RSS კატეგორიაეკონომიკაფინანსები

ღია ბიუჯეტის ინდექსში საქართველო მსოფლიოს ლიდერი ქვეყანა გახდა

0
გაზიარება

საქართველოს მორიგი წარმატება – ბიუჯეტის საერთაშორისო პარტნიორობის (International Budget Partnership) მიერ გამოქვეყნებული ბიუჯეტის გამჭვირვალობის 2021 კვლევის (Open Budget Survey – 2021) შედეგების მიხედვით, საქართველომ მსოფლიოს 120 ქვეყანას შორის პირველი ადგილი დაიკავა, – ამის შესახებ ინფორმაციას ფინანსთა სამინისტრო ავრცელებს.

როგორც უწყებაში აღნიშნავენ, ბიუჯეტის გამჭვირვალობის კვლევის ბოლო ორი შეფასებით – 2017 და 2019 წლებში საქართველო მე-5 ადგილს იკავებდა მსოფლიოს 117 ქვეყანას შორის სრულიად გამჭვირვალე ქვეყნების ჯგუფში.

„2021 წლის აღნიშნული მაჩვენებლით, საქართველოში მიმდინარე საჯარო ფინანსების მართვის რეფორმამ კიდევ ერთხელ მოიპოვა საერთაშორისო აღიარება და დადასტურდა ბოლო ათწლეულის მანძილზე გატარებული ღონისძიებების შედეგები.

საქართველოს მიერ, 2021 წლის შედეგებით მიღწეული წარმატება საჯარო ფინანსების მართვის რეფორმის ფარგლებში გატარებული ღონისძიებების შედეგია, მათ შორის, საშუალოვადიანი დაგეგმვის გაუმჯობესება, პროგრამული ბიუჯეტის დანერგვა, ანგარიშგების ყოვლისმომცველობის გაზრდა, საჯარო ფინანსების მართვის ელექტრონული სისტემების დანერგვა და გაუმჯობესება, საბიუჯეტო დოკუმენტაციის გამოქვეყნება და საჯაროობა, მოქალაქის გზამკვლევების მომზადება, მოქალაქეთა ჩართულობის მექანიზმების შემუშავება და სხვა. აღნიშნული კვლევა და ღია ბიუჯეტის ინდექსის დადგენა 2 წელიწადში ერთხელ ხორციელდება საერთაშორისო საბიუჯეტო პარტნიორობის ორგანიზებით.

გასათვალისწინებელია, რომ კვლევა ითვალისწინებს ერთი და იგივე მეთოდოლოგიით მსოფლიოს ყველა ქვეყნის ბიუჯეტის გამჭვირვალობის შეფასებას. ხორციელდება, როგორც თითოეული ქვეყნის, ასევე, მსოფლიო მასშტაბით საშუალო ქულის გამოთვლა, რაც საშუალებას აძლევს ქვეყნებს, შეაფასონ მათი პროგრესი, როგორც სხვა ქვეყნებთან, ისე გლობალურ საშუალო მაჩვენებელთან მიმართებით, ასევე, დაინახონ განვითარების დინამიკა წინა კვლევებთან შედარებით.

მნიშვნელოვანია აღინიშნოს, რომ კვლევა არ ხორციელდება მთავრობის მიერ თვითშეფასების გზით და კითხვარს ავსებენ ამ მიზნით დამოუკიდებლად შერჩეული არასამთავრობო ორგანიზაციები. შესაბამისად, შედეგები დამოკიდებულია ქვეყანაში არსებული სამოქალაქო საზოგადოების, დამოუკიდებელი ექსპერტების მიერ მოწოდებულ ინფორმაციაზე.

კვლევა შეისწავლის მთავრობის მიერ საჯარო ფინანსების მართვის სისტემას:

• ბიუჯეტის გამჭვირვალობის;

• საბიუჯეტო პროცესში მხარეთა ჩართულობის;

• ბიუჯეტის მართვაზე ზედამხედველობის მიმართულებით.

