კვებაRSS კატეგორიასტარტაპები

„გუნდა“-ს გლობალური მისია – კომპანიის გეგმა მსოფლიოში სახაჭაპურე ქსელის მოწყობაა

0
გაზიარება

ქართული სამზარეულოს განუყოფელი კერძის, ხაჭაპურის მსოფლიო დონეზე პოპულარიზაციას კომპანია „გუნდა“ გეგმავს. საწყის ეტაპზე, თბილისში, 2022 წლის ზაფხულიდან, ქსელური სახაჭაპურის პირველი ობიექტი გაიხსნება. გრძელვადიან გეგმაში, კომპანია საზღვრებს გარეთ გასვლას და მსოფლიო მეგაპოლისებში პიცერიებთან კონკურენციას აპირებს. „გუნდა“ მომხმარებლებს 25-ზე მეტი სახეობის ხაჭაპურს შესთავაზებს, ხოლო მოგვიანებით, რაოდენობა 40-მდე გაზრდის.

არტიზანული სახაჭაპურის დამფუძნებლის, ლალი პაპაშვილისა და, პროექტის ერთ-ერთი პარტნიორის, ლევან ქოქიაშვილის განცხადებით, მიუხედავად იმისა, რომ საქართველოში ხაჭაპურის მირთმევა ბევრ ადგილას შეიძლება და არც ეს სახაჭაპურე იქნება ამ მხრივ პირველი, მომხმარებლებს ინოვაციურობას ისინი მაინც პირდებიან. კერძოდ, კვების ობიექტისათვის დამახასიათებელი ადგილწარმოშობის პროდუქტის პოპულარიზაცია იქნება კომპანიის მთავარი მიზანი. ცხობისათვის გამოყენებული იქნება მხოლოდ ნატურალური, სოფლის პროდუქცია, ქართული ხორბლის ჯიშებისგან წარმოებული ფქვილი, რითაც მსოფლიო მასშტაბითაც გახდება შესაძლებელი ხაჭაპურის ნამდვილი გემოს შეცნობა.

„გუნდა“-ს ამოქმედება რამდენჯერმე, კორონავირუსული პანდემიის გამო, გადაიდო. ზაფხულში, ქსელის ფილიალი სოლოლაკში, ბესიკის ქუჩაზე გაიხსნება. რაც შეეხება ინვესტიციას, ამ ეტაპზე დამფუძნებლები არ ასახელებენ კონკრეტულ მოცულობას, თუმცა განმარტავენ სხვა საკითხებს და საუბრობენ გრძელვადიან გეგმებზე. თავდაპირველად, დასაქმდება 20-დან 25 ადამიანამდე. მოგვიანებით, დღის წესრიგში დგას ქსელის დამატებითი ფილიალების გახსნა, საქართველოს მასშტაბით სხვადასხვა რეგიონში, ქუთაისში, ბათუმში, თელავსა და მესტიაში. გეგმის შესრულებისთანავე, დაიწყება ზრუნვა საზღვარგარეთული ობიექტების გახსნაზე. მიზანი ხაჭაპურის ლიეტუვაში, ლატვიაში, ესტონეთში, იაპონიაში, ისრაელსა და აშშ-ში პოპულარიზაციაა. როგორც პროექტის ადმინისტრატორები აცხადებენ, შეერთებული შტატების შემთხვევაში, „გუნდა“ 1 წელიწადში, ნიუ-იორკში უნდა გაიხსნას, რაც მნიშვნელოვნად წაადგება ბრენდს. რაც შეეხება ათწლეულის ხედვას, გეგმაშია, პლანეტის მასშტაბით, 30-მდე ფილიალის გახსნა.

მსგავსი სიახლეები

მსოფლიოს ყველაზე ძლიერი პასპორტების რეიტინგში საქართველო რეგიონში ლიდერია

საკონსულტაციო ფირმა Henley&Partners-მა 2024 წლის მსოფლიოს ყველაზე ძლიერი პასპორტების რეიტინგი გამოაქვეყნა. რეიტინგის მიხედვით, პირველ ადგილს საფრანგეთი, გერმანია, იტალია, იაპონია, სინგაპური და ესპანეთი იყოფენ. მათი…

2026 წელს ინდოეთში აეროტაქსი ამოქმედდება

ინდური კომპანია, InterGlobe, ამერიკულ Archer Aviation-თან თანამშრომლობით, ქვეყანაში პირველი საჰაერო ტაქსის გაშვებას 2026 წელს გეგმავს. ინფორმაციას სააგენტო, PTI ავრცელებს. InterGlobe ინდოეთში ერთ-ერთ უმსხვილეს ავიაკომპანია…

ბადიში – იმფერია ძამა, კრიმანჭულს გამღერებს!

ბადიში • Badishi  გურული საოჯახო ფირმაა, რომელიც გურიაში, გურული და რაიონული ჯიშის კულტურებით, გამორჩეული გემოს მქონე გურულ სუნელებს, ტყემალს, აჯიკას და საწებელს ამზადებს. პროდუქტის რეცეპტები ბებოსგან შთამომავლობით შვილიშვილს…

Hometta Design • ჰომეტა დიზაინი – შექმენი შენთვის!

ავეჯის საწარმო Hometta Design • ჰომეტა დიზაინი 2018 წლიდან ინტერიერის შემქმნელებს, დიზაინერებსა და სივრცის მფლობელებს შთააგონებს საოცნებო, ორიგინალური ავეჯით და მათ წარმოსახვას რეალურ სივრცეში ასახავს, კომპანია მომხმარებლებს…

Business summit 2024 – საუკეთესო პლატფორმა, ინოვაციური და საინტერესო ბიზნეს პროექტების, ინიციატივებისა და პროდუქტების პოპულარიზაციისთვის

წარმატებული ქართული ბიზნესის ასოციაციის და პიარ საკონსულტაციო კომპანია Fame Consulting • ფეიმ კონსალტინგი -ს ორგანიზებით  5 ივლისს  Hotels & Preference Hualing Tbilisi წლის მთავარი ბიზნეს მოვლენა : Business Summit 2024…

მეტის ჩატვირთვა იტვირთება...პოსტები აღარ მოიძებნა
error: Content is protected !!