სამხრეთ კორეაში სოციალიზაციის მიზნით მთავრობა იმ ახალგაზრდებისთვის,რომლებიც იზოლირებული ცხოვრობის წესს მისდევენ და სახლებს არ ტოვებენ, მხარდაჭერის პროგრამას იწყებს, რომლის ფარგლებშიც ყოველთვიურად 650 000 ვონს, ანუ 500 დოლარს გადაუხდის. ყოველთვიური შემწეობა 9-დან 24 წლამდე ახალგაზრდებსა და მოზარდებს მიეცემათ, რომლებიც სხვებთან ურთიერთობისას სერიოზულ დისკომფორტს განიცდიან.ინფორმაციას ამის შესახებ გამოცემა FirstPost ავრცელებს.
ეს არის სოციალიზაციის პროგრამის ნაწილი მათთვის, ვისაც იაპონურ ტერმინს, „ჰიკიკომორს“ უწოდებენ. ჰიკიკომორი არის ადამიანი, რომელიც საზოგადოებისგან იზოლაციას ნებაყოფლობით ირჩევს. პროგრამის მიზანია, მოზარდებსა და ახალგაზრდებს სასწავლებელში ან სამსახურში, ასევე, კულტურულ დაწესებულებებში სიარული გაუადვილოს.
მიღებულ ზომებთან დაკავშირებით მთავრობის მიერ გამოქვეყნებულ დოკუმენტებში წერია, რომ განმარტოებით მცხოვრები ახალგაზრდების 40%-მა თვითიზოლაცია მოზარდობისას აირჩია და ბევრი მათგანი ღარიბი ოჯახიდანაა.
