ქართული ჩაის მწარმოებელი კომპანია “ოკრიბა” 2019 წელს იმერეთში დაარსდა. “ბუეთი”, ასე ჰქვია “ოკრიბას” მაღალი ხარისხის სერტიფიცირებულ ჩაის. კომპანიამ 50-ზე მეტი ჰა ფართობზე ჩის პლანტაციების რეაბილიტაცია დაიწყო. უკვე 1 წელიწადში ჩის მოსავალმა 14 ტონას მიაღწია. 2 წელიწადში უკვე ჩაისა და ხილის გადამამუშვებელი საწარმო ააშენეს.
კომპანიამ დონორთა დახმარებით ოზონის გენერატორის მქონე ბარბოტაჟული ტიპის სარეცხი მანქანა, ხილის საჭრელი და შემფუთავი დანადგარი და სხვა აღჭურვილობა შეიძინა. ამის შედეგად, “ოკრიბამ” ჩირების წარმოება დაიწყო. კომპანია აწარმოებს ვაშლის, ქლიავის, მსხლის და დასავლეთ საქართველოში მოყვანილი სხვა გემრიელი ხილის ჩირებს.
კომპანიაში სეზონურად 100-ზე მეტი არადიანი საქმდება, ისინი წელიწადში დაახლოებით 6 ტონა ჩაის კრეფენ. საწარმოს ძირითადი სამუშაო ბირთვი 10 ადამიანისგან შედგება. უფრო მეტი წარმოებისა და გაზრდილი მოთხოვნის შედეგად მოსალოდნელია რომ მომავალში დასაქმებულთა რაოდენობაც გაიზრდება.
“ბუეთი” ქართულ ბაზარზე უკვე საკმაოდ ცნობილი პროდუქტია, მას მომხმარებელს სხვადასხვა ფორმით სთავაზობენ: დასაყენებელი ჩაისა და ჩაის პაკეტებით დაწყებული და ბიოდეგრადირებადი მასალებისგან დამზადებულ პირამიდის ფორმის ჩაის პაკეტებით დამთავრებული. საწარმომ კონტრაქტი დადო გერმანულ კომპანიასთან, რომლის ფარგლებშიც ქართული სერტიფიცირებული ჩაის გატანა ფრანგულ და ნიდერლანდურ ბაზრებზე უნდა მოხდეს.
