დღის სიახლეებისიახლეები

ემიგრაციისთვის ყველაზე მიმზიდველი ქვეყნები – InterNations

0
გაზიარება

მსოფლიოს უდიდესმა საიმიგრაციო საზოგადოებამ InterNations-მა საცხოვრებლად საუკეთესო ქალაქების რეიტინგი გამოაქვეყნა. Expat City Ranking 2022-ის ანგარიში იმ 52 ქალაქს აერთიანებს, სადაც ემიგრანტები გასულ წელს ყველაზე კმაყოფილნი იყვნენ ცხოვრებისა და მუშაობის პირობებით. ანგარიშისთვის 181 ქვეყანაში მცხოვრები 11,970 უცხოელი გამოიკითხა ოთხ კატეგორიაში: საცხოვრებლის, ენის, ციფრული ცხოვრებისა და ადმინისტრაციული საკითხების მიხედვით.

  1. ბაჰრეინია

გამოკითხვის შედეგების მიხედვით ირკვევა, რომ ემიგრანტებისთვის საუკეთესო საცხოვრებელი ქვეყანა ბაჰრეინია. ბაჰრეინის მოსახლეობაში ემიგრანტები ძალიან დიდ წილს შეადგენენ გამომდინარე იქიდან, რომ უცხო ქვეყნის მოქალაქეებისთვის იქ ინტეგრირება ძალიან მარტივია და გამოკითხული ემიგრანტების შეფასებით, ისინი ამ ქვეყანაში თავს უცხოდ არ გრძნობენ. გარდა ამისა, იქ ჩასულებს არ აფერხებთ ადმინისტრაციული და ასევე ენობრივი ბარიერები. ემიგრანტების თქმით, იმისთვის, რომ ბაჰრეინში სრულფასოვნად იცხოვრონ, ადგილობრივი ენის შესწავლა საჭირო საერთოდ არაა. ამ ყველაფერთან ერთად, უცხო ქვეყნის მოქალაქეებისთვის ნებისმიერ სახელმწიფო სერვისზე წვდომა და მათით სარგებლობა ძალიან მარტივია.

  1. არაბეთის გაერთიანებული საემიროები

მეორე ქვეყანა, რომელსაც ემიგრანტები საუკეთესო საცხოვრებლად ასახელებენ, არაბეთის გაერთიანებული საემიროებია, რომელმაც ბოლო წლებში, საცხოვრებელი და ბიზნეს გარემოს გაუმჯობესებისთვის, კვალიფიციური სამუშაო ძალისა და პირდაპირი უცხოური ინვესტიციების მიზიდვის მიზნით, არაერთი ეკონომიკური, სოციალური თუ სამართლებრივი რეფორმა განახორციელა. ნულოვანი საგადასახადო პოლიტიკა, ენობრივი ბარიერის არარსებობა და ასევე იქ ბინადრობის ვიზის მიღების სიმარტივე კი, საემიროებს დამატებით უპირატესობას ანიჭებს. შესაბამისად, ამ ყველაფრიდან გამომდინარე სულ უფრო მეტი ადამიანი საემიროებში საცხოვრებლად გადასვლის სურვილს გამოთქვამს.

  1. სინგაპური

რეიტინგში მესამე პოზიციაზე ხვდება სინგაპური. იქ ოფიციალური ენა ინგლისურია და შესაბამისად, ემიგრანტებისთვის კომუნიკაცია ძალიან მარტივია. გარდა ამისა, ემიგრანტები ფიქრობენ, რომ სინგაპური მათ ძალიან სწრაფ და ორგანიზებულ ონლაინ სერვისებს სთავაზობს და არანაირი ბიუროკრატიული ბარიერი არ ხვდებათ. ერთადერთი ფაქტორი, რითაც ემიგრანტები უკმაყოფილოები არიან, სინგაპურის საბინაო პოლიტიკაა. მათი თქმით, იქ ბინის შოვნა, არც თუ ისე მარტივია.

