Hallo – პირველი ვირტუალური მობილურ ოპერატორია საქართველოში, რომლის მიზანია, შექმნას მარტივი, ხელმისაწვდომი, სწრაფი და ხარისხიანი კომუნიკაციის შესაძლებლობა მთელი ქვეყნისთვის. “Hallo” არსებული ოპერატორების ალტერნატივა იქნება უფრო მისაღები ფასით, მომხმარებელზე მორგებული პაკეტებით და მაღალი ხარისხით. კავშირის სამყაროში “Hallo”-ს მსგავსი კომპანიის გამოჩენა არჩევანს უფრო მრავალფეროვანს ხდის და ყველანაირი ტიპის ადამიანს ახალ შესაძლებლობებს და მრავალფეროვან პაკეტებს სთავაზობს, კომპანია სერვისის მიწოდებას უკვე არსებული ოპერატორების ინფრასტრუქტურის დახმარებით უზრუნველყოფს.
„Hallo-ს მიზანია, შექმნას მარტივი, ხელმისაწვდომი, სწრაფი და ხარისხიანი კომუნიკაციის შესაძლებლობა მთელი ქვეყნისთვის და იმედს ვიტოვებთ, რომ მომხმარებელი სწრაფად შეიყვარებს ჩვენს ბრენდს და Hallo-ს მომსახურება მათი ყოველდღიურობის საიმედო მეგზური გახდება“,- აცხადებს შპს „ეკლეკტიკის“ დირექტორი გიორგი მირიანაშვილი.
ქსელმა სატესტო რეჟიმი უკვე გაიარა და მუშაობა სრული დატვირთვით Hallo-ს ბრენდით დაიწყო. კომპანიის მიერ შემოთავაზებული ნომრები დაიწყება ინდექსით – 500.
“Hallo”-ს პირველი მომსახურების ცენტრი მდებარეობს ჭავჭავაძის გამზ. #66-ში, რომლის სამუშაო საათებია: ორშაბათი-პარასკევი, 10:00-დან 18:00-მდე.
კომპანიის შესახებ დამატებით დეტალებს და პირობებს შეგიძლიათ გაეცნოთ ვებ-გვერდზე www.hallo.ge ან ცხელი ხაზის საშუალებით 110010; 032 2223222. Hallo – უსასრულო კავშირისთვის!
