დღის სიახლეებიმომსახურების სფეროსაინტერესო სიახლეებიუცხოური ბიზნეს სიახლეები

McDonald’s — სწრაფი კვების რესტორნების უმსხვილესი ქსელი მსოფლიოში

0
გაზიარება

მსოფლიოს უმსხვილესი საწარმოების უმრავლესობის მსგავსად, „მაკდონალდსის“ ისტორიაც ერთი შეხედვით მარტივად დაიწყო. დღეს კი „მაკდონალდსი“ ამერიკის შეერთებულ შტატებში და არა მარტო, წარმოადგენს ყველაზე მსხვილ ფასტ–ფუდ (FAST-FOOD) რესტორნების ქსელს, რომელიც ყოველდღიურად 68 მილიონ მომხმარებელს ემსახურება მსოფლიოს 119 ქვეყანაში, მათ შორის საქართველოშიც.
ყველაფერი დაიწყო იმით, რომ 1940 წელს, კალიფორნიაში, ქალაქ სან–ბერნარდინოში, ამერეკილემა ძმებმა – რიჩარდ და მორის მაკდონალდებმა გახსნეს ტიპიური ამერიკული ბარბექიუ რსტორანი, რომელიც მძღოლების მომსახურებაზე იყო გათვლილი. ძმები ამით არ დაკმაყოფილდნენ და 1948 წელს “მაკდონალდსს” რეორგანიზაცია ჩაუტარეს. მათი მიზანი იყო დაეხვეწათ სწრაფი მომსახურების სერვისი. ასეთი მომსახურება აშშ–ში უკვე ორი ათეული წელი იყო არსებობდა და მას „თეთრი სასახლე“ ერქვა. ძმებ მაკდონალდებს სურდათ ტიპიური „უღიმღამო“ ჰამბურგერებისათვის რაღაც ახალი დაემატებინათ. მათ შეცვალეს მომსახურების სტილი და გადავიდნენ დახლთან თვითმომსახურებაზე. გადააკეთეს სამზარეულო, სადაც მთელი მოწყობილობა გაკეთდა უჟანგავი ფოლადისაგან. შენობა მოაპირკეთეს თეთრ–წითელი ფილებით, დახრილი სახურავითა და გვერდებზე ოქროსფერი თაღებით, რომლებიც „მაკდონალდსის“ სიმბოლოდ იქცა.

პირველი ფასტ-ფუდ რესტორანი აშშ-ში

გარდა ამისა, მათ ჰამბურგერებზე მკვეთრად შეამცირეს ისედაც დაბალი ფასი. იმ პერიოდში „მაკდონალდსის“ ჰამბურგერები მხოლოდ 15 ცენტი ღირდა. გარდა ჰამბურგერისა, ასევე გამოუშვეს 8 სახეობის საკვები: ჰამბურგერი, ჩიზბურგერი, უალკოჰოლო სასმელები, რძე, ყავა, კარტოფილის ჩიფსები და ნამცხვარი. ამ ყველაფერმა ამერიკის შერთებულ შტატებში იმთავითვე დიდი წარმატება მოუტანა „მაკდონალდსს“ და სწრაფი კვების ისტორიაში ნამდვილი გადატეხა მოახდინა.

1955 წელს „მაკდონალდსი“ 9 რესტორანს ითვლიდა, ხოლო 1965 წელს რესტორნების რიცხვმა აშშ–ს მასშტაბით 700–ს მიაღწია. 1958 წელს “მაკდონალდსმა” ას მემილიონე ჰამბურგერი გაყიდა. 1962 წელს „მაკდონალდსმა“ კოლორადოში პირველი დასაჯდომ ადგილიანი რესტორანი გახსნა.
1966 წელს „მაკდონალდსმა“ წარმოადგინა გამოგონილი პერსონაჟი – რონალდ მაკდონალდი, კლოუნი, რომელთანაც დღესაც დიდი სიამოვნებით იღებენ ბავშვები ფოტოებს.

1978 წელს „მაკდონალდსის“ მე–5000 რესტორანი იაპონიაში გაიხსნა.1981 წელს რესტორნები გაიხსნა ესპანეთში, დანიაში და ფილიპინებში.
1983 წლის ბოლოს უკვე 7778 „მაკდონალდსის“ რესტორანი ფუნქციონირებდა მსოფლიოს 32 ქვეყანაში.

1990 წელს „მაკდონალდსის“ პირველი რესტორანი გაიხსნა მოსკოვში, სადაც პირველივე დღეს 30 000–მდე მომხმარებელმა მოიყარა თავი. (შეგახსენებთ, იმ დროს ჯერ კიდევ საბჭოთა კავშირი იყო და მოგეხსენებათ კომუნისტები ყველაფერ ამერიკულისადმი მთლად კეთილგანწყობილები არ იყვნენ).
1992 წელს პოლონეთის დედაქალქში – ვარშავაში „მაკდონალდსის“ გაყიდვებმა ყველა დღიური გაყიდვების რეკორდი მოხსნა.