  1. ესტონეთი

ერთადერთი ევროპული ქვეყანა, რომელიც რეიტინგის ათეულში ხვდება და მეოთხე ადგილს იკავებს – ესტონეთია. ემიგრანტები ესტონეთს საუკეთესო ევროპულ ქვეყნად აფასებენ და ამბობენ, რომ იქ ადმინისტრაციული პროცედურები ძალიან მარტივია, ბიუროკრატიული სირთულეები კი, ფაქტობრივად არ არსებობს. ესტონეთში მცხოვრები უცხოელები ასევე ხაზს უსვამენ იქაური ვიზის აღების, ფინანსური პროცედურების სიმარტივესა და ცხოვრების მაღალ ხარისხს. ერთადერთი სირთულე, რაც ესტონეთში ემიგრანტებს ხვდებათ, ენობრივი ბარიერია.

  1. ომანი, საუდის არაბეთი და კატარი

ემიგრანტებისთვის საუკეთესო საცხოვრებელ ქვეყნებს შორის ბაჰრეინისა და არაბეთის გაერთიანებული საემიროების გარდა, სპარსეთის ყურის კიდევ სამი ქვეყანა მოხვდა. ომანი, საუდის არაბეთი და კატარი. ყურის ქვეყნები რეიტინგში უპირველესად ადგილობრივი ენის ცოდნის გარეშე იქ ცხოვრების სიმარტივის გამო ხვდებიან და ამასთან, ისინი საბინაო პოლიტიკითა და ბინის პოვნის სიმარტივითაც გამოირჩევიან. თუმცა, აღსანიშნავია, რომ სამივე მათგანში მცხოვრები მიგრანტები, უარყოფითად აფასებენ იქ ონლაინ სერვისებზე წვდომას, რადგან ის მკაცრად შეზღუდულია. ემიგრანტებისთვის საუკეთესო საცხოვრებელი ქვეყნების რეიტინგის ათეულში ასევე ხვდებიან ინდონეზია, კენია და კანადა.

მსგავსი სიახლეები

გიორგი მამარდაშვილი ესპანეთის ჩემპიონატის ყველაზე ძვირად ღირებული მეკარეა

Transfermnarkt-ის ცნობით, „ლა ლიგის“ ყველაზე ძვირად ღირებული მეკარე გიორგი მამარდაშვილია. ქართველი ფეხბურთელი საფეხბურთო კლუბ „ვალენსიას“ მეკარეა და მისი ღირებულება ამ დროისთვის 35 მლნ დოლარია. ესპანეთის ჩემპიონატის 5 ყველაზე…

TikTok-ი Instagram-ის ანალოგს ქმნის

TikTok-ი ახალ აპლიკაციას, Instagram-ის ანალოგს ავითარებს, რომელიც მომხმარებლებს ფოტოების გაზიარების საშუალებას მისცემს. ინფორმაციას პორტალი, TechCrunch-ი ავრცელებს. „ინოვაციებისადმი ჩვენი მუდმივი ვალდებულების ფარგლებში,…

საქართველოს მოსახლეობა ბერდება – აზიის განვითარების ბანკი

აზიის განვითარების ბანკის ანგარიშის მიხედვით, საქართველოს მოსახლეობა ბერდება, რაც უმეტესად განპირობებულია დაბალი შობადობით, სიცოცხლის ხანგრძლივობის გაუმჯობესებისა და შრომისუნარიანი ასაკის ადამიანების ემიგრაციის გამო.…

ერთწლიანი კულტურების ნათესი ფართობები 4.9%-ით შემცირდა

წინასწარი მონაცემებით, 2023 წელს ერთწლიანი კულტურების ნათესმა ფართობმა 205.2 ათასი ჰექტარი შეადგინა, რაც წინა წლის შესაბამის მაჩვენებელს 4.9%-ით ჩამორჩება. საქსტატის მონაცემებით, საშემოდგომო მარცვლოვანი კულტურების ნათესი…

მეტის ჩატვირთვა იტვირთება...პოსტები აღარ მოიძებნა
error: Content is protected !!