დღის სიახლეებიტექნოლოგიებიუცხოური ბიზნეს სიახლეები

Facebook-სა და Instagram-ზე ვერიფიკაციის ნიშნის ყიდვის ფუნქცია ამოქმედდება

0
გაზიარება

კორპორაცია Meta მის სოციალურ ქსელებში Facebook და Instagram ფასიანი ვერიფიკაციის ფუნქციის ტესტირებას დაიწყებს. ამის შესახებ The Verge-ი Meta-ს ხელმძღვანელის, მარკ ცუკერბერგის განცხადებაზე დაყრდნობით წერს.

„ამ კვირაში Meta Verified-ის დანერგვას ვიწყებთ – ეს სერვისი შესაძლებლობას მოგცემთ დაადასტუროთ თქვენი ანგარიში პირადობის დამადასტურებელი მოწმობით, მიიღოთ ლურჯი ნიშანი და დამატებით დაცვა იმ ანგარიშებისგან, რომლებიც ცდილობენ თავი თქვენად გაასაღონ“, – დაწერა ცუკერბერგმა Instagram-ზე.

ფასიანი ვერიფიკაცია 18 წელზე უფროსი მომხმარებლებისთვის იქნება ხელმისაწვდომი. მისი ღირებულება ვებგვერდზე შეძენის შემთხვევაში თვეში 11,99 დოლარი იქნება, აპლიკაციის მეშვეობით შეძენისას კი 14,99 დოლარი. ამ კვირაში ფუნქცია ავსტრალიასა და ახალ ზელანდიაში ამოქმედდება, შემდეგ კი სხვა ქვეყნებში.

Meta Verified იმ ფასიან ვერიფიკაციას ჰგავს, რომელიც 2022 წლის ნოემბერში Twitter-ზე გაჩნდა, მას შემდეგ რაც სოციალური ქსელი ილონ მასკმა იყიდა. Twitter-ზე ვერიფიკაციის ნიშანი 8 დოლარი ღირდა, თუმცა კომპანიამ გაყიდვები მალევე შეაჩერა, რადგან მათი ყიდვა ფეიკ-ანგარიშების მფლობელებმა დაიწყეს. დეკემბერში ფუნქცია ხელახლა ამუშავდა.

The Verge- წერს, რომ Meta-ს მიდგომა უფრო სერიოზულად გამოიყურება, რადგან კორპორაცია მომხმარებლებს ანგარიშის დასადასტურებლად საბუთებს მოსთხოვს (Twitter-ზე ამისთვის მხოლოდ ტელეფონის ნომერი იყო საჭირო) და ფეიკ-ანგარიშებისგან დაცვის დამატებით ზომებს შესთავაზებს.

მსგავსი სიახლეები

სახელმწიფოს საგარეო ვალი 8,751 მლრდ დოლარამდე გაიზარდა

2024 წლის თებერვლის მდგომარეობით საქართველოს სახელმწიფო საგარეო ვალმა 8,751 მლრდ დოლარს, დღევანდელი კურსით 23,283 მლრდ ლარს გადააჭარბა. ეს კი 486,681 მილიონი დოლარით მეტია წინა წლის ანალოგიურ პერიოდთან შედარებით. საქართველოს…

600-ლარამდე ხელფასის მიმღებ პირთა რაოდენობა შემცირდა

2023 წელს საქართველოში შრომითი ბაზრის ეფექტურობა გაიზარდა, უმუშევრობა კი შემცირდა. აღსანიშნავია ისიც, რომ 2023 წლის მეოთხე კვარტალში, 2022 წლის ანალოგიურ მაჩვენებელთან შედარებით, სამუშაო ძალა 4.3%-ით გაიზარდა - ინფორმაცია…

ადგილობრივი ექსპორტი 25,1%-ით შემცირდა

2024 წლის იანვარ-თებერვალში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 803.3 მლნ. აშშ დოლარი შეადგინა, რაც 12.2 პროცენტით ნაკლებია გასული წლის შესაბამის მაჩვენებელზე.…

საქართველოში დასაქმებულთა ხელფასი 271 ლარით გაიზარდა და 2 044.5 ლარი შეადგინა

საქსტატის ანგარიშის მიხედვით საქართველოში 2023 წლის IV კვარტალში საშუალო თვიური ნომინალური ხელფასი გასული წლის შესაბამის პერიოდთან შედარებით 15.3 პროცენტით (270.9 ლარით) გაიზარდა და 2 044.5 ლარი შეადგინა საქმიანობის სახეების…

ქართული დაფნისა და სუნელების ექსპორტი ისტორიულ მაქსიმუმზეა

სტატისტიკის ეროვნული სამსახურის მონაცემებით, გასულ წელს ქვეყნიდან 6 260 ტონა (18,367 მლნ აშშ დოლარის) ადგილობრივი წარმოების პროდუქცია გავიდა, რაც გასულ წლებში ყველაზე მაღალი მაჩვენებელია. გასულ წელს ექსპორტირებული 6 260 ტონა…

მეტის ჩატვირთვა იტვირთება...პოსტები აღარ მოიძებნა
error: Content is protected !!