დღის სიახლეებისაინტერესო სიახლეებისიახლეებიქართული წარმოება

ეკონომიკის მინისტრის განცხადება “IDS ბორჯომი საქართველოს” შესახებ

0
გაზიარება

ვიცე-პრემიერმა და ეკონომიკის მინისტრმა ლევან დავითაშვილმა „IDS ბორჯომი საქართველოს“ საკითხზე პირველად ისაუბრა იმაზე თუ ვისთან მუშაობს საქართველოს მთვარობა, რათა კომპანიამ ქარხნების ამოქმედება დროულად შეძლოს.

ლევან დავითაშვილი იმედს გამოთქვამს, რომ ხელისუფლების მუშაობის შედეგი მალე დადგება და „IDS ბორჯომი საქართველო“ პროდუქციის მწარმოებელი ქარხნების ამოქმედებას რამდენიმე დღეში შეძლებს.

„ბორჯომთან“ დაკავშირებით ორი საკითხია: ერთი ის, რომ კომპანიამ სრულფასოვანი ფუნქციონირება შეძლოს – ეს უმთავრესი საკითხია. მთავრობა ამ მიმართულებით საკმაოდ დიდი ხანია მუშაობს. ვმუშაობთ აქციონერებთან, რათა მოხდეს გარკვეული ცვლილებები და კომპანია არ იყოს საერთაშორისო სანქციების საგანი; ამავე დროს ჩვენ ვმუშაობთ საერთაშორისო მარეგულირებელთან, რომლის სანქციების ქვეშ დღეს კომპანიის დამფუძნებლები არიან და შესაბამისად კომპანიის ფუნქციონირებას გარკვეული შეფერხებები აქვს; ვმუშაობთ საფინანსო ორგანიზაციებთან, რომ პროცესი იყოს გამჭვირვალე, ასევე საერთაშორისო პარტნიორებთან, რომ მათ სრული ინფორმაცია ჰქონდეთ საქართველოს მთავრობის გადაწყვეტილებებზე.

იმედი მაქვს, რამდენიმე დღეში შევძლებთ, რომ კონკრეტული ცვლილებები მოხდეს, რომელიც კომპანიას თავისი საქმიანობის აღდგენის შესაძლებლობას მისცემს“, – განაცხადა ლევან დავითაშვილმა.

შეგახსენებთ, „აიდიეს ბორჯომის“ საბანკო ანგარიშები 15 მარტს, კომპანიის ერთ-ერთი მეწილის სანქცირებულთა სიაში მოხვედრის გამო გაიყინა, რის შესახებაც საჯარო უწყებებს ეცნობათ. 29 აპრილს კი კომპანიამ „ბორჯომის“ ორივე ქარხნის გაჩერების გადაწყვეტილება მიიღო და განაცხადა, რომ ქარხნები გაყინულ ანგარიშებზე ხელმისაწვდომობის აღდგენისთანავე ამოქმედდება, კომპანიაში დასაქმებულ 1 000-მდე ადამიანს კი სამუშაო ადგილი და ხელფასები შეუნარჩუნდებოდათ. მოგვიანებით, პრემიერ-მინისტრმა ირაკლი ღარიბაშვილმა „ბორჯომის“ ქარხანასთან დაკავშირებით სასიამოვნო სიახლის შესახებ დააანონსა.

მსგავსი სიახლეები

NDI – საქართველოში ყოველ მეხუთე ოჯახს საჭმლის სამყოფი ფული არ აქვს

NDI-ის მიერ ჩატარებული კვლევის თანახმად, ქვეყნის დანარჩენ მოსახლეობასთან შედარებით, პატარა ქალაქებსა და სოფლის ტიპის დასახლებებში მცხოვრებთ და 55+ ასაკის მოქალაქეებს ყველაზე მეტად უჭირთ. პოლიტიკური სიმპატიების მიხედვით…

BUS LANE-ში სხვა სახის სატრანსპორტო საშუალებების მოძრაობის გამო ჯარიმების მოცულობა 226%-ით გაიზარდა

2022 წლის განმავლობაში ბიუჯეტში ავტობუსის ზოლში (BUS LANE) სამარშრუტო სატრანსპორტო საშუალებების გარდა სხვა სახის სატრანსპორტო საშუალებების მოძრაობის, გაჩერების ან დგომისათვის ჯარიმის სახით 4 462 325 ლარი შევიდა, ეს კი…

გაზის რეზერვუარების აღმოჩენის მიზნით BP კასპიის ზღვაში ორ ახალ ჭაბურღილს გაიყვანს

ბრიტანული ნავთობმომპოვებელი გიგანტის BP-ის თანახმად, პირველი ჭაბურღილის სიღრმე 7,000 მეტრს მიაღწევს, რათა რეზერვუარიდან ბუნებრივი აირის მოპოვება გახდეს შესაძლებელი. რეზერვუარის სავარაუდო ადგილმდებარეობა შაჰ დენიზის საბადოს…

2022 წელს საქართველოში ჩადენილი ყველაზე მეტი დანაშაულის შემთხვევა ქურდობაზე, ოჯახში ძალადობაზე და მუქარაზე დაფიქსირდა  

შინაგან საქმეთა სამინისტროს სტატისტიკური მონაცემების თანახმად, დანაშაულის ყველაზე მეტი - 15 862 შემთხვევა (გაიხსნა 8477) ქურდობაზე მოდის, შემდეგ ადგილზეა ოჯახში ძალადობის 4106 (გაიხსნა 3586) და მუქარის 3699 (გაიხსნა 3280)…

თბილისში უძრავი ქონების ღირებულება 28%-ით გაიზარდა

2022 წლის დეკემბერში 2021 წლის ანალოგიურ პერიოდთან შედარებით, თბილისში უძრავი ქონების ღირებულება 28%-ით არის გაზრდილი. 2022 წლის დეკემბრის მონაცემებით, დედაქალაქში 1 კვ.მეტრის ყიდვის საშუალო ღირებულება 1 072 აშშ დოლარს…

მეტის ჩატვირთვა იტვირთება...პოსტები აღარ მოიძებნა
error: Content is protected !!