ბიზნესიდღის სიახლეები

“იზრუნე საგზაო მოძრაობის კულტურაზე“ – „თეგეტა ჰოლდინგის“ ახალი კამპანია

0
გაზიარება

საქართველოში მძღოლებისა თუ ქვეითების გარკვეულ ნაწილს მრავალი მანკიერი ჩვევა ახასიათებს და წესების დარღვევა მათთვის ჩვეული მოვლენაა. სწორედ საგზაო მოძრაობის კულტურის ამაღლებას ემსახურება „თეგეტა ჰოლდინგის“ ახალი კამპანია, რომლის ფარგლებშიც მთელ საქართველოში უჩვეულო საგზაო ნიშნები გამოჩნდა.

სიმბოლოები როგორც მძღოლების, ისე ქვეითების მანკიერ ქმედებებს წარმოაჩენს და ერთი მხრივ, კონკრეტულ პრობლემებზე საზოგადოების ინფორმირებისა და ცნობიერების ამაღლების ფუნქციას ასრულებს, მეორე მხრივ კი, მოქალაქეებს ქცევის ცვლილებისკენ უბიძგებს.

 

მარიამ კარკალაია, „თეგეტა ჰოლდინგის“ მარკეტინგის დირექტორი: ,,არსებობს საგზაო წესები და არსებობს დაუწერელი კანონები, რომლებიც ქალაქში გადაადგილებისას ყოველთვის უნდა გაითვალისწინო, მიუხედავად იმისა, რომ დარღვევის შემთხვევაში არ დაგაჯარიმებენ. სწორედ ამ დაუწერელი კანონების აღსაწერად შემოვიღეთ ტერმინი: „საგზაო მოძრაობის კულტურა“. თითოეული ქცევა, „ჰოლი მოტორსის“ დიზაინერების გუნდის დახმარებით, ალტერნატიულ საგზაო ნიშნად ვაქციეთ და როგორც მძღოლებს, ისე ქვეითებს პასუხისმგებლიანი მოძრაობისკენ მოვუწოდეთ“.

 No description available.

საგზაო მოძრაობის კულტურის კამპანია ადამიანების ქცევის ცვლილებას ემსახურება და კამპანიის მთავარი აქცენტებიც საზოგადოებისთვის ყველაზე მტკივნეულ და რეალურ პრობლემებზე გაკეთდა.

ნათიკა ბერძული, „თეგეტა ჰოლდინგის“ სტრატეგიული კომუნიკაციების ხელმძღვანელი: „თეგეტასთვის ზრუნვა და განვითარება საკვანძო ღირებულებებია. როგორც რეგიონის წამყვანი კომპანია ავტოინდუსტრიაში, მუდმივად ვზრუნავთ, რომ ჩვენს ქვეყანაში ეს სფერო ახალ საფეხურზე გადავიყვანოთ. გარდა ამისა, ყოველთვის ვცდილობთ, ბრენდის ეს ხედვა კონკრეტულ აქტივობებში გამოვხატოთ და საერთო მიზანს საზოგადოების ჩართულობით მივაღწიოთ. სწორედ ამიტომ ვიგრძენით პასუხისმგებლობა, რომ საგზაო მოძრაობის კულტურის შესახებ, თანამოქალაქეებთან ერთად, დისკუსია წამოგვეწყო და რეალობა უკეთესობისკენ შეგვეცვალა. დარწმუნებულები ვართ, ჩვენი თანამოაზრეების შემოკრებას შევძლებთ და ერთად ვიზრუნებთ საგზაო

მოძრაობის კულტურაზე – რადგან გვჯერა, რომ ძირეული ცვლილებები ერთეული ადამიანების ერთიანი ძალისხმევით მიიღწევა“.

 

საზოგადოების ცნობიერების ასამაღლებლად, „თეგეტა ჰოლდინგის“ კამპანიის ფარგლებში, მრავალი საინტერესო აქტივობა იგეგმება. შეიქმნება ვებგვერდი, სადაც მოქალაქეები საკუთარი მოსაზრებების დაფიქსირებას შეძლებენ, გაეცნობიან თითოეულ საგზაო ნიშანს და პასუხისმგებლიანი მართვის შესახებ საჭირო რეკომენდაციებს. კამპანიაში მართვის მოწმობის შემსწავლელი ცენტრებიც ჩაერთვებიან, რომლებიც საგამოცდო მასალებში კულტურული მართვის შესახებ შეკითხვებს ჩაამატებენ და მომავალი მძღოლების ცნობიერების ამაღლებაზე იზრუნებენ.

მსგავსი სიახლეები

რუსულ საექსპორტო ხორბალზე გადასახდელი კიდევ 14%-ით მცირდება

5 ოქტომბრიდან რუსეთიდან საექსპორტო ხორბალზე საბაჟო მოსაკრებელი კიდევ 14,4%-ით მცირდება ერთ ტონაზე 2 119 (დაახლოებით 36 დოლარი) რუბლამდე, დღეს მოქმედი 2 476 რუბლთან შედარებით (დაახლოებით 42 დოლარი). ქერზე საექსპორტო გადასახადი…

საქართველო მშპ-ს ზრდის მიხედვით ევროპისა და ცენტრალური აზიის რეგიონის ლიდერია

WB - საქართველო მშპ-ს ზრდის მიხედვით ევროპისა და ცენტრალური აზიის რეგიონის ლიდერია. მსოფლიო ბანკმა ევროპისა და ცენტრალური აზიის რეგიონის ეკონომიკური მიმოხილვა გამოაქვეყნა, რომელშიც წარმოდგენილია რეგიონისა და მასში შემავალი…

თბილისში ახალი მრავალფუნქციური სივრცე კომბინატი – Combinaty იხსნება

საქართველოს ბანკის მხარდაჭერით თბილისში ახალი მრავალფუნქციური სივრცე კომბინატი - Combinaty იხსნება. პროექტის ფარგლებში ისნის რაიონში, სამოგრის მეტროსთან მდებარე თბილისის კერამიკის კომბინატის ადმინისტრაციულ შენობის…

საჯარო რეესტრის შენობაში საბავშვო ბაღი იმუშავებს

იუსტიციის სამინისტრო პირველი სახელმწიფო უწყებაა საქართველოში, სადაც თანამშრომელთა შვილებისთვის საჯარო რეესტრის ეროვნული სააგენტოს შენობაში საბავშვო ბაღი იმუშავებს.თანამშრომლებს შესაძლებლობა ექნებათ ერთ სივრცეში გაატარონ…

მშენებლობის ღირებულების ინდექსი წინა თვესთან შედარებით 0.05%-ით გაიზარდა

საქსტატის ინფორმაციით მშენებლობის ღირებულების ინდექსი წინა თვესთან შედარებით 0.05%-ით გაიზარდა. ეს ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 3.2…

მეტის ჩატვირთვა იტვირთება...პოსტები აღარ მოიძებნა
error: Content is protected !!