დღის სიახლეებისაინტერესო სიახლეები

ქოლგა თბილისი- ფოტოკვირეული დაიწყო

0
გაზიარება

ფოტოკონკურსი ქოლგა 2022-ის წარმდგენია თიბისი. თიბისისა და ქოლგა თბილისი ფოტოს თანამშრომლობა უკვე 18 წელს ითვლის. ამ დროის განმავლობაში, თიბისი მუდმივად უჭერს მხარს ქოლგას ღონისძიებებს. ფოტო კვირეული 6 მაისს გაიხსნება. პროგრამიდან ორ გამოფენას თიბისი კონცეპტის მულტიფუნქციური სივრცე უმასპინძლებს. ქოლგა თბილისი ფოტო მხარს უჭერს თანამედროვე ხელოვნების პოპულარიზაციას და ახალგაზრდა ხელოვანების განვითარებას. ფოტო კვირეული მოიცავს საერთაშორისო ფოტოკონკურსს, თანამედროვე და კლასიკური ფოტოგრაფიის მოწვეულ გამოფენებს და საგანმანათლებლო მიმართულებას (ვორქშოპები, სემინარები, პორტფოლიოს განხილვები).

ქოლგა თბილისის ფოტო კვირეულის გახსნის ცერემონია გაიმართება 6 მაისს 20:00 საათზე, დოდო აბაშიძის #10-ში, არტარეაში. ცერემონიის მუსიკალური მასპინძელი იქნება ჯგუფი Pitter J. ფოტო კვირეული მოიცავს როგორც გამოფენებს, ასევე დაჯილდოებას 5 ნომინაციაში:

• დოკუმენტური სერია;

• რეპორტაჟი;

• კონცეპტუალური ფოტო პროექტი;

• ერთი კადრი;

• მობილური ფოტოგრაფიის ერთი კადრი.
7 მაისს თიბისი კონცეპტის მულტიფუნქციური სივრცის პირველ სართულზე, მარჯანიშვილის #7-ში გაიხსნება ვახო ხეთაგურის გამოფენა – „მთის მიღმა“. 10 მაისს თიბისი კონცეპტის მეორე სართულის სივრცეს დაიკავებს სანდრო სულაბერიძის ნამუშევრების გამოფენა – „გარე თვალით დამკვირვებელი“. ექსპოზიცია ავტორის ოპტიკური ექსპერიმენტების შედეგების კრებითი გამოფენაა. ხელნაკეთი კამერები და მათ მიერ გადაღებული ფოტოები ინფორმაციული ტექნოლოგიების დეკონსტრუქციას წარმოადგენს.

ქოლგა თბილისი ფოტო ორი წლის მანძილზე, კოვიდ პანდემიის ფონზე შექმნილი სიტუაციის გამო, ვირტუალურად ტარდებოდა. წელს ფესტივალი უბრუნდება ცოცხალ რეჟიმს, რაც კიდევ უფრო სახალისოსა და აქტიურს ხდის ღონისძიებას.

ფოტოკონკურსი ქოლგა 2022-ის მონაწილეები წარმოადგენენ ნამუშევრებს სხვადასხვა საინტერესო თემებზე: „Слава Украини“- ჯგუფური გამოფენა; „მთების სიმაღლიდან“- დევი თარხნიშვილის არქივი; „მთის მიღმა“- ვახო ხეთაგური; „გარე თვალით დამკვირვებელი“- სანდრო სულაბერიძე; „სხვა საბჭოთა ადამიანი“- გურამ თიკანაძე და სხვა.

წელს თიბისის არსებობის მესამე ათწლეული უსრულდება. თიბისი 30-ის ფარგლებში მრავალი ღონისძიება იგეგმება, რომლის მეშვეობითაც თიბისი გაუმარტივებს ადამიანებს ცხოვრებას. ქოლგა თბილისი ფოტო ერთ-ერთი მათგანი და პრიორიტეტული ღონისძიებაა. გამოფენა სტუმრებს დაუტოვებს სასიამოვნო ემოციებსა და წარუშლელ შთაბეჭდილებებს.

