დღის სიახლეებისიახლეები

Meta ხელოვნური ინტელექტის შექმნილ ფოტოებზე, შესაბამის აღნიშვნას დაამატებს

0
გაზიარება

Meta-ს პლატფორმები: Facebook, Instagram, Threads და სხვები – ხელოვნური ინტელექტის ხელსაწყოებით, ChatGPT-ით თუ Google-ით შექმნილ ფოტოებს სპეციალურ აღნიშვნებს დაამატებს. სოციალური პლატფორმების მომხმარებლებს აუდიო და ვიდეო ფაილების ატვირთვისას, ვალდებულება ექნებათ თავად მიუთითონ, რომ მასალის შექმნაში AI-ია ჩართული, წინააღმდეგ შემთხვევაში მათ ჯარიმები დაეკისრებათ – რა ტიპის, უცნობია.

კომპანიის წარმომადგენლის განცხადებით, Meta განათავსებს სპეციალურ სიმბოლოს ნებისმიერ ფოტოზე, რომელიც ფაილში ერთი შეხედვით უხილავ AI ნიშნებს შეიცავს, რითაც Facebook-ის, Instagram-ისა და Threads-ის მომხმარებელს მიანიშნებს, რომ ფოტოები, რომლებიც ხშირ შემთხვევაში რეალური გვგონია, შესაძლოა, ხელოვნური ინტელექტის დახმარებით, ციფრულად იყოს შექმნილი.

იმ შემთხვევაში, თუ ციფრული კონტენტი თავად Meta-ს AI ხელსაწყოებითაა შექმნილი, კომპანია მას შესაბამის აღნიშვნას უკვე უკეთებს, თუმცა მომავალი კვირებიდან მსგავსი რეგულაცია გავრცელდება სხვა ხელსაწყოების, მათ შორის კომპანიების OpenAi, Microsoft, Adobe, Midjourney, Shutterstock და Google-ის პლატფორმებით შექმნილ ვიზუალიზაციებზეც.

Meta-ს წარმომადგენელი აღნიშნავს, რომ ტექნოლოგია, რომელიც AI-ის ამოიცნობს, ჯერჯერობით ბოლომდე დახვეწილი არ არის, თუმცა კომპანია დარწმუნებულია, რომ ხელოვნური ინტელექტით გენერირებულ ფოტოებს მარტივად ამოიცნობს, ვიდეო და აუდიო კონტენტის შემთხვევაში კი საქმე უფრო რთულადაა და, სწორედ ამიტომ, შესაბამისი ტექნოლოგიის დახვეწა კვლავ მიმდინარეობს.

 

მსგავსი სიახლეები

ხელოვნური ინტელექტი სმარტფონებში

ხელოვნური ინტელექტის სმარტფონები -  სმარტფონებისა და მობილური ტელეფონების მწარმოებლები უკვე აქტიურად მუშაობენ ხელოვნური ინტელექტის ტექნოლოგიის ტელეფონებში დანერგვაზე. OpenAI-ის ChatGPT, რომელიც 2022 წლის ბოლოს გამოვიდა,…

საყოველთაო ჯანდაცვის სისტემა საქართველოს მოსახლეობის 94.7 %-ს მოიცავს

ჯანმრთელობის ეროვნული სააგენტოს მიერ 2023 წლის ანგარიშის მიხედვით, საყოველთაო ჯანდაცვის სისტემით მოცულია საქართველოს მოსახლეობის 94. 7 % . 1.3 მლრდ ლარით დაფინანსდა მილიონამდე ადამიანი და 2 823 000 სამედიცინო შემთხვევა.…

გონიოში მართვის მოწმობის საგამოცდო ცენტრის მოწყობა იგეგმება

აჭარაში, გონიოში მართვის მოწმობის საგამოცდო ცენტრის მოწყობა იგეგმება - შინაგან საქმეთა სამინისტროს მომსახურების სააგენტომ სახელმწიფო შესყიდვების გვერდზე ტენდერი გამოაცხადა. ტენდერის პირობებიდან ირკვევა, რომ დაინტერესებულმა…

საბერძნეთში ქართული პროდუქციის ექსპორტი 1341%-ით გაიზარდა

სტატისტიკის ეროვნული სამსახურის მონაცემების მიხედვით, საქართველოს ადგილობრივი ექსპორტი საბერძნეთთან 2024 წლის იანვარში 1341%-ით გაიზარდა. აღნიშნულ პერიოდში საბერძნეთში 5.1 მილიონი აშშ დოლარის ღირებულების ადგილობრივი წარმოების…

მეტის ჩატვირთვა იტვირთება...პოსტები აღარ მოიძებნა
error: Content is protected !!