კულტურული ტურიზმის, საქართველოსა და ქართული ადათ-წესების პოპულარიზაციის მიზნით მაკა ტატულაშვილმა ტურისტული კომპანია – Travel through Georgian culture / მოგზაურობა ქართულ კულტურაში – გახსნა.
„საქართველო არის აღმოსავლეთისა და დასავლეთის კულტურებიის შეხვედრის ადგილი ,
უდიდესი იმპერიების ზეგავლენის მიუხედავად საქართველო ინარჩუნებს თავის იდენტობას ,
ქმნის მსოფლიო მნიშვნელობის უნიკალურ კულტურის საგანძურს .
ეს ნათლად არის ასახული უწყვეტი ტრადიციებში ფოლკლორსა და ეთნოკულტურაში კულინარიასა და სხვა ტრადიციებში … სწორედ ამ ყველაფრის პოპულარიზაციის მიზნით გადავწყვიტე გამეკეთებინა ტურისტული კომპანია, რომელიც მთელ მსოფლიოს გააცნობდა საქართველოს. „ – განაცხადა Geobusinessnews-თან საუბრის დროს მაკა ტატულაშვილმა.
როგორც უკვე აღვნიშნეთ, კომპანიის მთავარი მიზანია ქართული მატერიალური და არამატერიალური კულტურის პოპულარიზაცია.
ტურების ფარგლებში იგეგმება არაერთი საერთაშორისო ფესტივალი, საერთაშორისო სამეცნიერო კონფერენცია ეთნოლოგიის მიმართულებით, ადგილობრივი და უცხოელი საშემსრულებლო ხელოვნების ერთობლივი კონცერტები, კონკურს-ფესტივალები, მუზეუმების დათვალიერება, შემეცნებითი ეთნო ტურები და სხვა მრავალი ღონისძიება.
ტურისტული კომპანია სხვა კომპანიებისგან გამოირჩევა იმითაც, რომ Travel through Georgian culture-ის ფარგლებში გაცვლითი პროგრამებიც იგეგმება, რაც გამოიწვევს ქალაქებს შორის დაახლოვებას, ერთმანეთის ცოდნისა და გამოცდილების გაზიარებას, მასტერკლასებს სხვადასხვა მიმართულებით და კულინაირიის პოპულარიზაციას.
სტატიის ავტორი : მარიამ დარბაიძე
