ფრაქციული მეზოთერაპია -კოლაგენის მაინდუცირებელი თერაპიაა,კლინიკურად დამტკიცებული კანის 
ნაკლოვანებების და ესთეტიკური პრობლემების გადაჭრის ერთ-ერთი მეთოდი, რომელიც პროფესიონალურ კოსმეტიკას და ესთეტიკას აერთიანებს.
ეს არის მეთოდი, რომელიც კლასიკური მეზოპროცედურების ტექნიკას და მიკრონემსური თერაპიის შესაძლებლობებს ითავსებს.
ესთეტიკური მედიცინის ევროპული ცენტრის ექიმი კოსმეტოლოგი, ინექციური კოსმეტოლოგიისა და ლაზეროთერაპიის მოდულის ტრენერი მაია ესელიძე Geobusinessnews-ge-სთან ფრაქციული მეზოთერაპიის პროცედურაზე და მის ჩვენებებზე საუბრობს.
„პროცედურა ტარდება მრავალი მიკროინექციით, რომლის დროსაც მანძილი ნემსებს შორის შესაძლებელს ხდის ზემოქმედება მოახდინოს ერთმანეთისგან თანაბრად დაშორებულ მიკროზონებზე (ფრაქციონობის პრინციპი). პროცედურა ტარდება მეზოპენ აპარატების საშუალებით სახისა და სხეულის ნებისმიერ ზონაზე და გამოიყენება სტერილური ერთჯერადი კატრიჯები, რაც გამორიცხავს ინფიცირების შესაძლებლობას. გარდა კანზე ტრავმატიული ზემოქმედებისა და კანის მოცემული სიღრმის მრავალჯერ დაჩხვლეტისა, ფრაქციული თერაპიით უშუალოდ
კანის ფენაში ხდება აქტიური ინგრედიენტების შეყვანა, რათა მოხდეს რეგენერაციული პროცესების სტიმულაცია.
ფრაქციული მეზოთერაპიის ჩატარების ჩვენებებია:ლაქები, პოსტაკნე ,ნაწიბურების მკურნალობა, პიგმენტაციის აღმოფხვრა, ცელულიტის მკურნალობა, კანის სტრუქტურის გაუმჯობესება, ფერის გაჯანსაღება, წვრილი ნაოჭების კორექცია, ოვალის დეფორმაცია,გადიდებული ფორები, თმის ცვენის შეჩერება, ჭაღარის პრევენცია, თმის ნელი ზრდა, ქერტლი და თმის სტრუქტურის გაჯანსაღება, ვიღებთ რემოდელირებულ დერმას და გაუმჯობესებულ კანის ზედაპირს“ – მაია ესელიძე
ფრაქციული მეზოთერაპია შესაძლებელს ხდის მიიზიდოს დერმაში აუცილებელი მეზოთერაპევტული კომპონენტები კანისთვის ჯანმრთელი და გამაახალგაზრდავებელი პრეპარატების მიწოდებების გზით და უზრუნველყოს ადრეული 
სიბერის შეფერხება. წვრილი ნემსების დახმარებით ხდება კანის სიღრმისეული მკურნალობა და ყველა აუცილებელი ინგრედიენტებით პრობლემური მიზეზების მიზანდასახულად აღმოფხვრა.
