სურნელი, დახვეწილობა, სილამაზე, საჭიროება, ამ შტრიხების ერთობლიობა ქმნის ELMA-ს პროდუქტებს და ხდის მას განსაკუთრებულს. თითოეული პროდუქტის შექმნა შემოქმედებითი პროცესი და კომპანიის გუნდის დაუღალავი შრომის შედეგია.
Geobusinessnews გაგაცნობთ მაკოს, “ELMA”-ს დამფუძნებელს, რომელსაც იდეა ეწარმოებინა სურნელოვანი და ფერადი საპნები 2020 წელს გაუჩნდა.
ყველაფერი დაიწყო კითხვით: რა სჭირდება ნებისმიერ ადამიანს ყოველდღიურ ცხოვრებაში? რა არის ის, რაც ნებისმიერი ადამიანისთვის არის ხელმისაწვდომი? რა შეიძლება იყოს ის, რაც შენს ბუნებრივობას გაუსვამს ხაზს?
საპონი ჩვენი ყოველდღიური ცხოვრების განუყოფელი ნაწილია, ხოლო საპნის წარმოება იმდენად ფართო სფეროა, რომ ნებისმიერი ადამიანის გემოვნებას შეიძლება მოარგო.
პანდემიის პირობებში ყველა ადამიანმა დაუსვა ერთი კითხვა საკუთარ თავს. რა შემიძლია გავაკეთო პანდემიის პირობებში, რომ არ გავჩერდე და თან გავაკეთო რაიმე სასარგებლო საზოგადოებისთვის. როგორც მაკო იხსენებს, მისი ინსპირაციაც სწორედ ეს იყო.
„გავაკეთე ჩემი მიდგომის, აზროვნების და მიზნის რესტარტი. რამაც საკუთარი მიზანი და საჭიროება დამანახა. ყველაზე დიდი ბარიერი რაც გადავლახე იყო თავის დამკვიდრება საკმაოდ კონკურენტულ გარემოში. ნდობის მოპოვება ძალიან რთულია, თუმცა თავდაუზოგავი შრომით კომპანია ELMA-მ შეძლო ამ წინაღობის დაძლევა. ყველაზე დიდი მარკეტინგული გათვლა, რაც გავაკეთე იყო ის, რომ მოვიძიე დაფინანსების წყარო და გავაკეთე ელმა-ს რებრენდინგი. მოკლე დროში შევქმენი პროდუქტის ისეთი ვიზუალი, რომელიც არ ჩამოუვარდება მსოფლიო კოსმეტიკურ ბაზარზე არსებულ წარმატებულ და აღიარებულ ბრენდებს.“
პროდუქტებმა თავიდანვე დაიმსახურა დიდი ინტერესი და მოწონება საზოგადოებაში, რამაც მაკოს სტიმული მისცა გაეზარდა წარმოება ქალისა და მამაკაცის ხაზზე :
„საქართველოში დიდი კონკურენციაა ქალის თავის მოვლის საშუალებებზე, თუმცა მინდა ავღნიშნო, რომ ELMA-ს მამაკაცის ხაზი ერთ-ერთი უკონკურენტოა და მომხმარებელზე 100%-ით არის მორგებული.
ამ ეტაპზე კომპანია ELMA აწარმოებს ქალისა და მამაკაცის ხაზის მიმართულებით 100-მდე დასახელების პროდუქტს. გვაქვს რამოდენიმე ხაზი როგორიც არის:სახის მოვლა, თმის მოვლა, ტანის მოვლა, მამაკაცის წვერის მოვლა, 100%-ით ნატურალური აქსესუარები, სასაჩუქრე ბოქსები და სხვა. ჩვენთან მომხმარებელს შეუძლია საკუთარი გემოვნებით შექმნას სასურველი სასაჩუქრე ნაკრები, ვცდილობთ ვიყოთ ახლოს მომხმარებელთან და გავითვალისწინოთ მათი სურვილები, ეს ქმნის წარმატების გარანტიას მომსახურების ყველა სფეროში. ასევე გვაქვს სპეციალური შეთავაზებები კომპანიებისთვის, რაც კორპორატიულ შეკვეთებს გულისხმობს. ცალკეული პროდუქციის ფასი მერყეობს 3-დან 40-50 ლარამდე, ნაკრებების ფასი 50-დან 250 ლარამდე და მეტი. გაიზარდა ცნობადობა, ნდობა და ინტერესი მომხმარებლის მხრიდან. ამ ეტაპზე პროდუქტები მომხმარებლისთვის ხელმისაწვდომია, როგორც სოციალურ ქსელში (FACEBOOK, INSTAGRAM, TikTok) ასევე რამოდენიმე სააფთიაქო ქსელში, ესთტიკურ ცენტრში და აუზებზე (ფარმაგიდის აფთიაქებში, Viva Aesthetic’s, ოლიმპიური აუზი ) გვაქვს მიმდინარე მოლაპარაკება რამოდენიმე კომპანიასთან. ჩემს სტიმულს წარმოადგენენ სწორედ ის კმაყოფილი მომხმარებლები, რომლებიც უკვე შემოუერთდნენ ჩვენს რიგებს და გახდნენ ჩვენი პროდუქტის აქტიური და ერთგული მომხმარებლები.“
მისი თქმით, კომპანია სამომავლოდ შოურიმის გახსნას გეგმავს, რათა მომხმარებლებთან მაქსიმალური სიახლოვე შეძლოს. კომპანია გეგმავს სხვადასხვა კომპანიებთან თანამშრომლობას, რათა მოხდეს დამატებითი ფინანსების მოძიება.
„ELMA” აქტიურად არის ჩართული ქვეყანაში მიმდინარე თითქმის ყველა აქტივობაში, როგორც არის ქალი მეწარმეების ხელშეწყობის პროექტი, მიზნესის მხარდაჭერის პროექტები, სემინარები, ცოდნის ამაღლების კურსები (გაყიდვების, მენეჯმენტის, მომსახურების, სოც. მედიის კუთხით და სხვა). კომპანია გეგმავს საქართველოში თავის დამკვირდების შემდეგ საერთაშორისო ასპარეზზეც გავიდეს.
