Starbucks-ი მსოფლიოს ყველაზე ძვირად ღირებული სარესტორნო ბრენდების რეიტინგში ლიდერობას იმყარებს Brand Finance-ის მონაცემებით
გასული წლის განმავლობაში, ბრენდის ღირებულება 17%-ით, 53,4 მილიარდ დოლარამდე გაიზარდა, რაც დაეხმარა Starbucks-ს გაეზარდა უპირატესობა მეორე ადგილზე მყოფ სწრაფი კვების რესტორნების ქსელ McDonald’s Corp.-თან შედარებით, რომლის ბრენდის ღირებულება 7%-ით 36,9 მილიარდამდე შემცირდა.
რეიტინგში მესამე ადგილი დაიკავა KFC ქსელმა (17,7 მლრდ დოლარი), მეოთხეა – Domino’s პიცერიები (7,4 მლრდ დოლარი), ხუთეულს ხურავს Subway (7,1 მლრდ დოლარი). ტოპ-ათეულში ერთადერთი არაამერიკული ბრენდი იყო კანადური Tim Hortons. ის მეშვიდე ადგილზე იმყოფება 1 მილიარდი დოლარით.
რეიტინგში ყველაზე დიდი ნახტომი ჰქონდა ამერიკული კვების ბრენდს Texas Roadhouse-ს რომლის ბრენდის ღირებულება ერთდროულად 56%-ით გაიზარდა, 2.3 მილიარდ დოლარამდე. ახლა ქსელს დაახლოებით 700 დაწესებულება აქვს, ხოლო უახლოეს წლებში გაფართოებას ის 900-მდე გეგმავს.
