LEGO ცნობილი ნიდერლანდელი მხატვრის, ვინსენტ ვან გოგის შედევრის – „ვარსკვლავებიანი ღამის“ მოტივებზე შექმნილ ნაკრებს გამოუშვებს.
ტელეარხის ცნობით, ნაკრები 25 წლის ჰონგ-კონგელმა, ტრუმან ჩენმა შექმნა. მან თავისი პროექტი პლატფორმაზე LEGO Ideas გამოაქვეყნა, რომელზეც დიზაინერებს საკუთარი იდეების განთავსება შეუძლიათ. ამის შემდეგ, საჯარო ხმის მიცემით ვლინდება პროექტი, რომელსაც კომპანია უშვებს.
„ვარსკვლავებიანი ღამე“ 2 316 ნაწილისგან შედგება, მათ შორისაა ვან გოგის პატარა ფიგურაც. ნაკრების ფასი 169.99 აშშ დოლარი იქნება. ნაკრები ფართო საზოგადოებისთვის ხელმისაწვდომი ზაფხულში გახდება.
