დღის სიახლეებივაჭრობის სფერომარკეტინგი და გაყიდვებიმომსახურების სფეროსაინტერესო სიახლეებიფინანსები

ქართული ყავის ქსელი ERTI KAVA, მილანში საერთაშორისო გამოფენა World of Coffee-ში მონაწილეობს

0
გაზიარება

პირველი, გამორჩეული და ნიშური ქართული ყავის ქსელი ERTI KAVA, მილანში საერთაშორისო გამოფენაზე World of Coffee გამოფენას ესწრება, რომლის მიზანი საერთაშორისო ასპარეზზე საქართველოს, როგორც ყავის ინდუსტრიაში, ერთ-ერთი გამორჩეული და მზარდი ქვეყნის პოპულარიზაციაა რომელიც მუდმივად ვითარდება, იზრდება და იხვეწება, როგორც ყავის ხარისხის, ასევე კვალიფიციური კადრების კუთხითაც.

თავად ბრენდის, “ERTI KAVA”-ის, მთავარი ამოცანაა მომდევნო რამდენიმე წლის განმავლობაში, საქართველოში Specialty Coffee Association-ის ჩამოყალიბება და ასევე ბარისტას ეროვნული ჩემპიონატის ორგანიზება.

რაც შეეხება ბრენდის ისტორიას, ის 2017 წელს დაიწყო და პირველი coffee-shop-ი მაღალმთიან მესტიაში გაიხსნა, სადაც მთისა და ყავის მოყვარულები მთელი მსოფლიოდან ჩამოდიან. მას შემდეგ 5 წელი გავიდა და დღეს “ERTI KAVA” უკვე ოთხ ფილიალს აერთიანებს. თითო მესტიასა და ბათუმში, ორი კი თბილისში (ვაკესა და მთაწმინდაზე).

“ERTI KAVA” მომხმარებლებს ყავის სხადასხვა სახეობასთან ერთად, რომლებიც საერთაშორისო სპეციალობის ყავის ასოციაციის (SCA) სტანდარტების მიხედვით მზადდება, ასევე საუზმესა და დესერტებს სთავაზობს. მაღაზიაში ასევე შეგიძლიათ ყავის მარცვლების, ყავის მოწყობილობებისა და სხვა სუვენირების შეძენა. გარდა ამისა, სასურველი პროდუქციის შეკვეთა შესაძლებელია WOLT-ზეც. თუმცა თუკი მეგობრებთან ერთად, ფინჯან ყავაზე შეკრებას გადაწყვეტთ, მაშინ ყოველ ოთხშაბათს და შაბათს, მიტროფანე ლაღიძის 8-ში მდებარე “ERTI KAVA”-ის ქსელში, საუზმესთან ერთად, ცოცხალი მუსიკაც დაგხვდებათ.

ამასთან, ბრენდის კიდევ ერთი მთავარი უპირატესობა, მისი გუნდია, რომლის წევრ ბარისტებსაც საერთაშორისო სერტიფიკატები აქვთ მიღებული (Barista skills by Specialty coffee association) და მუდმივად ზრუნავენ განვითარებაზე.

პარალელურად, უკრაინაში ომის დაწყების პირველივე დღიდან, კომპანია “ERTI KAVA” უკრაინელი ლტოლვილების მხარდაჭერის პროგრამაშია ჩართული და უკრაინელ ლტოლვილებს საქართველოში დასაქმებისა თუ ფინანსური დახმარების კუთხით უზრუნველყოფს.
ინფორმაციისთვის, ინტერნაციონალური კომპანიის ბრუნვა 2022 წლის პირველ ნახევარში, დაახლოებით მილიონი ლარს გაუტოლდება, ხოლო მთლიანობაში 40 ადამიანია დასაქმებული.

ყველა ფილიალი ღიაა ყოველდღე, დილის 8 საათიდან საღამოს 9 საათამდე.
წყარო bm.ge

მსგავსი სიახლეები

Business Insider: ბოლო წლებში საქართველოს ეკონომიკამ მნიშვნელოვანი მდგრადობა აჩვენა

საერთაშორისო გამოცემა Business Insider-ი საქართველოს მიმზიდველ საინვესტიციო გარემოზე სტატიას ავრცელებს და ხაზს უსვამს იმ უპირატესობებს, რასაც საქართველო საერთაშორისო კომპანიებს სთავაზობს. სტატიაში, რომლის სათაურია - „რატომ…

ოქტომბრიდან რუსეთი ზეთის ექსპორტზე გადასახადს ანულებს

რუსეთში მზესუმზირის ზეთისა და შროტის საექსპორტო გადასახადი ოქტომბერში ნულოვანი იქნება. ამის შესახებ ფედერაციის სოფლის მეურნეობის სამინისტროს განცხადებაში არის ნათქვამი. ამჟამად ზეთზე გადასახადი ტონაზე 8 621,3 რუბლს (148…

სეულში ქართული ღვინისადმი მიძღვნილი მასშტაბური ღონისძიება გაიმართა

ღვინის ეროვნული სააგენტოს მხარდაჭერით, კორეის რესპუბლიკის დედაქალაქ სეულში, ქართული ღვინისადმი მიძღვნილი მასშტაბური ღონისძიება გაიმართა. ღონისძიებას 140 სტუმარი დაესწრო, რომელთა შორის იყვნენ მეღვინეობის დარგის ადგილობრივი…

საქართველოდან მინერალური და მტკნარი წყლების ექსპორტი 29%-ით შემცირდა

2022 წლის იანვარ-აგვისტოში საქართველოდან 66,7 მლნ აშშ დოლარის მინერალური და მტკნარი წყალი გავიდა, გასული წლის ანალოგიურ პერიოდში კი, 92,5 მლნ აშშ დოლარის ტონა წყალი. ეს რამდენიმე ქვეყნის ჩამონათვალია, სადაც საქართველომ წყლები…

სემეკი განახლებადი ენერგიის საერთაშორისო საინვესტიციო კონფერენციას უმასპინძლებს

26-28 ოქტომბერს, თბილისში განახლებადი ენერგიის საერთაშორისო საინვესტიციო კონფერენცია გაიმართება, რომელსაც საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) უმასპინძლებს. კონფერენციის მიზანია…

მეტის ჩატვირთვა იტვირთება...პოსტები აღარ მოიძებნა
error: Content is protected !!