RSS კატეგორიაგურიარეგიონებიტურიზმი, დასვენება და გართობა

გურიაში ტურიზმის ეროვნული ადმინისტრაციის ინფო-ტური გაიმართა

0
გაზიარება

ტურიზმის ეროვნული ადმინისტრაცია ტურისტული კომპანიებისა და მედიასაშუალებებისთვის ინფო-ტურებს აგრძელებს. ადმინისტრაციისა და გერმანიის საერთაშორისო თანამშრომლობის საზოგადოების (GIZ) ორგანიზებით გურიას ტურ-ოპერატორები, ჟურნალისტები, ფოტოგრაფები და ბლოგერები ეწვივნენ, – ამის შესახებ ინფორმაციას ტურიზმის ეროვნული ადმინისტრაცია ავრცელებს.

მათივე ინფორმაციით, ტურის მონაწილეებმა სოფელ ბუკისციხეში ადგილობრივი მარანი დაათვალიერეს და ჩხაველის ჯიშის ყურძნისგან დამზადებული ღვინო დააგემოვნეს, მოინახულეს სოფელი გორაბერეჟოულში მდებარე ერისთავების ციხე-დარბაზი და ციხის გარშემო გაშენებული დენდროლოგიურ პარკს ეწვივნენ, სადაც სხვადასხვა ჯიშის იშვიათი მცენარეებია.

გრიგოლეთში ტურის მონაწილეებმა ახალი სასტუმრო „გრიგოლეთი რეზორტი“ დაათვალიერეს. 60 ნომრიანი სასტუმრო პროგრამა “აწარმოე საქართველოში” მხარდაჭერით დაფინანსდა. სასტუმრო საერთაშორისო ბრენდ Trademark Collection by Wyndham-ს ეკუთვნის.

ტურის მონაწილეებისთვის სოფელ ხიდისთავში კულინარიული მასტერკლასები გაიმართა. სოფელ ბახვში საოჯახო ბიო საწარმო დაათვალიერეს, მონაწილეობა მიიღეს ჩაის კრეფასა და დეგუსტაციაში. სოფელ ვაკიჯვარში დაათვალიერეს საკალმახე მეურნეობა და ტურისტული ბანაკი.

ტურის ფარგლებში მონაწილეებმა ოზურგეთში ექვთიმე თაყაიშვილის სახელობის მუზეუმი დაათვალიერეს, სოფელ შემოქმედში ესტუმრნენ მარანს, ასევე დაათვალიერეს შეკვეთილთან ახლოს მდებარე წვერმაღალას პარკი.

ტურის მიზანია ტურ-ოპერატორები გურიის ტურისტულად ნაკლებად ცნობილ მარშრუტებს გაეცნონ და მოგზაურებს ახალი ტურისტული ლოკაციები შესთავაზონ, აგრეთვე „ჩაის გზის“ პროექტის მხარდაჭერა და ადგილობრივი საოჯახო მარნებს პოპულარიზაცია.

ტურისტული კომპანიების წარმომადგენლები ტურ-ოპერატორები და გიდები საქართველოს ტურიზმის ეროვნული ადმინისტრაციის „Gitoa” – საქართველოს შემომყვან ტურ ოპერატორთა ასოციაციის, “GTA” – საქართველოს ტურიზმის ასოციაციისა და ეკოტურიზმის ასოციაციის მიერ შეირჩნენ.

მსგავსი სიახლეები

Akhasheni Wine Resort & Spa-ს შთამბეჭდავი ადგილი კავკასიონის მთებისა და ვენახების ულამაზესი ხედებით

2017 წლიდან კახეთის რეგიონის სოფელ ახაშენში, ფაფრის მინდვრის ტერიტორიაზე Akhasheni Wine Resort &Spa მდებარეობს, რომელიც საერთაშორისო სტანდარტებით მოწყობილ 41 ნომერს აერთიანებს. სტუმრებს ქართულ-ევროპულ რესტორანს, 30-მდე…

2022 წლის იანვარ-ოქტომბერში საქართველოს ნაერთი ბიუჯეტის შემოსულობებმა ჯამში, 20 347 124 691 ლარი შეადგინა

საანგარიშო პერიოდში საშემოსავლო გადასახადის სახით, ნაერთ ბიუჯეტში - 4 159 561 359 ლარის; ხოლო დამქირავებლის მიერ დაკავებული საშემოსავლო გადასახადის სახით - 3 641 908 951 ლარის მობილიზება მოხდა. ნაერთი ბიუჯეტი საქართველოს…

ქუთაისში Hill Hotel Kutaisi ბაზისბანკის მხარდაჭერით გაიხსნა

ბაზისბანკი აგრძელებს სასტუმრო ინდუსტრიისა და მასპინძლობის სექტორის მხარდაჭერას და  „უმასპინძლე საქართველოში“ პროექტის ფარგლებში, ქუთაისში კიდევ ერთი ახალი, 14 ნომრიანი სასტუმრო Hill Hotel Kutaisi გაიხსნა.პროექტის ჯამური…

ერთ წელიწადში იტალიელებმა 2,7 მილიარდი პიცა შეჭამეს

იტალიელებმა 2021 წელს 2,7 მილიარდი პიცა შეჭამეს. ამის შესახებ ინფორმაციას „ევროპუსლი“ ავრცელებს.კვლევის თანახმად, საშუალო იტალიელი წელიწადში, დაახლოებით, 8 კილოგრამ პიცას მოიხმარს. ექსპერტებმა ქვეყანაში ყველაზე „პიცერიული“…

ბაკურიანი მსოფლიო ჩემპიონატისთვის ემზადება

ეკონომიკისა და მდგრადი განვითარების სამინისტროს „მთის ტრასების სააგენტო“ (MTA) 2022-2023 წლის ზამთრის სათხილამურო სეზონზე, ვიზიტორებს ახალ ინფრასტრუქტურას დაახვედრებს. 2023 წელს კურორტი ბაკურიანი მსოფლიო ჩემპიონატის…

მეტის ჩატვირთვა იტვირთება...პოსტები აღარ მოიძებნა
error: Content is protected !!