დღის სიახლეებისიახლეები

Forbes-ის კვლევის თანახმად, ახალი წლის შესახვედრად ევროპაში 10 საუკეთესო ადგილს შორის, მე-5 ადგილს საქართველო იკავებს

0
გაზიარება

პროფესიული მოგზაურობის ორგანიზაცია, European Best Destinations კვლევის თანახმად, თბილისი ახალი წლის გასატარებელ 10 საუკეთესო ქალაქს შორის მოხვდა და ის მე-5 ადგილს იკავებს.

„თბილისი, შეიძლება ითქვას, რომ ახალი წლის შესახვედრად თავისი ფასებით, ყველაზე ორიგინალური არჩევანია. თბილისი, ლონდონსა და პარიზზე ხუთჯერ უფრო იაფია. ხუთვარსკვლავიან სასტუმროში იმავე ფასად შეგიძლია დარჩენა, რამდენიც ბერლინში სამვარსკვლავიანი სასტუმრო ღირს. აღსანიშნავია, უსაფრთხოებაც. თბილისი, კრიმინალის ძალიან დაბალი დონით გამოირჩევა. ასევე, ბრიტანელი და ამერიკელი ტურისტებისთვის იქ მოხვედრა მარტივია (ვიზის აღება საჭირო არ არის). ეს ადგილი ასევე არაჩვეულებრივია საკვებისა და ღვინის მოყვარულებისთვის. ხოლო, თბილი საშობაო და საახალწლო დეკორაციები იანვრის შუა რიცხვებამდეა მორთული. გარდა ამისა, ბევრი კონცერტი იმართება. თბილისის საახალწლო სოფელი და მორთულობა ერთ-ერთი საუკეთესოა ევროპაში“, – აღნიშნულია სტატიაში.

რაც შეეხება პირველ ადგილს, სტატიაში მას პორტუგალიის კუნძული, მადეირა იკავებს და აღნიშნულია, რომ ეს არის საუკეთესო ადგილი, საახალწლო ფოიერვერკის სანახავად, რომელიც ფუნჩალის ყურეში (ყველაზე დიდი და მდიდრული ევროპაში) იმართება.

რეიტინგის ათულში მოხვდნენ ისეთი ქალაქები, როგორიცაა მარბელა (ესპანეთი), ლონდონი (ინგლისი), ლისაბონი (პორტუგალია), პრაღა (ჩეხეთი), იბიცა (ესპანეთი), სან მიგელი (აზორენი), ედინბურგი (შოტლანდია) და პორტო (პორტუგალია).

კვლევის ფარგლებში, ჯამში 112 ქვეყნის, 11 963 მოგზაური გამოკითხა.

მსგავსი სიახლეები

ხელოვნური ინტელექტი სმარტფონებში

ხელოვნური ინტელექტის სმარტფონები -  სმარტფონებისა და მობილური ტელეფონების მწარმოებლები უკვე აქტიურად მუშაობენ ხელოვნური ინტელექტის ტექნოლოგიის ტელეფონებში დანერგვაზე. OpenAI-ის ChatGPT, რომელიც 2022 წლის ბოლოს გამოვიდა,…

საყოველთაო ჯანდაცვის სისტემა საქართველოს მოსახლეობის 94.7 %-ს მოიცავს

ჯანმრთელობის ეროვნული სააგენტოს მიერ 2023 წლის ანგარიშის მიხედვით, საყოველთაო ჯანდაცვის სისტემით მოცულია საქართველოს მოსახლეობის 94. 7 % . 1.3 მლრდ ლარით დაფინანსდა მილიონამდე ადამიანი და 2 823 000 სამედიცინო შემთხვევა.…

გონიოში მართვის მოწმობის საგამოცდო ცენტრის მოწყობა იგეგმება

აჭარაში, გონიოში მართვის მოწმობის საგამოცდო ცენტრის მოწყობა იგეგმება - შინაგან საქმეთა სამინისტროს მომსახურების სააგენტომ სახელმწიფო შესყიდვების გვერდზე ტენდერი გამოაცხადა. ტენდერის პირობებიდან ირკვევა, რომ დაინტერესებულმა…

საბერძნეთში ქართული პროდუქციის ექსპორტი 1341%-ით გაიზარდა

სტატისტიკის ეროვნული სამსახურის მონაცემების მიხედვით, საქართველოს ადგილობრივი ექსპორტი საბერძნეთთან 2024 წლის იანვარში 1341%-ით გაიზარდა. აღნიშნულ პერიოდში საბერძნეთში 5.1 მილიონი აშშ დოლარის ღირებულების ადგილობრივი წარმოების…

მეტის ჩატვირთვა იტვირთება...პოსტები აღარ მოიძებნა
error: Content is protected !!