მსოფლიოში გასული წლის მეოთხე კვარტალში პერსონალური კომპიუტერების გაყიდვები 28,1%-ით 67,2 მილიონამდე შემცირდა , რაც პროგნოზირებულზე დაბალია. ამას ადასტურებს International Data Corporation (IDC) მონაცემები.
პანდემიური ბუმი ბაზარზე დასრულდა – აღნიშნავენ ექსპერტები, თუმცა მიუხედავად მეოთხე კვარტლის ვარდნისა, 2022 წლის ჯამში პერსონალური კომპიუტერების გაყიდვები პანდემიამდელ დონეზე მაინც მაღალია და შეადგენს 292,3 მილიონს. ეს მაჩვენებელი 2021 წელთან შედარებით 16,5%-ით ნაკლებია.
პერსონალურ კომპიუტერებზე სამომავლო მოთხოვნის ექსპერტების პროგნოზები პესიმისტურია, ვინაიდან მომხმარებლების უმეტესობას უკვე აქვს ახალი კომპიუტერი, ხოლო მსოფლიოში ეკონომიკური სიტუაცია უარესდება. ბევრი მსხვილი მომწოდებელი ახალი წლისთვის ფრთხილ პროგნოზებს აკეთებს, თუმცა ნაწილს მაინც პოზიტიური მოლოდინი აქვს. მათივე ვარაუდით, პერსონალური კომპიუტერების ბაზარი ზრდას 2024 წლიდან დაიწყებს.
2022 წელს სამულში დარჩნენ ჩინური Lenovo, ამერიკული HP Inc. და Dell Technologies. რეიტინგში კი Apple გახდა ერთადერთი კომპანია, რომლის გაყიდვები გაიზარდა 2,5%-ით, თუმცა არც ისე საკმარისად, რომ კონკურენტებს დაწეოდა.
