მედია ჰოლდინგ “ბიზნეს მედია მენეჯმენტისა” და მასზე დაქვემდებარებული წარმატებული ქართული ბიზნესის ასოციაცის ინიციატივით, ქართული ბიზნესის ხელშეწყობის მიზნით ახალი, უნიკალური პლატფორმა შეიქმნა, რომლის ანალოგი ქართულ ბაზარზე არ არსებობს.
Salenews.ge ერთ სივრცეში აერთიანებს ყველა სახის პროდუქციას, რომლის შეძენას მომხმარებლები ჩვეულებრივზე დაბალ ფასად შეძლებენ. Salenews-ის უნიკალურობას ხაზს უსვამს პროდუქციის მრავალფეროვნება და კომფორტული გარემო, სადაც მომხმარებელი შეძლებს სხვადასხვა ტიპის პროდუქციის ერთ სივრცეში შეძენას.
Salenews-ზე პროდუქციის განთავსების მხოლოდ ასოციაციის პარტნიორ კომპანიებს შეეძლება. საჭიროების შემთხვევაში Salenews-ის გუნდი მზად არის დაგეხმაროთ პროდუქციისთვის ფოტო/ვიდეო გადაღებაში და პროფესიონალური კადრებით გაზარდოს გაყიდვების სისწრაფე და რაოდენობა. გარდა ამისა, ასოციაცია ხელს შეუწყობს პროდუქციის შესახებ ინფორმაციის გავრცელებას და საკუთარ სოციალურ პლატფორმებზე გადაზიარებას, რაც გაზრდის ცნობადობას, როგორც მომხმარებლებში, ისე სხვადასხვა კომპანიის წარმომადგენლებს შორის, რაც ხელს შეუწყობს სამომავლო თანამშრომლობას.
მომხმარებლების კომფორტისთვის პლატფორმა იქნება მარტივი და გასაგები, რათა სახლიდან გაუსვლელად, სწრაფად და იაფად მიიღონ ნებისმიერი სახის პროდუქტი. მითითებული იქნება თითოეული პროდუქციის ფასი და რაოდენობა. სასურველი ნივთის შერჩევის შემთხვევაში გადახდა ხდება Visa/Mastercard-ის საშუალებით და შესაძლებელი იქნება განვადებით სარგებლობაც. ნივთის ჩაბარება კი შეძენიდან 3-5 სამუშაო დღის განმავლობაში მოხდება.
