ეკონომიკადღის სიახლეებისაინტერესო სიახლეებისიახლეებიფინანსები

FedEx, Boeing, Alibaba, Moderna – ბირჟებზე საუკეთესო შედეგების მქონე კომპანიები გასულ 24 საათში

0
გაზიარება

ფედერალური რეზერვის გადაწყვეტილების მოლოდინში, ამერიკულ საფონდო ბირჟებზე გაურკვევლობის მაღალი დონე ნარჩუნდება – ბაზრის ძირითადი ტენდენცია ისევ დაღმასვლისკენაა მიმართული, თუმცა შედარებით მსუბუქი ფორმებით: აშშ-ის 500 უმსხვილესი კომპანიის აქციების ღირებულება (S&P 500), დაახლოებით, 0.4%-ით შემცირდა; 0.5%-ით დაეცა Dow Jones-ის ინდექსის ღირებულება, ხოლო Nasdaq-ის ტექნოლოგიური ინდექსის ღირებულება უმნიშვნელოდ, 0.18%-ითაა გაზრდილი.

გასულ 24 საათში საუკეთესო შედეგი გლობალურ ლოგისტიკურ კომპანია FedEx-ს ჰქონდა, მისი აქციების ღირებულება 14.4%-ით გაიზარდა, რაც კომპანიის მენეჯმენტში დაანონსებული ცვლილებებითა და დივიდენდის განაკვეთის ზრდითაა განპირობებული.

ზრდის განსაკუთრებით ძლიერი ტენდენცია დაფიქსირდა ჩინურ ტექნოლოგიურ კომპანიებთან მიმართებით – Pinduoduo-ს აქციები თითქმის 12%-ით გაიზარდა; 6.8%-ით მოიმატა Baidu-ს საბაზრო კაპიტალიზაციამ; JD.Com-ის აქციების ფასი 6.1%-ითაა გაზრდილი, ხოლო უმსხვილესი ჩინური კომპანიის Alibaba-ს საბაზრო ღირებულება 4.4%-ითაა გაზრდილი.

ტექნოლოგიური კომპანიებიდან გამორჩეული შედეგი ჰქონდა Oracle-ს, რომლის აქციების ღირებულება 24 საათში 10.4%-ით გაიზარდა, რაც დამაკმაყოფილებელი ფინანსური ანგარიშის გასაჯაროებასთანაა დაკავშირებული.

5.4%-ით გაიზარდა Boeing-ის აქციების ღირებულება, რაც კომპანიის საწარმოო შესაძლებლობების მნიშვნელოვან ზრდითაა განპირობებული. გასულ თვეს კომპანიამ 35 თვითმფრინავის წარმოება შეძლო, მათ შორის, 737 MAX-ის, 777-ისა და 747-ების, საერთო ჯამში, წელს Boeing-მა 165 თვითმფრინავის მშენებლობის წარმატებით დასრულება შეძლო, რაც მნიშვნელოვნად აჭარბებს ანალიტიკოსების მოლოდინებს.

გასული 24 საათი წარმატებით დასრულდა შემდეგი მსხვილი ამერიკული კომპანიებისთვისაც: CF Industries (+7.9%); CH Robinson (+6.1%); Las Vegas (+5.5%); Monolithic Power (+4.5%); Monster Beverage (+4.3%); Moderna (+3.8%).

აღსანიშნავია, რომ მიმდინარე კვირა ინვესტორთათვის განსაკუთრებით საინტერესოა, რადგან აშშ-ის ფედერალურმა რეზერვმა მონეტარული პოლიტიკის გამკაცრების შესახებ გადაწყვეტილება უნდა მიიღოს. მოსალოდნელია, რომ FED-მა რეფინანსირების განაკვეთი 75 საბაზო პუნქტით გაზარდოს, თუმცა ინვესტორთა ნაწილი არ გამორიცხავს, რომ გამკაცრების მაჩვენებელმა 100 საბაზო პუნქტს ანუ 1%-ს მიაღწიოს.

მსგავსი სიახლეები

საქართველოს ნაკრების შემადგენლობა ევრო 2024-ის მოსამზადებელ ეტაპზე

 საქართველოს ეროვნული ნაკრების მთავარმა მწვრთნელმა, ვილი სანიოლმა, დაასახელა საქართველოს ნაკრების შემადგენლობა ევრო 2024-ის მოსამზადებელ ეტაპზე: მეკარეები: გიორგი მამარდაშვილი, გიორგი ლორია, ლუკა გუგეშაშვილი მცველები:…

ზაფხულის სეზონზე საქართველოსა და ევროპის ქვეყნებს შორის 2 500-მდე ავიარეისი შესრულდება

საქართველოს სამოქალაქო ავიაციის სააგენტოს მიერ დამტკიცებული განრიგების შესაბამისად, 2024 წლის ზაფხულის აქტიურ სანავიგაციო სეზონზე 13 600 ავიარეისის შესრულებაა დაგეგმილია. აქედან საქართველოდან ევროპაში და პირიქით…

აპრილში ჩინური მანქანების იმპორტი 380%-ით გაიზარდა

სტატისტიკის ეროვნული სამსახურის მონაცემებით, 2024 წელს აპრილში ჩინეთიდან 283 ერთეული (3,197 მლნ აშშ დოლარი), ავტომობილი შემოვიდა, 2023 წლის იგივე თვეში მხოლოდ 59 (1,639 მლნ აშშ დოლარი). 2024 წლის იანვარ-აპრილში წინა წლის…

FDA-მ ილონ მასკის სტარტაპს Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა

Wall Street Journal-ის ცნობით, კომპანია იმპლანტის ძაფებს წინასთან შედარებით უფრო ღრმად ჩააყენებს ტვინში. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება,  პირველი პაციენტის შემთხვევაში ეს…

2023 წლის საანგარიშო პერიოდში სამუშაო ადგილზე გარდაიცვალა 34 და დაშავდა 347 დასაქმებული

შრომის ინსპექციის სამსახურის მიერ გამოქვეყნებულ 2023 წლის საქმიანობის ანგარიშის მიხედვით, სამუშაო სივრცეში მომხდარი უბედური შემთხვევის შედეგად გარდაცვლილი 34 პირიდან ყველა კაცია, ხოლო დაშავებულთაგან 100 ქალი და 247 კაცი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!