„ქოლგას და თიბისის 18 წლიანი თანამშრომლობის ისტორია აქვთ. ჩვენ გვჯერა, რომ ამ პარტნიორობით უამრავ ადამიანს საშუალებას ვაძლევთ, განავითაროს და წარმოაჩინოს საკუთარი ხედვა და ფოტოგრაფიის ენით ესაუბროს ათიათასობით ადამიანს აქტუალურ თემებზე. საქართველო ქოლგას არსებობით ნამდვილად გახდა თანამედროვე ფოტოგრაფიის ისტორიის ნაწილი და ყველაზე მნიშვნელოვან დროს ყველაზე აქტუალურ ამბებს უყვება მნახველს. თიბისისთვის დიდი პატივია ამ ფესტივალის მეგობრად ყოფნა უკვე მეორე ათწლეულის განმავლობაში.“ – ნინო ეგაძე, თიბისი ბანკის მარკეტინგის დირექტორი.

თიბისისა და ქოლგა თბილისი ფოტოს თანამშრომლობის ისტორია 2004 წლიდან იწყება და მოგვითხრობს წარმატებული პარტნიორობისა და ღირებული ღონისძიებების შესახებ. თიბისისთვის მნიშვნელოვანია კულტურული განვითარება და შესაბამისად, ხელოვნების აღმასვლის ხელშეწყობა. „ქოლგა თბილისი ფოტო“ პროექტის მხარდაჭერა, სწორედ ამ მიმართულებას ეხმიანება.

მსგავსი სიახლეები

1-ელი ივლისიდან საქართველოში ენერგეტიკული ბირჟა ამოქმედდება

"გალტ&თაგარტის“ მიხედვით, ამ ეტაპზე, კანონქვემდებარე აქტებში ცვლილება არ შესულა, თუმცა აქტიურად განიხილება ბაზრის ეტაპობრივად ამოქმედება და სრულ გახსნას, სავარაუდოდ, რამდენიმე წელი დასჭირდება. პირველ ეტაპზე, ვაჭრობა…

საქართველოში სიღარიბის აბსოლუტურ ზღვარს ქვევით მყოფი მოსახლეობის წილი წინა წელთან შედარებით, 3.8 %-ით შემცირდა 

2023 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი (აბსოლუტური სიღარიბის მაჩვენებელი) წინა წელთან შედარებით, 3.8 %-ით შემცირდა და 11.8% შეადგინა - საქსტატი სტატისტიკის მიხედვით, 2023 წელს…

საქართველოში საშუალო თვიური ხარჯები ერთ ოჯახზე , წინა წელთან შედარებით, 16.7%-ით გაიზარდა და 1 649 ლარი შეადგინა

2023 წელს ოჯახებს, შემოსავლებთან ერთად გაეზარდათ ხარჯებიც. საქსტატის მიერ გამოქვეყნებული შინამეურნეობების შემოსავლებისა და ხარჯების გასული წლის მონაცემებით, საქართველოში საშუალო თვიური ხარჯები ერთ ოჯახზე , წინა წელთან…

გერმანიამ მოქალაქეობა ბოლო 20 წლის მანძილზე რეკორდული რაოდენობის – 200100 პირს მიანიჭა

გერმანიის მოქალაქეობამინიჭებულ პირთა საერთო რაოდენობამ, 2000 წელს დაწყებული მონიტორინგის შემდეგ, გასულ წელს უმაღლეს დონეს მიაღწია. ინფორმაციას სააგენტო, DPA ფედერალური სტატისტიკური სამსახურის მინაცემებზე დაყრდნობით ავრცელებს.…

სოფლის ექიმის ყოველთვიური ხელფასი 1 262 ლარია, ხოლო ექთნის/ფერშლის 1 018 ლარი

ჯანდაცვის მინისტრის მიერ წარდგენილი ანგარიშის თანახმად, დღეის მდგომარეობით საქართველოში 1004 სოფლის ამბულატორია ფუნქციონირებს. ანგარიშის მიხედვით, სოფლის ამბულატორიებში დასაქმებულია ჯამში 1283 ექიმი და 1542 ექთანი.…

მეტის ჩატვირთვა იტვირთება...პოსტები აღარ მოიძებნა
error: Content is protected !!