ბიგ-მაკი

1996 წელს „მაკდონალდსმა“ შექმნა თავისი პირველი ვებ–გვერდი.
1999 წლის 5 თებერვალს, ქალაქ თბილისში 7000 – ზე მეტი
ადამიანი დადგა რიგში საქართველოში “მაკდონალდსის” პირველ რესტორანში შესასვლელად.
2008 წლისათვის კორპორაციის ქსელში დასაქმებულთა საერთო რაოდენობამ შეადგინა 400 000 ადამიანი, ხოლო მოგებამ 23, 5 მილიარდი აშშ დოლარი.

ფრენჩ-ფრი

2009 წელს კორპორაციის კაპიტალი შეადგენდა 64, 2 მილიარდ აშშდოლარს. ამჟამად კორპორაციის დირექტორთა საბჭოს თავმჯდომარე და მთავარი მმართველია ჯეიმს სკინერი, ხოლო პრეზიდენტი – დონ ტომპსონი.
2009 წელს ივნისისათვის, „McDonald’s“ სავაჭრო ნიშნის ქვეშ მსოფლიოს 118 ქვეყანაში ფუნქციონირებდა 32 060 რესტორანი, რომელთაგან 14 000 აშშ-ში მდებარეობს.

აღსანიშნავია, რომ „მაკდონალდსის“ რესტორნების ასორტიმენტი, ზომები და პორციის შემადგენლობა ყველა ქვეყანაში განსხვავებულია.

რესტორნების ასორტიმენტში შედის ჰამბურგერები (მათ შორის „ბიგ მაკი“), სენდვიჩი, კარტოფილი ფრი, დესერტები, სხვადასხვა სასმელი

და ა.შ. ზოგიერთი ქვეყნის, მაგალითად გერმანიის „მაკდონალდსის“ რესტორნებში იყიდება ლუდიც.

McDonald's Wants You to 'Hack' Your Order with a 'Surf + Turf'  Cheeseburgers and 'Land, Air, & Sea' Big Mac | Food & Wine

მსგავსი სიახლეები

რეგიონებზე სუპერმარკეტების შემოსავალების 38.3% მოდის

2023 წლის პირველ 9 თვეში, თიბისი კაპიტალის მიერ გამოქვეყნებული ანგარიშის მიხედვით, პირველადი მოხმარების პროდუქციით ვაჭრობის სექტორი 25%-ით გაიზარდა. ორგანიზებული FMCG ბაზრის შემოსავალთა უდიდესი ნაწილი, 61.3 პროცენტი, კვლავ…

2022-2023 აკადემიურ წელს უცხო ქვეყნის მოქალაქე 10 934 მოსწავლე ოფიციალურად ირიცხება საქართველოს კერძო და საჯარო სკოლებში

საქართველოს ღია საზოგადოების მხარდაჭერით შემუშავებული კვლევის მიხედვით, თუ 2016-2017 აკადემიურ წელს უცხო ქვეყნის მოქალაქე 5044 მოსწავლე ირიცხებოდა ოფიციალურად საქართველოს კერძო და საჯარო სკოლებში, 2022-2033 აკადემიური…

სებ-ი საპენსიო სესხების რეკლამირებას აკრძალავს

საქართველოს ეროვნული ბანკის გადაწყვეტილებით, პენსიით უზრუნველყოფილი სესხების რეკლამირება პენსიონერთა ინდივიდუალური თანხმობის გარეშე იკრძალება - ინფორმაციას ეროვნული ბანკი ავრცელებს. აღნიშნული ცვლილება გავრცელდება იმ…

იანვარ-ოქტომბრის მონაცემებით, საქართველომ 1,025 მლნ დოლარად 2,635 ტონა თურქული ვაშლი შეიძინა

იანვარ-ოქტომბრის მონაცემებით, საქართველომ 1,025 მლნ დოლარად 2,635 ტონა თურქული ვაშლი შეიძინა თურქეთში ვაშლზე მოთხოვნამ იმატა. Ani Tarim-ის გაყიდვებისა და მარკეტინგის მენეჯერის მეჰმედ ჩაკმაკის თქმით, განსაკუთრებული მოთხოვნაა…

საქართველოში პირველადი მოხმარების პროდუქციით ვაჭრობის სექტორი 25%-ით გაიზარდა

2023 წლის 9 თვეში საქართველოში პირველადი მოხმარების პროდუქციით ვაჭრობის სექტორი 25%-ით გაიზარდა - ინფორმაცია აღნიშნულია თიბისი კაპიტალის სწრაფად ბრუნვადი სამომხმარებლო პროდუქციით ვაჭრობის სექტორის (FMCG) განახლებულ…

მეტის ჩატვირთვა იტვირთება...პოსტები აღარ მოიძებნა
error: Content is protected !!