სერვის «მაქსიმის» მომხმარებლებს, ტაქსის გამოძახების გარდა, შეუძლიათ, შეუკვეთონ დოკუმენტების, ამანათების და სხვადასხვა ნივთის საკურიერო მიწოდება. თბილისში მომსახურების ღირებულება 3,5 ლარიდან იწყება.
სერვისის თბილისის ხელმძღვანელი, თორნიკე კირკიტაძე აცხადებს, რომ კურიერების დახმარებით ადამიანები აგზავნიან ამანათებს, პირად ნივთებს, ითხოვენ კერძების მიტანას კაფეებიდან და რესტორნებიდან. ეს მომსახურება განსაკუთრებულად აქტუალური პანდემიის პერიოდში იყო და ახლაც მოთხოვნადი რჩება, რადგან მომხარებლებმა დააფასეს მისი უპირატესობები. აპლიკაციაში პირს შეუძლია, მიუთითოს „საკურიერო მიწოდება კარიდან კარამდე“, ასევე, სექციაში «სურვილი შეკვეთაზე» შეიყვანოს დამატებითი ინფორმაცია, მაგალითად, კონკრეტულად რისი მიწოდებაა საჭირო.
გარდა ამისა, როგორც კომპანიაში განმარტავენ, საკურიერო შეკვეთების გაფორმება შესაძლებელია არა მხოლოდ საკუთარი თავისთვის, არამედ სხვა ადამიანისთვისაც. ამისათვის „სურვილებში“ მომხმარებელმა უნდა მიუთითოს მესამე პირის ტელეფონის ნომერი, რათა მან შეძლოს კურიერთან დაკავშირება და შეტყობინებების მიღება. აღნიშნული ოფცია განსაკუთრებით ხელსაყრელი და კომფორტულია მისთვის, ვისაც სურს, გამოიჩინოთ ყურადღება და გაუგზავნოს საჭირო ნივთები ახლობელს, საყვარელ ადამიანს ან მეგობარს.
შეკვეთის გაფორმება შესაძლებელია აპლიკაციაში «მაქსიმი», რომელიც ხელმისაწვდომია როგორც Play Market-ში, ისე App Store-შიც და თავსებადია ორივე ოპერაციულ სისტემასთან. გარდა აპლიკაციისა, შეკვეთა ფორმდება ვებგვერდზე taximaxim.ge-სა და ტელეფონის — 032 260 60 60-ის მეშვეობით.
ცნობისთვის, „მაქსიმმა“ საქართველოში მუშაობა 2014 წელს დაიწყო, პირველი ქალაქი კი თბილისი გახდა. სერვისმა მომხმარებლებს ტაქსის გამოძახების ინოვაციური ტექნოლოგიები შესთავაზა, რამაც ეს მომსახურება უფრო თანამედროვე, ხელმისაწვდომი და უსაფრთხო გახადა. ახლა, მგზავრობის გარდა, შეგიძლიათ შეუკვეთოთ სხვადასხვა ნივთის ყიდვა, მიტანა, ტვირთის გადაზიდვა, მტვირთავის მომსახურება, ხოლო რთულ სიტუაციაში ისარგებლოთ ძრავის ამუშავებისა და ბუქსირების მომსახურებით.
სერვისი ხელმისაწვდომია საქართველოს 10 ქალაქის მცხოვრებლებისა და სტუმრებისთვის. ეს ქალაქებია: თბილისი, რუსთავი, ბათუმი, გორი, ზესტაფონი, ზუგდიდი, ქობულეთი, ქუთაისი, ფოთი და სამტრედია. კომპანია „მაქსიმი“-ს განმარტებით, სერვისი გააგრძელებს მომსახურების მიწოდების არეალის გაფართოებას და მოკლე პერიოდში მუშაობას ხაშურში, ახალციხესა და თელავში დაიწყებს.
