიდან აცილების მიზნით.

მათი განმარტებით, კომპანიამ ჩაატარა ბაზრის კვლევა, თუმცა ქართულ ბაზარზე არსებულ სადაზღვევო კომპანიებს არ აქვთ მსგავსი პროდუქტი, შესაბამისად, აუცილებელი გახდა სადაზღვევო კომპანიებთან ინდივიდუალური მოლაპარაკებების წარმოება, რამაც ბაზრის კვლევა გაახანგრძლივა. მათი თქმით, შემოთავაზება “ბლექ სი არენამ”, უამინდობის გამო ფინანსური ზარალის ანაზღაურებაზე მხოლოდ ერთი კომპანიისგან მიიღო.

მათი მტკიცებით, გამომდინარე იქიდან, რომ “ბლექ სი არენას” პირველი ღონისძიება 2022 წლის 31 ივლისს არის დაგეგმილი, ვერ ესწრება სატენდერო პროცედურების ჩატარება. ამ მიზეზის გამო კომპანია გამარტივებული შესყიდვის განხორციელებას ითხოვს.

ხელშეკრულებას კი ამ გზით, სავარაუდოდ, იმ ერთადერთ კომპანიასთან გააფორმებს, რომელმაც ბაზრის კვლევის პროცესში მათ შეთავაზება გაუკეთა.

მსგავსი სიახლეები

საქართველოში სოციალური უთანასწორობის მაჩვენებელი შემცირდა

საქართველოში შემოსავლებს შორის განსხვავება ყველაზე დაბალ ნიშნულზეა. 2022 წელს 2021 წელთან შედარებით, ჯინის კოეფიციენტი მთლიანი შემოსავლების მიხედვით 0,1 პუნქტით შემცირდა და 0.36 ნიშნულს მიაღწია - საქსტატი ჯინის კოეფიციენტის…

მასკის ჩიპების კომპანია Neuralink-მა ადამიანებზე კვლევების დაწყების ნებართვა მიიღო

ილონ მასკის Neuralink-მა შეერთებული შტატების საკვებისა და მედიკამენტების ადმინისტრაციისგან (FDA) მიიღო ნებართვა, დაიწყოს „ადამიანის პირველი კლინიკური კვლევა“. ეს მთავარი ნაბიჯია კომპანიისთვის, რომელიც ცდილობს განავითაროს…

29 მაისის ვალუტის კურსი

Bloomberg-ის სავაჭრო პლატფორმაზე 12:00 საათისთვის ერთი დოლარი 2.5800 ლარად ივაჭრება. პლატფორმაზე ვაჭრობა 2.5810 კურსით დაიწყო. ეროვნული ბანკის მიერ 25 მაისის დადგენილი კურსით, ერთი აშშ დოლარის ოფიციალური ღირებულება  2.5876…

უფასო აპლიკაციის საშუალებით ძველი საბერძნეთის ნახვა სახლიდან გაუსვლელად არის შესაძლებელი

საბერძნეთმა მობილური აპლიკაცია ჩაუშვა, რომლითაც აკროპოლისისა და პართენონის (ათენას ტაძრის) ძველ დროში ნახვა არის შესაძლებელი - „ევროპულსი“ ახალი აპლიკაცია ხელოვნურ ინტელექტსა და ვირტუალური რეალობის ტექნოლოგიებს იყენებს,…

საქართველოში შესაძლოა, მზესუმზირის ზეთი გაიაფდეს

საქართველოს ზეთის იმპორტი უიაფდება.როგორც ცნობილია, რუსულ მზესუმზირის ზეთზე საექსპორტო გადასახადი ივნისში განულდება, მაშინ, როცა მაისში ტონაზე 1,122 რუბლს (14 დოლარს) შეადგენდა. საქსტატის მონაცემებით, წელს 4 თვეში,…

მეტის ჩატვირთვა იტვირთება...პოსტები აღარ მოიძებნა
error: Content is protected !!