კვლევა პირველად 2006 წელს გამოქვეყნდა და საქართველო 34 ქულით, მხოლოდ 30-ე ადგილს იკავებდა (განახლებული მეთოდოლოგიით) და მხოლოდ მინიმალურად გამჭვირვალე ქვეყნების რიგში იყო. შემდგომი კვლევების შედეგებში, ქულები და პოზიციები ეტაპობრივად უმჯობესდებოდა და საქართველო შეზღუდული გამჭვირვალობის მქონე ქვეყნების რიგში იდგა 2008, 2010 და 2012 წლების კვლევებით.

2015 წლის კვლევით, ქვეყანა პირველად გადავიდა მნიშვნელოვნად გამჭვირვალე ქვეყნების რიგში და 66 ქულით, მე-16 ადგილი დაიკავა მსოფლიოს 109 ქვეყანას შორის, ხოლო 2017 და 2019 წლებში მე-5 ადგილი დაიკავა სრულიად გამჭვირვალე ქვეყნების ჯგუფში.

საქართველო პარტნიორებთან ერთად კვლავ განაგრძობს მუშაობას ანგარიშგების ხარისხის გაუმჯობესებისა და მოქალაქეთა ჩართულობის მექანიზმების შემუშავების მიმართულებით და ამ მიზნით თანამშრომლობს ყველა დაინტერესებულ მხარესთან“, – აღნიშნულია გავრცელებულ ინფორმაციაში.

მსგავსი სიახლეები

საერთაშორისო ენერგეტიკულ ბირჟაზე ნავთობის ფასი მკვეთრად ეცემა

ერთ კვირაში ნავთობის ღირებულება 4%-ით შემცირდა და ამჟამად ბარელი ბრენტის ფასი 81 დოლარს შეადგენს, ამერიკული WTI-ს ფასი კი 77 დოლარის ფარგლებში მერყეობს. ერთწლიან პერიოდში ნავთობის ბირჟაზე საშუალოდ 10%-ითაა გაიაფებული.…

Coaching UP University-ში სწავლა ICF საერთაშორისო სტანდარტების შესაბამის სასწავლო პროგრამაზე დაიწყო

Coaching UP University-ში სწავლა ICF საერთაშორისო სტანდარტების შესაბამის სასწავლო პროგრამაზე - "საერთაშორისო დონის პროფესიონალი ქოუჩი" უკვე დაიწყო. პროგრამა განკუთვილია მათთვის, ვისაც ახალი პროფესიის დაუფლება სურთ…

4 ყველაზე ძვირად ღირებული პროექტი მსოფლიოში-128 მილიარდიდან 8 ტრილიონ დოლარამდე

ჩინეთი - აბრეშუმის გზის ინიციატივა (BRI): შეფასებულია 8 ტრილიონ დოლარამდე ჩინეთის მთავრობის Belt and Road ინიციატივა (BRI)- 21-ე საუკუნის საზღვაო აბრეშუმის გზა, უკვე ათწლეულია ვითარდება და 155 ქვეყანას მოიცავს. გლობალურ…

საქართველოს მოქალაქეობის მიღების ვადა შესაძლოა შემცირდეს

კანონპროექტის თანახმად, მოქალაქეობის არმქონე პირი, სხვა უცხოელებისგან განსხვავებით, საქართველოს მოქალაქეობას ჩვეულებრივი წესით მოიპოვებს საქართველოში 5 წლის განმავლობაში კანონიერად ცხოვრების შემდეგ, ნაცვლად 10 წლისა.…

სექტემბრიდან მართვის მოწმობის პრაქტიკული გამოცდა რთულდება

მართვის მოწმობის პრაქტიკული გამოცდის მეორე ეტაპზე, მგზავრობის დაწყებამდე სატრანსპორტო საშუალების ტექნიკური გამართულობის შემოწმება სავალდებულო 1-ელი სექტემბრიდან იქნება.  შესაბამისი ცვლილება შინაგან საქმეთა მინისტრის…

მეტის ჩატვირთვა იტვირთება...პოსტები აღარ მოიძებნა
error: Content is protected !!