2022 წლის განმავლობაში საქართველოს ეროვნულმა ბანკმა AML/CFT ზედამხედველობის ფარგლებში ექვსი მიკრო საფინანსო ორგანიზაცია დააჯარიმა. გამოწერილი ჯარიმების მოცულობა 145.5 ათას შეადგენს.
დაჯარიმებული მიკროსაფინანსო ორგანიზაციები:
- „კრისტალი“ – 110 500 ლარი
- “მისო მონეტა ექსპრესი” – 12,000 ლარი
- ,,სვის კაპიტალი” – 12 000 ლარი
- „სმარტ ფინანსი“ – 11 000 ლარი
- “მიკრო ბიზნეს კაპიტალი” – 7 000 ლარი
- ,,ბერმელი” – 5 000 ლარი
დაჯარიმების მიზეზებს შორის ყველაზე ხშირი ფულის გათეთრებისა და ტერორიზმის დაფინანსების აღკვეთის ხელშეწყობის კანონმდებლობით გათვალისწინებული სხვადასხვა მუხლების დარღვევაა. ასევე, მიზეზებს შორისაა შემოწმების პროცესში მოთხოვნილი ინფორმაციის/დოკუმენტაციის არასწორად წარდგენა და დოკუმენტაციის წარდგენის ვადების დარღვევა.
2021 წელს სებ-მა 15 მისო დააჯარიმა, ასევე, 2020 წელსაც 15. რაც შეეხება მიმდინარე წელს, სებ-მა უკვე დააჯარიმა 2 მიკროსაფინანსო ორგანიზაცია. “ნოვა კრედიტი ” 32 00 ლარით „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ” კანონის დარღვევისთვის დაჯარიმდა. მიკროსაფინანსო ორგანიზაცია „გირო კრედიტი” კი 2 ათასი ლარით. დაჯარიმების მიზეზი გახდა, შემოწმების პერიოდში საქართველოს ეროვნული ბანკისთვის არასწორი ინფორმაციის წარდგენა.
